Afosoro 6:5 - Yareba

⁵ Weitaro emanu sina nautate Godinu sina naueta Imumu Kotofu bobo amara Sitiwanini moana uwara Firifini Fokorasini Naikeini Taimonini Famenasini Nikorasini danu orofa Anitiyoka, dawa Ju amara ari sini, i uwaranu sina nautate afosoro uwarabai oita.

Afosoro 6:5 ပူးပေါင်းရင်းမြစ်များ

Matiunu 23:15

Ya tarawatu tisa uwaraini Ferosi uwaraini ya meoma weta uwara eregou uforo! Mui amara yanu iwata ueta amara sibie enea ubarero, duero, aboro aboro dobere anaita. Nono mui amarama yanu iwata ueta amara sibisuna yana yanu siosa ueta dawaba maforo siosa derararabo sibiro yaini dawaini uitawa inaro aniboro Godima yaba fanisi mateda dawaba fanisi derawere mafisu wei.

Afosoro 11:19

Sitiwaninu ui kowaroma moana uwarama uyatate i naueta uwaraba ba mewere utebita. Utebitaba i naueta uwarama orofa aika maikaro wo bagaru ue anita. Moana Fonisia orofaro anita. Moana Saifurasi orofaro anita. Moana Anitiyoka suro anita. Anitate Ju uwara torowaba Godinu kobere sinaini Yesunu sina weita.

Afosoro 11:20

Moana Saifurasini Sairina waita naueta uwarama Anitiyoka suro anita.

Afosoro 11:22

I ikiki Jerusaremu suro ibeta naueta uwarama nautate Banabasi siaia utaro ani.

Afosoro 11:24

Banabasina kobere amara. Godinu Imumu Kotofuma dawabai ibegou uiba, danu nauetana derawere. Dana weiro eme faiyawere nautate Yesunu buribi anita.

Afosoro 11:26

Ane farite Soro munite owerite Anitiyoka suro woure fari. Anitiyoka suro i naueta uwarabai oya demurairo ibeda uwara faiyawere Godinu sina we mawetu utebisi. Anitiyoka suro ko naueta uwarana Kurisitini uwara weita.

Afosoro 11:27

I kowaro moana Godinu we bou ueta uwarama Jerusaremu suroma Anitiyoka suro tarata.

Afosoro 13:1

Anitiyoka suro naueta uwara ibebita. Emabai Godinu we bou ueta uwaraini tisa uwara ibebita. Emanu ifuna Banabasini Simioni, danu mui ifu Naiga, dawaini Rusiasi, dawa Sairina su amara, dawaini Manaeni, Erodinu dabue, dawaini Soroini, i uwarama emabai ibebita.

Afosoro 15:22

Eno weiro i afosoro uwaraini yawoeta uwaraini Godinu sina naueta uwara nesia nautate idoni, weitate amara sadei, Judasi Basabasini Sairasi muta. I amara sadeina dubu su yawoeta amara sadei. I amara sadeima Foroini Banabasini arotorowa Anitiyoka suro siaia ufitae we mutate emanu imueta owawa ue oita. Emanu owawana eno, ya Godinu sina naueta uwara nesia, afosoro uwaraini yawoeta uwaraini yana ya Anitiyokaini Siriaini Sirisia su aika naueta uwaraba ario weisi. Yanu sina nauawe.

Afosoro 2:4

Uiro Godinu Imumu Kotofuma tararite i uwara nesianu neno ubarero inune uteda iwata mairo sina aika maika webita.

Afosoro 22:20

Sitiwani Anu sina weta amara utaro danu onono itariro na ere. Emanu Sitiwani ureta ina nanu unu ido. I urebita uwaranu dei barueta nana yawoe we.

Afosoro 6:10

Eno utaro danu iwata derawerero Godinu Imumuma danu bebeturo webiba ekoita.

Afosoro 6:8

Godima Sitiwani ma kobererau uite buna derawere maiba Sitiwanima buna uetaini kamama uetaini faiyawere utebiro erebita.

Afosoro 7:1

I dera fuyo ode sina weta amarama wei, emanu wawei sina meo aba ba wei?

Jonibai We Ma Boroyari Sina 2:15

Nono yabaina moana uwarama ibeda i Nikorai waita uwaranu we mawetu ueta sina nautaitate enanari utaita.

Jonibai We Ma Boroyari Sina 2:6

Nono anu mui uetana kobererau. A unutawa i Nikorai waita uwaranu siosawere uetaba ina kobererau. Naini unutawa emanu siosawere ueta.