Firifai 2:5 - Yareba

^5-7 Yesu Keriso imue eawe. Danu ueta sineta ari enanari ue eawe. Dawana Godi. Nono Danu Godi ueta sineta mamegou utawa uite Danu bunaini Danu araetaini i ekodite sabua ueta amara sineda ba eme sini.

Firifai 2:5 ပူးပေါင်းရင်းမြစ်များ

Matiunu 11:29

Nanu tobo ana ari wouawete Nanu imueta ue iwata uawe. Nanu nenona ure nudarau Na awe meba Nabai yanu neno ure nudarau ufote imoifoita.

Rukanu 22:27

I kaiyobai yaubeda ieta itasu amara dana derawere. I ieta gaukara utasu amara dana otowaratu. Nono yabai, Nana yanu gaukara utatane Yesuma wei.

Afosoro 10:38

Ya iwata, Godima Nasareta Amara Yesubai Danu Imumu Kotofu mairo kobere uetaini wetaini uite seitaninu imumu siosa we berairo anita. Godima Dawabai ibiba iba eno ui.

Afosoro 20:35

Nanu utebitara i ari ufote i buna me uwara durua ufoita wei. Yesunu sina imuawe wei. Yesuma eno wei, i maeta amaranu yaruna derawere, i muneta amaranu yaruna otowaratu. Eno weiba iba imuawe Foroma wei.

Romani 14:15

Ana ieta itebasuro anu aiyema i ueta ereda imueta siosawere utasuna ina kobererau me. Ana eno utasuna anu aiye ba neno arama utawa siosawere utasuba ina kobererau me. Ana neno arama utawa anu unu torowa utasu. Kerisona i amaraba ui. Enoba ane ifasuna ina i amaranu imueta ma siosa uosoba i ieta da ia.

Romani 15:3

Keriso Dawa Danu torowa imutawa utebi. Godinu bukaro sinama eno wasu, moana uwarama Godiba sina siosa weda Naini webita eno wasu.

Romani 15:5

Nanu ununa i kekerama uetaini buna uetaini matasu Godi Dawa yaba durua ufiro yana Yesu Kerisonu ueta sineta ari uteda uruama ibifoe iba Dawabai yaba guriguri utatane.

1 Korinita 10:33

Na enanari utatane. Uwara nesiabai kobererau torowa utatane. Nanu unu utawa, i uwara nesia Godibai wirofitae iba kobererau torowa utatane.

Efesa 5:2

Uwara nesia emaba neno arama uegou uawe. Yesu Keriso Dawa yaba neno arama uteda ui. Ina Danu kobere bonana fuyo oeta ari. Godima i ereda yaru derawere ui. Yesu Kerisonu neno arama ueta enanari uawe.

Firifai 1:1

Na Foro, Timotini naini wana Yesu Kerisonu sabua ueta amara sadei. Wana ewa owawa ue odaitu. Yesu Kerisonu naueta uwaraini dubu su yawoeta dera uwaraini dikoni uwaraini ya Firifai su naueta uwara nesiaba ewa owawa siaia utaitua eawe.

1 Fitanu 2:21

I oferi wouretana yanu gaukara. Godima yaba mai. Yesu Kerisoma yaba oferi wourebiba Dawa yanu ereta. Enoba Danu buribi ane enanari uawe.

1 Fitanu 4:1

Yesu Keriso Dawa Danu ofero oferi wourebiba oferi wouretaba imuegou uawete yanu naueta ma buna uawe. Imue eawe. Yana oferi wouraitana ba me uetaini siosawere imueta ekodaitaba ba me uetanu buna me sinebasu. Enoba yana ibedana i ba me uetaini siosawere imueta ekodifote Godinu unu torowa uteiboe watane.

1 Joninu 2:6

Anama nana Godibai ibatane wasuna Yesunu ueta sineta ari enanari ufie watane.