Efesa 5:3 - Yareba

³ Dita yagera faretaini i siosa udiri uetaini nesia kodiawe. I me sara siosa ibaiabai muneta kodiawe. Yana Godinu naueta uwaraba i siosa igawere sina yanu yanu da we matawe.

Efesa 5:3 ပူးပေါင်းရင်းမြစ်များ

Matiunu 15:19

Nenoroma siosa imueta faiyawere amutaita. Ma uieta imuetaini dita yagera fareta imuetaini waira ueta imuetaini meo wawei weta imuetaini eno amutaita.

Rukanu 12:15

Efaro! Mui amaranu ibaiabaiba diti urowere ma owere da uforo! Yanu ibetana ibaiabai torowa me. Ana amarama danu unu ibaiabai muneta torowa iba danu ibeta ba me wei.

Rukanu 16:14

I Ferosi uwaranu ununa oi. I uwarama Yesunu sina nauteda Yesuba sina siosa weita.

Afosoro 15:20

Emaba eno owawa ufeisi. I ba me godinu fuyo oeta ieta da iforo, dita yagera da faforo, mimi utaisiro onono itarawa utasu egi da iforo, onono da iforo, eno owawa ufete emabai siaia ufeisi wei.

Afosoro 20:33

Mui amaranu oini wadiaba nana yaru ue diti ure owere ma owere utawa ue, nanu agema gaukara uteda naini nanu uwaranu ietaini wadiaini oiya utebitara wei.

Romani 1:29

Eno utebitaba emanu beforonu imueta ba me uetama ma wate fari. Enoba emenu ba ueta sineta utawa siosawere torowa uegou utebita. Emanu ueta sinetana eno, diti ure owere ma owere ueta eme rekaro ma uieta, urane yarane ueta, meo weta, neno ka ueta, emanu ueta sineta enoba sina tobu ture inarebaita. Mui amaranu ifu ma siosa ueta, ema Godi unutawa, dera uwaranu sina nautawa, emana sasaerarabo uwara, emanu ifu torowa we ma derawere utebaita, siosa ueta rekaini rekaini utebaita, danua damamaba gifena utebaita.

Romani 16:2

Dawa yabai fafisuna yana Godinu uwaraba Yesu Kerisonu ifuro muawete dawaba bana wiawete yanu suro odiawe. Dana uwara faiyawere naini durua utebiba dana ane ane mubie webisuna dawa durua uteda mawe.

Romani 6:13

Yanu ofe ubuma siosawere uotoba yanu ofe ubu ememetuini bunaini siosawere uetabai da odiawete Godibai odiawe. Yana uitate nono awona me ibinitaba yanu ofe ubu ememetuini bunaini Godibai odiawete yanu ofe ubuma kobererau torowa utebeawe.

1 Korinita 10:8

I uwaranu dita yagera ueta ari da uawe. Emabai moana uwarama dita yagera utebitaba kowa demurairo faiya faiyawere tueniti tiri tausani (23,000) uwara uita.

1 Korinita 5:1

Moana uwarama ewa sina waitaro nautatane. Yabai uwarama dita yagera faraita waita. Godinu sina nautawa uwarama i siosawere ueta utawa utaita. I siosawere uetana eno, mui amarama danu damamanu mui aweta munasute oiro inarasu waitaro nautatane.

1 Korinita 6:13

Yana eno waita, Godima yanu desini ubu uite yanu desiniba ieta mai waita. Eno waitaba nanu sina wemaro nauawe. Mui kowaro Godima desinini ietaini nesia kodifiro me sibisu. Yanu ofe ubuna dita yagera fareta emetu merogo yanu ofe ubuna yanu Dera Waria Amaranu. Idoba Dana ya yawotasu.

1 Korinita 6:18

Enoba i siosawere dita yagera fareta kodiawe. Moana siosawere uetana yanu ofe ubu otowaratu ma arama utasuro nono dita yagera faretama yanu ofe ubu derawere ma arama utasu.

2 Korinita 12:21

Na iro famate emauna Godima na ma kikiratu ufisu. Yabai moana uwarama ba mewere utebitana emanu ba me ueta dubena afu sanawa uteda me ibebita. I uwarama ba me uetaini dita yagera ueta faiyawere utebita. I ba me ueta dubena afu sanawa me ibinita emaba neno siosa uteda maru umate i uwaraba i wemau.

Efesa 5:12

I uwarama kiwuma siosararabo utaita. Emanu uetaba da wiawe. Eno weboitana maru derawere siboita.

Efesa 5:5

Ewa sina imue eawe! I dita yagera farebaita uwaraini siosa udiri utebaita uwaraini emanu unu ibaiabai faiyawere torowa munebaita uwaraini emana eno uteda ema Godi imutawa emana ibaiabai torowa imutaita. Enoba emanu uetana emanu agema ubu ueta godibai siboro ueta ari. I uwara nesia emana Godini Yesu Kerisonu kobere yawotasu orofaro kabesi da mubitaita.

Firifai 1:27

Yana Yesu Kerisonu naueta uwaraba kobere ueta sineta uegou uawe. Yabai famau aba me arina yanu kobere ueta sineta sina torowa naumau. Ya uwarama naueta daba demurairo inafote imueta daba demurai imufote uruama Godinu sina weboro yaini wasai ufitaitana iya da uyafoe watane. Yana eno ufoitana i wasai ufitaita uwarama ereda emana i eme da uifitaita inaro anibitaro nono Godima yana ma wirofisu iwata ufitaita.

Korose 3:5

Enoba ewa sakainu ueta ma uiawete ekodiawe. I uetana eno, dita yagera faretaini siosa udiri uetaini igawere yagera fareta imuetaini mui aruma o amara o aweta o emeba eno uyaretaro i siosa diti ure owere ma owere uetaini ibaiabai derawere muboe uetaini ina ba me godibai guriguri ueta ariba i nesia ma uiawete kodiawe.

1 Tesoronaika 4:3

Godi Danu ununa yanu nenona kakaraini roatarau, iga me ibeta iba dita yagera da uawe.

1 Tesoronaika 4:7

Godi Dawa unutawa dita yagera fareta. Danu ununa yanu nenoroma kobererau torowa imueta iba ya Danu uwara we mune odi.

1 Timotibai 6:10

Ananu ununa oi torowa muneta, i ununa i siosawere ueta nesianu ubi. Moana uwaranu ununa oi torowaba emanu naueta ekoita. Eno utaba warima egi yanatebasu i ari emanu ba me ueta ima emanu neno yanatebitaro neno siosa utebita.

2 Timotibai 3:2

I kowaro uwarama emanu unu aika maika ueta ufitaita. Emanu ununa oi torowa mubitaita. Emana sasae bobo uwara. Emanu ifu torowa we ma derawere ufitaita. Danua damamanu sinaba gifena ufitate we ma kobererau da ufitaita. Godi da imufitate siosawere ufitaita.

Taitasibai 1:11

I uwaranu sina weta daba garari ufae watane. I uwarana emanu unu oi mubitae iba sina meoma we irutaitaro su mamamama uwara faiyawere nauteda Godi ekodaitaba emanu sina weta daba garari ufae watane.

Taitasibai 1:7

I dubu su yawoeta dera uwarana Godinu gaukara uwaraba iba siosawere da ufitate kobererau torowa ufitae watane. Emana sasae da ufitate, ibo da ufitate kimu ogonu unu uteda sabua da ufitate urane yarane da ufitate oi woroworo me sara da mubitae watane.

Taitasibai 2:3

I dera ofe kimu awetaboma enanari kobererau ufitate emebai moana uwaraba meo sina da webitate kimu ogonu unu uteda sabua da ufitaita. I dera awetaboma i reka awetaboba kobere ueta sineta torowa we mawetu ufitaita.

Iburu 12:16

Isoma kowa demurairatu ieta nabero ifie danu dawa botai muni amararairo danu botai kabesima ieta oiya ue muni. Yana i ari yanu unu torowa uotote dita yagera faotote yanu Godibai ibeta botai kabesi oiya ue muotoba yanu ueta sineta imuegou uawe.

1 Fitanu 5:2

Godinu dubu su naueta uwara yawoegou uawe. Mamoe yawoeta uwarama emanu mamoeba rau matebaita i ari yanu dubu su naueta uwaraba Godinu sina ieta ari mawe. Yanu unu oi muboe uteda yanu gaukara da uawete yanu unu uteda iba uegou uawe.

2 Fitanu 2:10

I moana meoma waita uwarama emanu siosa dita yagera imuetaini emanu siosa unu torowa utebaitaba dubu kowaro Godima emaba kimuwere fanisi maegou ufisu. I meo we mawetu ueta uwarama i dera yawoeta uwaranu sina nautawa uteda gifena utaitate moana urero dera aneruba ititi kakara utawa uteda sina siosa waita.

2 Fitanu 2:14

Emana awetabo nesiaba siosa igera magera utaitate dita yagera woroworo farebaita. Emana i imueta kimu me uwara mune ma siosa utaitaba Godima ema we ma siosa utebasu. I uwarama siosawere ueta utebe utebe eno torowa utaita. Enoba Godima emaba we ma siosa uteda fanisi mafisu.

2 Fitanu 2:3

I uwara emanu unu oi muneta torowaba yaba meoma webitaita. Nono emanu koto yawoeta amara, emaba fanisi mafisu amarama emanu fanisi sina bodere weiba emabai fafiro uifitate siosawere kabesiro daido anibitaita.

Jonibai We Ma Boroyari Sina 2:14

Nono Na unutawa yanu moana ueta. Yabaina moana uwarama ibeda Beiramunu we mawetu ueta sina nautaitate enanari utaita. Bodere Beiramuma Beirakiba we mawetu utebiba Beirakima Isaraero uwarabai ane wei, i ba me godibai fuyo oeta egi ifote dita yagera fafoitana ina ido weirogo nono enona ba me wei.

Jonibai We Ma Boroyari Sina 2:21

Nanu ununa danu neno Nabai odifie iba ekodero dana moana kowaro ibebirogo danu neno Nabai odawa me, dawa unutawa danu naueta Nabai odifite danu dita yagera fareta dubena afu sanawa ui.

Jonibai We Ma Boroyari Sina 21:8

Nono i jaburararabo uwaraini i nauegou utawa utaita uwaraini imueta igawere uwaraini eme ma uieta uwaraini dita yagera fareta uwaraini wada barau ueta uwaraini emanu torowa agema ubu ueta godibai guriguri ueta uwaraini i meoma weta uwaraini ema nesia i uitawa gajiga dei inaro sabiro itafitaita. Ina i uieta dubu oname ido, eno weiro naue.

Jonibai We Ma Boroyari Sina 22:15

Nono i tauni wawaro i kuasiri ari uwaraini wada barau utaita uwaraini i dita yagera faraita uwaraini i eme ma uitaita uwaraini i emanu agema ueta meo godibai guriguri utaita uwaraini i meoma waita uwaraini i meoma utaita uwaraini ema nesia wawaro ibifitaita.

Jonibai We Ma Boroyari Sina 9:21

Emana eme ma uietaini wada barau uetaini dita yagera faretaini waira uetaini i siosawere ueta nesia emanu dubena afu sanawa uta.