Efesa 4:9 - Yareba

⁹ I urero mani sinanu ubina ane ari? I ubina edono, Dana auboko emina nasiniro tararite nono urero mani.

Efesa 4:9 ပူးပေါင်းရင်းမြစ်များ

Matiunu 12:40

Jonama dera erio eginu desini ubarero kowa rarogonu dumu rarogonu ibiba enanari i Ba Eme Sini Amarama nasini ubarero kowa rarogonu dumu rarogonu ibifisu.

Joninu 20:17

Yesuma Meriba wei, Nanu Bababai manawaya Nanu ofero da mamiate Nanu iwata ueta uwarabai aniate eno wia, Nana Baba Godibai manatane. Nanu Baba yaini yanu yamama, Nanu Godi yaini yanu Godibai manatane wia wei.

Joninu 3:13

Mui amarama urero manawa ui. Na, i Ba Eme Sire Amara iro ibebe nasiniro tarare wei.

Joninu 6:33

Godinu ieta ureroma tararasuba i orofa atata uwarama ina ifitate me ibene ibene ibifitaita wei.

Joninu 6:38

Na ureroma Nanu unu umane tararawa. Godinu unu umane tarare.

Joninu 6:41

Yesuma wei, Nana i ureroma tarari ieta weiba iba i Ju uwarama kamena weda weita Dawana Yesu, Jousefanu amara. Danu danuaini damamaini ya iwata. Anene wasu, Na ureroma tarane wasu weita?

Joninu 6:51

Anama i ieta ifisuna me ibene ibene ibifisu wei. I ieta matataneba i orofa atata uwara nesia ifitate me ibene ibene ibifitaita, i ietana Nanu ofe wei.

Joninu 6:58

Ewa ietana i ureroma tarari ieta. Yanu yamamamutuma mana ieta itate uita, i mana ietana aika. Anama ewa ieta ifisuna me ibene ibene ibeibisu wei.

Joninu 6:62

I Ba Eme Sini Amarama Danu bodere ibebi orofaro maneibisuna yana efote nono ya anene imufoita wei?

Joninu 8:14

Weitaro Yesuma wei, meo me, ba watane wei. Nanu torowa Nanu ueta sineta sina wataneba iba ina ba sina wei. Nanu are orofa Na iwata utatanete Nanu animau orofa Na iwataro nono ina ya iwata me wei.

Iburu 2:7

Ana aneru derawere odite I Ba Eme Sini Amarana eme otowaratu odiba iba Dawa kowa eno fuyaratu ibebi. Ibebe nono duburo Dawa ma buna uite Danu ifu we ma derawere uite Dana ane ane nesia yawofie iba i ememetu nesia ma kikiratu ui, eno wasu. I sinanu ubina edono, Godi Danu ununa emema nesia yawofitae iba ema mune odi. Eawe, nono awonana emema nesia yawotawa utaitaro eraisitema yanu Dera Yawoeta Amara Yesu eraisi. Boderena i aneruna derawere, Dana otowaratu, eno kowa yafa me fuyaratu ibebi. Godi Danu ununa Yesuma uwaraba tare uifie iba odi enanari Yesu Keriso Danu torowa otowaratu sinite tararite ui. Enoba Godima Dawa ma uyarite Danu ifu we ma derawere uiba Dana kobererau yawotasuro ina ya ere iwata utaisi.