Efesa 4:1 - Yareba

¹ Nana Yesu Kerisonu gaukara utataneba nana dibura amara. Nana sina bunawere wemaro nauawe. Godi Dawa ya we mune odiba Dana yaba wei sina enanari uawe.

Efesa 4:1 ပူးပေါင်းရင်းမြစ်များ

Afosoro 9:31

I kowaro Judiaini Garerini Samaria orofaro ibeta naueta uwarama merau ibeda wesarau ue ibebita. I kowaro eno ibebitaro emanu naueta derawere ui. I naueta uwarama Godiba we ma kobererau utebitaro Godinu Imumu Kotofuma ema durua utebiba eme faiyawere Godinu sina nautebitaba i naueta uwarabai ane taka utebita.

Romani 11:29

Godima Danu imueta ure owere ma owere utawa utasu. Ane matasuna Dawa da ma darefisu. Dawa Danu muneta uwara da ekodifisu.

Romani 12:1

Naiyemutu nauawe. Godima yaba ure nudarau ue neno arama utasuba yanu ofe me ibinu kakara fuyo oeta ari Godibai odiawero mubite yaru ufi. Ina yanu kobere ba guriguri ueta ari.

1 Korinita 4:16

Enoba nanu sina nauawe. Na ane utatane ya enanari uawe.

2 Korinita 10:1

Na Foro nana mui sina wemaro nauawe. Na unutawa buna sina weta, Yesu Keriso Dawa jaja bobo utawa ure nudarau utebasu i ari na eno umane watane. Yabai moana uwarama waita, Foroma iro ibeda buna sina siaia utasuba nono eido fafisuna iya uyareda sina buna me gimumutaroma webisu waita.

2 Korinita 5:20

Enoba yana Yesu Kerisonu sina weta uwara. Godinu wei sina yabai Yesu Kerisonu sina ari eno waisi, aniawete Godibai ibo tuawete merau ibiawe waisi.

2 Korinita 6:1

Yana Godini gaukara uruama uteda iba yaba eno nui waisi, Godima yaba neno arama uteda durua utasu waisi. Yanu waisi sina me sara da mu sawete nauawe.

Gareisia 4:12

Naiyemutu, yaba nui wemaro nauawe. Nana tarawatuba anene imutatane enanari imuawe. Yana i tarawatuini baeta imueta ekoita enanari na ekodatane. Nana yabai ibeda Godinu sina webitarana yana na ekodawa naba siosawere utawa kobererau utebita.

Efesa 2:10

Godima ya ubu uite yana kobererau ueta torowa uteibene iba Yesu Kerisobai ma taka ui. Dana bodere i kobere ueta sineta odite i uteibene iba Yesu Kerisobai ma taka ui.

Efesa 3:1

Enoba, na Foro, nana Yesu Kerisonu kobere sina ya aika uwaraba weba na diburaro oita. Nana Yesu Kerisoba dibura ue amarama Godibai yaba guriguri utatane.

Efesa 4:17

Nanu mui sina Yesu Kerisonu ifuro bunawere wemaro nauawe. I Godinu sina nautawa uwaranu ueta sineta ari enanari da uawe. Emanu imuetana siosawere. Emanu nenona igawere. I uwara ema unutawa Godinu weta. Emana Godiba gifena uteda Godibai ibawaba emanu aika ibinita.

Efesa 4:4

Godinu Imumu Kotofu Dana demurai, i ari i naueta uwara nesia emana ofe demurai ari. Nono i ari Godinu ma wiroetana demurai. Godima eno imuteda ya nesia we mune odiba i ure daba demurairo manibene imutaisi.

Efesa 5:2

Uwara nesia emaba neno arama uegou uawe. Yesu Keriso Dawa yaba neno arama uteda ui. Ina Danu kobere bonana fuyo oeta ari. Godima i ereda yaru derawere ui. Yesu Kerisonu neno arama ueta enanari uawe.

Firifai 1:27

Yana Yesu Kerisonu naueta uwaraba kobere ueta sineta uegou uawe. Yabai famau aba me arina yanu kobere ueta sineta sina torowa naumau. Ya uwarama naueta daba demurairo inafote imueta daba demurai imufote uruama Godinu sina weboro yaini wasai ufitaitana iya da uyafoe watane. Yana eno ufoitana i wasai ufitaita uwarama ereda emana i eme da uifitaita inaro anibitaro nono Godima yana ma wirofisu iwata ufitaita.

Korose 1:10

Godinu neno ma yaru ufoitaba Danu ifu we ma derawere ufote emebai kobere kobererau torowa ueta ufote Godi iwata derawere ufoe iba Godibai eno waisi.

Korose 2:6

Yana Yesu Keriso naue imue uta i ari awona Dawa naue imue uteda ibiawe.

Korose 4:12

Yanu mui su amara Efafarasi dawa yaba ario sina wasu. Dawana Yesu Kerisonu mui sabua ueta amara. Dana Godibai guriguri utedana eno wasu, nanu su uwara durua uaro Anu imueta imuegou ufitate Anu dabaro anegou ufitate naueta derawere ufita eno wegou utasu.

1 Tesoronaika 2:12

Godi Dawa Danu yawotasu orofaro ya anibote Danu araetawere orofaro ibifoe iba yabai waya youriba ya uwara nesia mune Godinu imueta we mawetu uteda weisi. Godinu dabaro anegou uforo Godima efite ina ba webisu weisi.

2 Tesaronaika 1:11

I wasu sina imutedana Godibai guriguri uteda eno webaisi, Godima ya we mune odiba yanu imueta ma derawere ufite ya ma kobererau ufiro yana imuegou uteda kobererau uforo ya kobere uwara webisu eno webaisi.

2 Timotibai 1:9

Boderewere Godima Danu unu uite Danu kobere durua ueta Yesu Kerisoro yaba mai. Nono awonana yanu ma wiroeta Amara Yesu Kerisoma farite i uietanu buna ma serigari ue eta sanite Godinu kobere sinaroma me ibene ibene ibeta wiroeta we ma boroyariro ereda iwata utaisi.

Iburu 13:21

Nanu ununa i wesarau ueta Godima yaba Danu kobere imueta mafite ya ue bou ufiro Danu unu nesia ufoe watane. Godima Yesu Kerisonu ifuro yanu neno ubarero Danu unu ufie watane. Ya nesia Yesu Kerisonu ifu me ibene ibene we ma derawere uteibene iba watane. Nanu sina ido.

Iburu 3:1

Naiyemutu, Godi Danu ununa ya Danu kobere uwara sibete Dawaini urero ibifene iba yaini we mune odiba nanu sina wemaro nauawe. Ya yanu naueta Yesubai oisiro Godima Yesu yanu Godibai nauetanu fuyo ode sina weta Amara odiba Dawa imuegou uawe.

1 Fitanu 2:11

Naiyemutu, nanu mui sina wemaro nauawe. Yana ewa orofaro ibinita uwara ari me. Yana aika daba dou uwara ari. Enoba yanu ofenu siosawere unu nesia kodiawe. I ofenu unu ima yanu nenonu imumuini uranusu.

1 Fitanu 3:9

Anama yaba siosawere ufisuna dawaba moko siosawere da uawe. Anama yaba sina siosa webisuna dawaba moko sina siosa da wiawete dawaba we ma kobererau uawe. Aneba? Godi Danu unu yana emeba we ma kobererau ufero Dana ya we ma kobererau ufie iba ya mune odi.

1 Fitanu 5:10

Ya eno kikiratu oferiwoufoitana Godi Dawana i kobere durua uetanu Damama, Dana weiba yaini Yesu Kerisoini arotorowa ibeda danu araeta muboita. Ya oferi kikiratu woureiboitana Godima ya mune ma rorowarau ufite ma inafite ma buna ufiro ibeiboita.

2 Fitanu 1:3

Yesu Dana Danu bunama ya durua uteda Danu ueta sineta ari ufene iba ya we mune odi. Danu araetaini danu kobererau uetaini yaba matasuro Dawaini uruama eno ibinisi.

2 Joninu 1:5

Godima we mune odi aweta, aba reka tarawatu sina owawa ue odawa utatane. Ewa tarawatu sina boderewere yabai mairo ibinu. I tarawatuna eno wasu, ya neno arama ue matawe wasu.