Firifai 4:1 - Yareba

¹ Naiyemutu, yaba neno arama derawere uteda ya emane watane. Yana nanu nenoma yaru uetaini nanu gaukaranu moko munetaini iba naiyemutu, yanu Dera Waria Amarabai ba ibegou uawe.

Firifai 4:1 ပူးပေါင်းရင်းမြစ်များ

Matiunu 10:22

Ya Nanu ifu munaitaba i uwara nesia yaba neno ka ufitaita. Anama buna ufiro dubu kowa ido fafiro dawa wirofisu wei.

Joninu 8:31

Yesuma Danu sina naue imue utebita Ju uwaraba wei, Nanu sina nauegou ufoitana Nanu ba iwata ueta uwara sibote Nanu ba sina iwata ufoitaba yanu siosanu sabua ueta arina ido me sibisu wei.

Afosoro 11:23

Anitiyoka suro ane farite Godinu ma kobererau utebi erite yaru derawere uteda wei, i aika naueta uwaraba wei, yanu imueta nesia Yesubai mawete ainewaure Yesunu buribi inarebeawe wei.

Afosoro 2:42

Eno utate ainewaure guruguru utebitate afosoro uwaranu sina nautebitate emanu owiga ueta utebitate ieta ma birabiarebitate iteda imutebita. Yesu yaba uiba yaru utaisi imutebitate guriguri utebita.

Romani 2:7

Ana anama kobere uetaini Godinu araetaini kobere ifu wetaini ibene ibene me ibetaini mubitae utedana kobererau uegou utebaitana Godima emaba ibene ibene me ibeta mafisu.

1 Korinita 15:58

Enoba naiyemutu, buna ue, imueta ure owere ma owere da ue, Godinu gaukara uegou ue, eno utebeawe. Godinu gaukara ufoitana ina kobererauba Godima ya moko mafisu.

1 Korinita 16:13

Eregou uforo! Yanu naueta ma kimu uawete iya da uyawete buna uawe.

2 Korinita 1:14

Bodere yana yanu moana sina imutebitate moana sina imutawa utebita. Awona i ba sina nesia iwata ufote yaba yaru ufoe waisi. Yesu Keriso fafiro Danu iboro inaibeda yaba yaru ufeisiba ya naini uwaraba yaru ufoita.

Gareisia 5:1

Yesu Kerisoma ya yanu sabua uetabairoma ma uregari uteda mune aika odi. Dawa eno uiba imuegou uawete i sabua uetanu urumu ari yanu deiro nono da odiawe.

Firifai 1:27

Yana Yesu Kerisonu naueta uwaraba kobere ueta sineta uegou uawe. Yabai famau aba me arina yanu kobere ueta sineta sina torowa naumau. Ya uwarama naueta daba demurairo inafote imueta daba demurai imufote uruama Godinu sina weboro yaini wasai ufitaitana iya da uyafoe watane. Yana eno ufoitana i wasai ufitaita uwarama ereda emana i eme da uifitaita inaro anibitaro nono Godima yana ma wirofisu iwata ufitaita.

Firifai 1:8

Godi Dawa iwata, Yesu Kerisoma yaba neno arama utasu, i ari naini yaba neno arama uegou utatane.

Firifai 2:26

Dawa danu su uwara ane efie neno arama utasu. Dawa ofe wouriro nautaro dawa yanu nauetaba neno siosa uteda danu suro anibie utasu.

Korose 4:12

Yanu mui su amara Efafarasi dawa yaba ario sina wasu. Dawana Yesu Kerisonu mui sabua ueta amara. Dana Godibai guriguri utedana eno wasu, nanu su uwara durua uaro Anu imueta imuegou ufitate Anu dabaro anegou ufitate naueta derawere ufita eno wegou utasu.

1 Tesoronaika 3:13

Eno ufoitana yanu Baba Godima yanu neno ma kimu ufisuba duburo yanu Dera Waria Amara Yesuma Danu uwara nesia woure afisuna yabai kerere mero yanu imuetana roatarau. Ya kobererau imuteda yanu Baba Godinu iboro kerere me inafoita.

2 Tesaronaika 2:15

Naiyemutu, neno kimu uawete inare kimu uteda yanu owawaro ba sinaini yanu bebetuma waisi ba sinaini eawete enanari uawe.

2 Timotibai 2:1

Nanu amara Timoti, nanu sina naua. Yesu Kerisoma a durua uteda buna matasuba Danu amarana a idoba buna utebea.

Iburu 10:23

Ya Yesu Keriso imuegou ufene watane. Godi Danu sinana ba. Danu imueta uro owere ma owere da ufisu. Anene webite enanari ufisuba iba Yesu Keriso imuegou ufene watane.

Iburu 3:14

Yana yanu naueta Yesu Kerisobai oitate Dawa imuegou uta enanari awona dawa imuegou utaitana yaini Dawaini uruama yaubeda Danu imuetaini ane ane nesia munaita.

Iburu 4:14

Enoba yanu Dera fuyo ode sina weta Amara, Godinu Amara Yesu, Dana Godinu kobere me ibeta orofaro aniba yanu naueta ma kimu ufete inare kimu ufene iba watane.

2 Fitanu 3:17

Nono yade! Naiyemutu, awona ewa nesia iwata ufoita. Siosawere utaita uwaranu sina nauotote imueta aika maika imuotoba yanu ueta sineta eregou uforo!