Efesa 1:4 - Yareba

⁴ Godima i nasini ubu utawa uteda i kowaro Yesu Keriso Dana ya ma wirofie iba we mune odi. Godi Danu ununa ya Danu iboro inafete kobererau torowa ufene iba eno ui.

Efesa 1:4 ပူးပေါင်းရင်းမြစ်များ

Matiunu 24:22

I awe derawere uyareta kowa kowana siosararaboba iba Godima da ma fuyaratu ufirona eme nesia feafitae, enorogo Godi Danu mune odasu uwara nesia imuteda iba i kowa ma fuyaratu ui.

Matiunu 24:24

I kowaro irueta kerisoini irueta we bou ueta uwaraini uyafitate buna uetaini eretaini eme irufitae ufitate Godinu muneta uwara irufitae ufitaita.

Matiunu 24:31

Dawa fafite areda Danu aneru siaia ufie tawuyo ubufiro anibitate Danu muneta uwara kowa amueta afuro kowa itareta afuro ufuniro manamaro aboro aboro nesia ane mubitaita wei.

Matiunu 25:34

Odifite nono i Dera Waria Amarama Danu banibira age afu uwaraba eno webisu, Godima yaba we ma kobererau utasuba arawe. Godima ureini nasinini ubu uteda yanu yawoeta orofaini ido ubu uiba arawete i orofaro yauawe.

Joninu 10:16

Moana aboro aboro ibinita mamoe Nanu. I mamoema ewa dowa ubarero ibawa utaitaba ane mune woumaro Nanu sina naufitate mamoe nesia tu demurai sibitaro mamoe yawoeta amara demurai sibisu wei.

Joninu 15:16

Yana Na munawa utaita. Kobere ueta uforo yanu kobere ueta me ibene ibene ibeibie iba ya munataneba anene Godibai Nanu ifuro wenaueforo yaba mafisu wei.

Joninu 17:24

Baba, Nanu ununa Ana Nanu age duro mai uwara Nabai ibeta. Ana Na boderewere, emeini nasinini ana omaini me, i kowaro Anu unu Naba uite Nanu araeta maiba iba Nanu ununa ema Nabai ibeda Nanu araeta efitae watane wei.

Afosoro 13:48

Foroma eno weiro i Ju me aika uwara nautate yaru uteda Godiba we ma kobererau uta. Godinu mune oeta uwara faiyawere Godi imuta.

Afosoro 15:18

Boderewere Godima i sina eno wei, i we bou ueta uwarama eno weitaya wei.

Afosoro 18:10

Weite wei, abai ibineba eme aba da urafitaita wei. Nanu Na imufitaita uwara faiyawere ewa suro ibinita wei.

Romani 8:33

Anama Godinu we muneta uwaraba wawei webisu? Godima ya ma rorowarau utasuba Dana yaba wawei da webisu.

1 Korinita 1:8

Yesu Kerisoma ya durua utasuba inare kimu utaisina yabai kerere me. Meba Dawa fafite koto ufite ya fanisi da mafisu.

Gareisia 5:13

Naiyemutu, Godima yanu sabua uetabairoma mune aika odiba yana sabua ueta uwarana me. Nono awonana ane ane ufoe ufoitana ufoita. Nono nanu sina nauawe. Ba me ueta da ufote neno arama uteda yanu yanu ue matafoe watane.

Gareisia 5:22

Nono Godinu Imumu Kotofuma yanu neno ubarero ibinuna yanu uetana edono, neno arama uetaini nenoma yaru uetaini wesarau ibetaini ibo utawa uetaini kobererau uetaini nata nata uetaini ba uetaini ure nudarau uetaini yanu unu yawoegou uetaini i nesia eno mui tarwatuma i nesia garari da ufisu.

Gareisia 5:6

Yana Yesu Kerisonu uwara, yabai i Ju uwaranu ofe turetana imueta derawere me, i ofe turawa uetana imueta derawere me. Yana neno arama uteda Yesu Keriso imufeisi, deina ido.

Efesa 2:10

Godima ya ubu uite yana kobererau ueta torowa uteibene iba Yesu Kerisobai ma taka ui. Dana bodere i kobere ueta sineta odite i uteibene iba Yesu Kerisobai ma taka ui.

Efesa 3:17

Nanu ununa ya yanu naueta Yesubai ibifisuba Yesuma yanu nenoro ibifiro eme nesiaba neno arama uegou uteda ini sanegou ufoe iba guriguri utatane. Yaini Godinu naueta uwaraini ya nesia Yesu Kerisonu neno arama ueta derawere iwata ufoe iba guriguri utatane. Danu neno arama uetana ewa ari, i kowa amuetaroma ane kowa itaretaroma etei afuroma ewa afuroma i uwara nesia Danu neno arama uetana ewa ari derawere emabai ibinu.

Efesa 4:2

Yanu ueta sineta eno uawe, yanu ifu we ma derawere da uawete nesia kekerama uawete nesia ure nudarau uawe. Yanu yanu neno arama ue matawe, yanu ueta sineta eno uawe.

Efesa 5:2

Uwara nesia emaba neno arama uegou uawe. Yesu Keriso Dawa yaba neno arama uteda ui. Ina Danu kobere bonana fuyo oeta ari. Godima i ereda yaru derawere ui. Yesu Kerisonu neno arama ueta enanari uawe.

Efesa 5:27

Danu ununa Danu naueta uwara kobererau mubie Dawa unutawa Danu uwara igawere amaimawere gogofari ari ubeta. Danu ununa Danu naueta uwara Dawabai kobererau ibifitae iba Danu sina maite ema babataito ui.

Korose 1:22

Eno utebitaba Godinu Amara eme nesiaba tare uite emema Godibai anibitae iba Godinu ibo turi. Godi Danu unu ya uwara kakarawere neno roatarau imuetaini kobere uwara mune Godibai ane odifiro Godima yaba ibo da ufie iba eno ui. Godinu kotofu sina uwara nesiabai we inarebitaro nautebita yaini enanari nauta. Na Forona i kotofu sina weta amara. Ya uwara i kotofu sina nauegou ufote aika maika da imufote Godinu sina da ekodifoitana Yesu Kerisoma ya Godibai mune ane odifiro Godima yaba ibo da ufisu.

Korose 2:2

Nana Godibai guriguri uteda weta sinana eno, yanu yanu neno arama ue mataforo yanu neno nesia demurai ari ufiro buna ufisu. Yana Godinu imueta iwata uegou ufote Danu Yesu Keriso kiwuma imueta iwata ufoita. I kiwuma imueta Yesubai ibinu, eno watane.

Korose 3:12

Enoba ya Godinu muneta uwara, Godima ya neno arama uteda Danu gaukara ufoe ya mune aika odiba eno uawe. I gaukara wadia ari eno baruawe. I gaukarana ewa ari uawe, neno arama uetaini emebai nata nata uetaini yanu ifu we ma derawere utawa uetaini we ma kakara uetaini ibo utawa uetaini i nesia wadia ari baruawete kobererau utebeawe.

1 Tesoronaika 3:12

Yanu Dera Waria Amarama ya Tesaronaika uwaranu neno ma kobererau ufiro uwara nesiaba neno arama ufoe watane. Naini nanu uwaraini ya neno arama utaisi, i ari neno arama ufoe watane.

1 Tesoronaika 4:7

Godi Dawa unutawa dita yagera fareta. Danu ununa yanu nenoroma kobererau torowa imueta iba ya Danu uwara we mune odi.

2 Timotibai 1:9

Boderewere Godima Danu unu uite Danu kobere durua ueta Yesu Kerisoro yaba mai. Nono awonana yanu ma wiroeta Amara Yesu Kerisoma farite i uietanu buna ma serigari ue eta sanite Godinu kobere sinaroma me ibene ibene ibeta wiroeta we ma boroyariro ereda iwata utaisi.

2 Timotibai 2:10

Godinu mune bou ui uwaraba moana uwarama naba siosawere utaitana emanu wakiki ogo imaro Godinu mune bou ui uwara Yesu Kerisobai wirofitate Godinu araetawere orofaro me ibene ibene ibifitae iba na ibo utawa uete watane.

2 Timotibai 2:19

Godi Danu uwaraba imuetana su tutubu ari. Kimu derawere imutasuba i tutubuna wawana wawana utawa utasu. Godi Danu ere iwata ueta sina eno ibinu, Godima Danu uwara nesia iwata utasu. Nono mui eno, anama Godinu ifu mubisuna siosawere ueta kodifi eno ibinu.

Jeimisinu 2:5

Naiyemutu nanu sina nauawe. Godima i me sara ibeta uwara emanu naueta Dawabai odifitae iba ema mune odasute Danu yawoeta orofa Dawaba neno arama utaita uwaraba matasu. Enoba Danu we bou ui yawoeta orofa emaba matasu.

1 Fitanu 1:20

Godima i orofa atata tutubari utawa uiro me ibi i kowaro Yesu Keriso ko i gaukara ueta we odite nono awona ewa dubu kowaro Yesu yaba reka wabararowere ma boroyari.

1 Fitanu 2:9

Nono yana i uwara ari me. Godima ya mune odi. Dana ya Danu roiya fuyo ode sina weta uwara mune odi. Dana ya Danu kakara uwara odi. Dawa ya dumuroma ma dare munite Danu ariowerero ane odiba i sina emebai weboe iba eno ui.

2 Fitanu 3:14

Enoba naiyemutu, i kowa yawofoitaba yanu ueta sineta eregou uforo. Yanu Dera Waria Amarama faosote yabai igawere ane ane ataosoba eregou uawete wesarau ue ibiawe.

1 Joninu 4:16

Enoba Godinu yaba neno arama uetana ya iwata uteda imuegou utaisi. Godima neno arama uegou utasu. Dana ba neno arama ueta. Anama uwaraba neno arama utasuna dawa Godibai ibasuro Godima danu neno ubarero ibasu.

Jonibai We Ma Boroyari Sina 13:8

Ewa nasiniro ibifitaita uwara nesia i buna egi ari emerubai guriguri ufitaitarogo nono i Reka Mamoema moana uwara, Godinu ane ane nesia ubu utawa kowaro, emanu ifu ifu i ba ui Reka Mamoenu me ibene ibene ibeta uwaranu bukaro owawa ue odiba emana i buna egi ari emerubai guriguri da ufitaita.

Jonibai We Ma Boroyari Sina 17:8

I erinu buna egi dana bodere ibebe nono awona ibawa utasu. Dana i nasini yafawere ebaroma nasiniro sau amufite anibiro Godima dawa ma siosa ue me sibisu. I nasiniro ibifitaita uwara, i uwara emanu ifu ifu i me ibene ibene ibeta uwaranu bukaro owawa ue odawa ui. I uwarama i buna egi dana bodere ibebe awona ibawa utasute nono duburo nono fafisu, i uwarama dawa ereda neno kirifu ufitaita wei.