Efesa 3:1 - Yareba

¹ Enoba, na Foro, nana Yesu Kerisonu kobere sina ya aika uwaraba weba na diburaro oita. Nana Yesu Kerisoba dibura ue amarama Godibai yaba guriguri utatane.

Efesa 3:1 ပူးပေါင်းရင်းမြစ်များ

Rukanu 21:12

Yesuma eno weite wei, botai ko uwarama ya mune siosawere ufitaita. Ya Ju uwaranu dubu su yawoeta uwaranu age duro odifitate diburaro odifitate dera kini uwaraini gaemani yawoeta uwarabai Nanu ifuba woure odifitaita. Eno ufitaitana i kowaro Nanu sina weboita.

Afosoro 21:33

Ami yawoeta dera amarama fare Foro budari uite weiro seni sadeima Foronu age uwane tarita. Ami yawoeta dera amarama wei, ewa amara ane usinu weite dawa abo amara wei?

Afosoro 23:18

Weiro mune yawoeta amarabai woure ane odite wei, ewa amarama aba sina webisu wei. I dibura amara, Foroma naba wenu ewa amarama ami yawoeta amaraba sina webisuba woure ania wenuba iba abai woure fanea wei.

Afosoro 26:29

Foroma wei, sau odifasu aba kekerama odifasu ina ido. Nanu ununa aini ewa nautaita uwaraini nesia yanu naueta Yesubai odifoita wei. Na ari siboita, nanu dibura budari uetana me, nono ba naueta uwara siboita wei.

Afosoro 9:15

Weiro Yesuma wei, aniaro etei amara awona Nanu amara mune odineba anibite aika uwara faiyawere emanu dera yawoeta uwaraini Isaraero uwaraba Nanu sina we inareibisu wei.

2 Korinita 1:6

Nana Godinu ma wiroeta sina wataneba awe uyareta naini nanu uwarabai fafisuna Godima ya ma wirofite we ma nabi ufie iba eno utaisi. Ya uwarana ereda Godibai yanu ma wiroetaini we ma nabi ueta muboita. Godima naini nanu uwara we ma nabi ufisuna ya ereda enanari yaini ewa awe uyaretaba Godibai we ma nabi ueta mubote inare kimu ufoita.

2 Korinita 10:1

Na Foro nana mui sina wemaro nauawe. Na unutawa buna sina weta, Yesu Keriso Dawa jaja bobo utawa ure nudarau utebasu i ari na eno umane watane. Yabai moana uwarama waita, Foroma iro ibeda buna sina siaia utasuba nono eido fafisuna iya uyareda sina buna me gimumutaroma webisu waita.

2 Korinita 11:23

Emana Yesu Kerisonu gaukara uwara? Naini! Emana kobererau me, nana Yesu Kerisonu kobere gaukara amara. Nanu gogore sina ari nautaita? Ema gaukara kikiratu utaitaro na gaukara derawere utatane. Na diburaro faiyawere ode, uwarama na faiyawere ure, na ma uifitae ue, enoma enoma utebita. Amara sadeinu buri age ari (39) na eno urebe urebe mui amaranu agusi arina urawa koita. Enabira age fai (5) ari eno uta. Na domuma rarogonu ure, gebiroma na sane ure, enoma enoma naba utebitaro dera bouti rarogonu furiariro boutiroma enea abanaro rarogonu itare. Nana mui dumuini kowaini enea abanaro ibebitara.

Gareisia 5:11

Moana uwarama waita, Foroma wasu, yanu unu wirofoe ufoitana i Ju uwaranu ofe tureta enanari tuawe wasu waita. Na eno watanede aneba naba awe uyaraita? Nana i Ju uwaranu ofe tureta sina wiawa utatanede yanu naueta Yesu Kerisobai odiawe wataneba iba naba siosawere utaita.

Gareisia 5:2

Nanu mui sina wemaro nauegou uawe. Anama wirofie i Ju uwaranu ofe turetaini baetaini eno ufisuna Yesu Kerisoma dawa da ma wirofisu.

Gareisia 5:24

Yesu Kerisonu naueta uwara emanu unu Yesu Kerisoma emanu siosawere ueta mu sabie emanu siosa nenonu unu ueta Yesu Kerisonu korosiro ure oita.

Efesa 3:11

Godima eno boderewere imuite imutebe imutebe nono yanu Dera Waria Amara Yesu Kerisoro enanari ui.

Efesa 3:13

Nana yabai Godinu sina weba uwarama na diburaro oita. Na diburaro oita iba neno siosa da uawe. Yana Godinu sina nautate yanu naueta Dawabai oitaya iba neno siosa da uawe.

Efesa 3:8

Godinu naueta uwarabai nana derawere me, emana derawere. Godima i imutawa uteda Danu kobere sina gaukara naba maiba i aika uwaraba Yesu Kerisonu kobere ueta sineta imueta daido watane. Godima Danu kiwuma imueta anene ufisu iba eme nesiabai watane. Godi Dana i nesia ubu uite nono Danu kiwuma imueta bodere ma boroyarawa utebi.

Efesa 4:1

Nana Yesu Kerisonu gaukara utataneba nana dibura amara. Nana sina bunawere wemaro nauawe. Godi Dawa ya we mune odiba Dana yaba wei sina enanari uawe.

Efesa 6:20

Godima na Danu afosoro amara siaia uiro anete Danu kobere sina webitaraba awona nana diburaro ibine. Na unutawa iya uyareta. Nanu ununa Godinu kobere sina wemane enoba naba Godibai guriguri ufoe iba watane.

Firifai 1:7

Godima yaini naini ya durua utebiba yaini naini Godinu sina uruama yawoteda weisi. Nana diburaro ibine aba nana Godinu sina we inaratanero yana eno utaitaba yaba neno arama uteda imuegou utatane iba watane.

Korose 1:24

Ya Korose su uwaraba awe uyareta faiyawere nabai farebita. Nono i awe uyaretaba iyarawa yaru utatane. Na awe uyareta wourataneba Yesu Keriso durua utatane. Yesu Kerisoma Danu uwara, emana Danu dubu suba awe uyareta faiyawere mune wourite ui. Na awona mui awe uyareta Danu uwaraba mune woure me simau. Nana Yesu Kerisonu dubu su yawoeta sina weta amara. Godima Danu kobere imueta nesia i aika uwarabai we ma boroyamane iba na Danu sina weta amara we mune odi.

Korose 4:18

Na Foroma ewa ario sina nanu agema owawa ue odatane. Na diburaro ibineba na imutawa da uforo. Godima ya durua uteibie watane. Nanu sina ido me sininu.

Korose 4:3

Godibai yaba eno guriguri uawe. Godima Danu mui sina weta daba ma ifegari ufiro i Yesu Kerisonu kiwuma imueta sinaba iba nana diburaro ibine, i imueta wawuriro daido wemane eno weda guriguri uawe.

2 Timotibai 1:16

Na diburaro ibebitarana Onesifurasima maru utawa nabai fare owiga utebi. Eno utebiba nanu ununa Godima dawaini danu su uwaraini ema neno arama ufie watane.

2 Timotibai 1:8

Moana uwarabai yanu Dera Waria Amaranu sina wiate maru da uate na yanu Dera Waria Amaranu dibura amaraba maru da ua. Naini Godinu gaukara ua. Godinu sina webaro uwarama ibo ufitate aba siosawere ufitaro Godima a durua ufiro na gaukara utatane i ari a Danu gaukara ufasu.

Fairimonibai 1:1

Na Foro, yanu yaiye Timotini wana yaba ario waitu. Nana Yesu Kerisonu kotofu sina weba diburaro oitaro ibine. Fairimoni ewa owawa ea. Ari, yanu uruama gaukara ueta amara warai.

Fairimonibai 1:23

Efafarasi dawaini Yesu Kerisoba uruama diburaro ibinisi. Dawa aba ario sina wasu. Makaini Aritikasini Dimasini Rukaini i uwaraini naini uruama gaukara utaisi. I uwaraini aba ario sina waita.

Jonibai We Ma Boroyari Sina 2:10

I oferi woufoita ibaratu iya da uyawe. Nanu sina nauawe. Seitanima ya uwara faiyawere moana ue efie woure diburaro odifisu. Eno ufiro kowa teni torowa oferini neno arama derawere woufoita. Yanu naueta da ekodiawe. Buna uawete uifoitana duburo Nana yaba wiroeta me ibene ibene ibeta yaba mamaro ibifoita.