Efesa 5:9 - Yareba

⁹ Arioro inaibinita ana tai kobererau uwanaita i ari i arioro ibinita uwarama ba sina torowa waitate kobererau utaitate emanu ueta sineta rorowarau utaita.

Efesa 5:9 ပူးပေါင်းရင်းမြစ်များ

Matiunu 3:8

Aniawete yanu ueta ba me dubena afu sawete kobere ueta iboro odiawe. Eno uawero Godima efi wei.

Joninu 1:47

Arebitana Yesuma Natanianu areta ereda wei, eawe, ba Isaraero amara ewado, dawabai meo me weiro Nataniama wei, anene na iwata utasu wei? Weiro Yesuma wei, i boruba ana ubiro inaibainuro Firifi abai sau ane farawa usinuro Na ko a ene wei.

Romani 15:14

Naiyemutu na iwata, yana kobererau utaita, yana aika maika iwata derawere utaitaba yanu yanu we mawetu ue matawe.

Romani 2:4

Godima ya neno arama uteda sau ibo utawa utasu. Nono ya unutawa Danu yaba kobererau ueta. Godima ya uwara yanu neno neno ueta dubena afu saboe iba yaba neno arama uteda kobererau utasu.

Efesa 4:15

Ya eno da ufete emeba neno arama uteda ba sina torowa webeisi. Enonago yana Yesu Keriso, yanu kofiri, Dawabai taka uegou ufeisi.

Efesa 4:25

Enoba meo da wiawe. Ya nesia yana Yesu Kerisonu ofero ememetuba yanu yanu ba sina we matafe.

Efesa 6:14

Enoba yanu uraneta ibaiabai eno mune bou uwawe. Ba imueta ina yanu kafa ari abagaro uawe. Kobererau ueta, ina yanu oro oeta ari muawete baruawe. Godinu kobere sina, ina yanu buri barueta ari muawete baruawe. Yanu Godibai naueta, ina yanu bira ari wourebeawe. Woufoitana seitaninu siosa imuetana ina bubura sanasu ari sabiro birama garari ufoita.

Firifai 1:11

Nanu ununa ya uwarabai Yesu Kerisonu kobere ueta ibifiro eno uforo emema efitate Godiba we ma kobererau ufitae iba Godibai guriguri utatane.

Korose 3:18

Nanu mui sina nauawe. Ya awetabo yanu awerasinu sina nauegou uawe. Eno ufoitana Yesu Kerisonu unuro ufoita.

1 Timotibai 6:11

Timoti, ana Godinu amaraba i siosawere uetabairoma durami ue aniate kobererau ueta uate Godi imuteda Dawa ari siate eme neno arama uate emenu aika maika ueta sineta da imuate ibo da ua.

Iburu 1:8

Nono Godima Danu Amaraba emabai nono eno wei, Ana Godi, Ana yawoteda enanari ibene ibene yawoteibasu. Ana Anu uwara arotorowa rorowarau yawotasu.

Iburu 11:33

Emanu naueta Godibai ibiba emana orofa aika maika uwara urane ma serigari utebitate eme nesia kobererau yawoegou utebitate Godinu we bou ueta nesia munebita. Emana moana osi ue awe derawere uyareta egi danu ifuna raiyoni danu bebetu garari utebitate derawere ina yareta ma uitebitaro emema ema kaiyama ma uitawa utebita. Emana buna meba Godima ema ma buna utebiba i aika uwara urane ma serigari utebita.

1 Joninu 2:29

Yesu Keriso Dawana kobererau. Idoba ana anama kobererau utaitana emana Godinu adarabu.

3 Joninu 1:11

Naiye warai, i siosawere amaranu ueta enanari da uate i kobererau uwaranu ueta enanari ua. Anama kobererau utasuna dawa Godinu amara. Anama siosawere utasuna dawa Godibai ibawa.