Efesa 4:5 - Yareba

^5-6 Yanu Dera Waria Amara Dana demurai. Yanu nauetana aika maika me, ina demurai. I babataito uetana demurai. Godi Dana demurai, Dana ya uwara nesia yanu Baba. Dana nesia yawotasute yanu neno ubarero ibeda yaro gaukara uegou utasu.

Efesa 4:5 ပူးပေါင်းရင်းမြစ်များ

Matiunu 28:19

Idoba i orofa atata uwara nesiabai aniawete Godinu sina wiawero naufitate Nanu iwata ueta uwara sibitaro ema babataito uawe. Baba Godinu ifuro Danu Amaranu ifuro Danu Imumu Kotofunu ifuro ema babataito uawete Nanu yaba bunawere we sina emaba enanari we mawetu uawero naufita wei. Yabai ibimaro ureini nasini me sibiro yabai daido ibimau. Ina imue eawe Yesuma eno wei.

Afosoro 10:36

Godi Danu unu Yesu Keriso Danu kobere sina Isaraero uwarabai webiro naufitate neno kobererau ufitae iba Yesu Keriso siaia uiro ewaro fari. Yesu Kerisona eme nesianu Dera Waria Amara.

Afosoro 2:36

Fitama eno weite wei, Isaraero uwara, ewa Yesu yana korosiro oita Amara, Godima Dera Waria Amaraini Keriso mamiba imufoe watane wei.

Romani 3:30

Godi Dawa demuraiba Dawana i aika uwaraini emanu Godi. Godima i ofe tureta uwaranu Yesu Kerisobai nauetaba ema ma rorowarau utasute i ofe turawa uwaranu Yesu Kerisobai nauetaba ema enanari ma rorowarau utasu.

1 Korinita 1:13

Eno da uawe. Yesu Keriso Dawa saragari utawa Dawa faiyawere me. Na Foro yaba korosiro ure odawa uta. Foronu ifuro ya babataito utawa utaba nanu ununa ya imueta demurai uwara siboe watane.

1 Korinita 1:2

Ya Godinu naueta Korinita su uwaraba ewa sina owawa ue odatane. Godima Yesu Kerisoro yanu neno ma kobererau uite ya Danu uwara siboe iba mune eta aika odi. Yaini i aboro aboro ibinita uwaraini ema Yesu Keriso yanu Dera Waria Amaranu ifu we ma derawere utaitaba nanu unu ema ewa owawa yawifitae watane.

1 Korinita 12:13

Godinu Imumu Kotofu Danu aikana ya uwara nesia mune ofe demurai ari ue odasu. Ya Ju uwaraini Guriki uwaraini aika uwaraini sabua ueta uwaraini me inaraita uwaraini Godinu Imumu Kotofuma ya nesia babataito uteda Yesu Kerisonu ofero odiro ofe demurai sisiro Dana yabai ibegou utasu.

1 Korinita 12:5

Godinu gaukarana aika maika. Nono i gaukara ubi Amarana demurai. Dawa yanu Dera Waria Amara.

1 Korinita 8:6

Ina ba me. Godi dawa demurai. Ina iwata utaisi. Dawa yanu Baba. Dawa Dera Waria Amara torowa. Dawa nesia ubu uite Danu uwara sibene iba ya ubu ui. Yesu Kerisoini, Dawa nesia ubu uiba yana Dawaro me ibinisi.

2 Korinita 11:4

Mui amarama yabai farasute aika Yesu sina we, aika imumu kotofunu sina we, aika godinu kotofu sina we, eno utasuna aneba danu sina nauegou utaita?

Gareisia 5:6

Yana Yesu Kerisonu uwara, yabai i Ju uwaranu ofe turetana imueta derawere me, i ofe turawa uetana imueta derawere me. Yana neno arama uteda Yesu Keriso imufeisi, deina ido.

Efesa 4:13

Emana eno utaitaba ya nesia uwara demurai sinaisi. Yanu nauetana demurai. Ya nesia Yesuna Godinu amara enanari imuteda iwata utaisi. Enoba yana koiniboro ari da ibifete dera uwara sibete Yesu Kerisonu imueta nesia imuegou ufete enanari ufeisi.

Firifai 3:8

Nanu Yesu Keriso imueta, ima nanu bodere imuetaini ueta sinetaini ane ane serigari utasuba nana Yesu Keriso mumane iba i nesiana me ari eno imutatane.

Taitasibai 1:1

Na Foro, nana Godinu sabua ueta amaraini nana Yesu Kerisonu afosoro amara.

Taitasibai 1:4

Taitasi, nana aba Godinu sina wero naue imue uiba ana nanu ba amara ari. Nanu sina ewado ea. Baba Godini yanu ma wiroeta Amara Yesu Kerisoini emana aba durua ufisite emanu wesa ueta mafisiro merau ibifae watane.

Iburu 13:7

Yanu dera uwarama bodere Godinu sina yaba webita. Emanu ueta sinetaini uietaini imuawete enanari uawe.

Jeimisinu 2:18

Anama naba na Godi imutatane webiro wemau, anu imuetana erawa utatane. Ana kobererau utawa utasuba anu imueta anene emau? Nana kobererau utataneba yana nanu kobere ueta efoitana nanu imuetana ba iwata ufoita wemau.

1 Fitanu 3:21

I sina imue eawe! I bodere uetama i babataito uetanu ubi ma boroyari. I babataito uetana yanu wiroetanu daba. Ima yanu ofe urotawa utasu. Yana babataito uteda Yesu Keriso Dawa uietaroma uyari imutate imueta iga me kobererau imutaitate wirotaita.

2 Fitanu 1:1

Na Saimoni Fita Yesu Kerisonu gaukara amara. Nana Danu afosoro amara, nana ewa owawa ue odatane. Ya naueta uwaraba wemaro nauawe. Nana Godi nautatane enanari yana Godi nautaitaba yanu nauetana arotorowa. Yesu Keriso yanu ma wiroeta Godi Dawana kobererau. Dana nesia rorowarau utasute i naueta yaba arotorowa matasu.

Judenu 1:20

Nono nanu naiyemutu yana Godinu sina nauegou uawete yanu neno kimuwere uawe. Godinu Imumu Kotofu ya durua ufie wenaueawero durua ufiro ba guriguri uawe.

Judenu 1:3

Naiyemutu, nanu ununa Godinu yabai mai ma wiroeta sina wemane imutatane. Nono na mui sina naueba iba aika sina owawa ue odatane. Nanu sina odimaro eawe. Yanu nauetaro me sara da ufete yanu buna nesia i nauetaro odegou ufete Godima uwaraba mai nauetaro inare kimu ufene iba watane.