Afosoro 6:1 - Yareba

¹ Duburo i iwata ueta uwara faiyawere uyarebitate Guriki sina webita Ju uwaraini ba Ju uwaraini yaranebita. Guriki sina webita Ju uwarama weita, yanu wabu awetaboba emanu ietaini oini ba torowa matebaita weitaba iba yaranebita.

Afosoro 6:1 ပူးပေါင်းရင်းမြစ်များ

Matiunu 23:13

Yesuma we kakara sina eno wei, ya tarawatu tisa uwaraini Ferosi uwaraini ya meoma weta uwara eregou uforo! Godinu ure yawoeta orofa daba garari utaitaba emema anawa utaita. Yana iro anawa utaitaro nono emema emanu unu i ure orofaro anibitae utaitana emanu anaita daba garari utaita.

Afosoro 11:20

Moana Saifurasini Sairina waita naueta uwarama Anitiyoka suro anita.

Afosoro 11:26

Ane farite Soro munite owerite Anitiyoka suro woure fari. Anitiyoka suro i naueta uwarabai oya demurairo ibeda uwara faiyawere Godinu sina we mawetu utebisi. Anitiyoka suro ko naueta uwarana Kurisitini uwara weita.

Afosoro 11:29

Agabasima eno weiba i naueta uwara nesia weita, ya nesina oi mafero yanu Judia ibeta naueta uwaraba mafitaita weita.

Afosoro 2:41

Fita danu sina nautebita uwara babataito utaro eme faiya faiyawere tiri tausani (3,000) i afosoro uwara emabai ane taka uta.

Afosoro 4:4

Eme faiyawere Yesunu uietaroma uyareta sina nautate moana nautawa utaro moana naue imue uta. Godinu sina naueta uwara nesina fai tausani (5,000) faiya faiyawere.

Afosoro 5:14

Moana uwara Godinu sina nauteda imutebitate emeini awetaboini i naueta uwarabai ane taka utebita.

Afosoro 5:28

Inaibitaro i dera fuyo ode sina weta amarama wei, etei Amaranu ifuro da weboe we kakara usi wei. Yanu ueta eawe. Jerusaremu su uwara nesina yanu sina nauita wei. Eno uteda yana waita, Yesunu uieta sina urumu yabai ibinu eno waita weiro nautate Fitaini afosoro uwarama weita, Godinu imueta mubeisi. Nono emenu imueta da mubeisi weita. Yana Yesu korosiro oitaro ui.

Afosoro 6:2

Eno utaba i tuero (12) afosoro uwarama i Godinu sina naueta uwara nesia yua weitaro fata. Fataro weita, Godinu sina da webete ietaini oini nata nata ufeisina ina kobererau meba iba Godinu Imumu Kotofu bobo beforo bunawere uwara seweni (7) muawero i nata nata ueta gaukararo odife weita.

Afosoro 6:7

Godinu sina we inarebitaro Godinu iwata ueta uwara Jerusaremu suro faiyawere uyarebita. Fuyo ode sina weta uwara faiyawere Godinu naueta uwara sinebita.

Afosoro 9:29

Dawaini Guriki sina waita Ju uwaraini sina sina we matata. Soro danu iwata derawereba i Guriki uwarama danu ma uieta daba doberebita.

Afosoro 9:39

Eno weitaro Fitaini ido owetate ata. Are fataro moana uwaraini Fita i dei koruro manita. Mane fatana i wabu awetabo iro inaibeda i weda Tabitanu wadia fifinu utebi ibaiabai Fitaba mawetu utaro eri.

Afosoro 9:41

Yare yauriro Fitama danu agero munite ma uyarite i naueta uwaraini moana wabu awetaboini yua weite emaba mairo i wabu aweta wiroite me inaibiro eta.

Romani 12:7

Ananu bunana eme yawoeta mai enanari utebasu. Ananu bunana we mawetu ueta mai enanari utebasu.

1 Korinita 10:10

I uwaranu kamena weta ari da wiawe. I uwarama Godiba kamena webitaba Godinu aneruma ema ma uiro uita.

2 Korinita 11:22

Emana eno waita, yana Ju uwara waita? Naini na Ju amara. Emana Isaraero uwara? Naini, na Isaraero amara. Emana Eibaramunu sisia uwara? Naini, na Eibaramunu sisia amara.

Firifai 3:5

Nanu bayama na muniro kowa eita me siniro nanu ofe tuta. Nanu baya babana Isaraero uwara. Emana Benijameninu sisia uwara. Enoba nana ba Ju amara. Nana Ferosi amara sirete Mosesinu tarawatu uegou ue.

1 Timotibai 5:3

Mui awetanu awera uifiro yawoeta eme meba i moana wabu awetabo yawoa.

1 Timotibai 5:9

Mui wabu awetama i dubu su wabu awetabonu gaukara ufie webisuna eno imue ea. Dawa oya sikisiti (60) munite awera demurai torowa muni. Danu koiniboro kobererau yawotebite moana uwara bana weda ieta matebite Godinu naueta uwaranu buri urotebite ofe woureta uwara durua utebite ane ane kobererau utebina i dubu su wabu awetabonu ifubai danu ifu odia.

Iburu 13:1

Ya naueta uwara kaka nabue ari yanu yanu neno arama ue mataneiboe iba watane.

Jeimisinu 1:27

Godinu kobere sina naueta uwarama i wabu awetaboini benono koiniboroini durua utaitate Godi imuegou utaitate ewa orofanu siosawere ueta sineta enanari utawa utaita. Eno utaitana emanu imueta kobererau Godima wasu.

Jeimisinu 4:5

Godinu bukaroma eno wasu, Dawa Danu Imumu Kotofu yanu neno ubarero odiro Danu Imumu Kotofuma ya Godi da ekodifete Godiba neno arama ufene iba ya yawoegou utasu, Godinu bukaroma eno wasu. Ina me wasu, eno we imutaita? Enona Me!

Jeimisinu 5:9

Yanu yanu kamena ka da we matawe. Eno ufoitana Godima ya koto ufisu. Yanu dera koto ueta Godi, Dawa yanu bebetobai inaibeda eno koto ufie utasu eawe.