Afosoro 4:1 - Yareba

¹ Fitaini Jonima i guruguru ubita uwaraba sina webisiro fuyo ode sina weta uwaraini dera dubu su forisi kafitenini Sadusi tisa uwaraini emabai ido are fata.

Afosoro 4:1 ပူးပေါင်းရင်းမြစ်များ

Matiunu 16:12

Eno weiba Dawa i Ferosi uwaraini Sadusi uwaranu wawareta ira yisitiba wiawa uite Ferosi uwaraini Sadusi uwara emanu we mawetu uetaba weiro iwata uta.

Matiunu 22:16

I uwarama eno we matatate emanu iwata ueta uwaraini Erodinu uwaraini siaia utaro Yesubai Danu sina irue naufitae anita. Ane fatate weita, tisa Ana ba amara. Mui amara derawerero nono mui amara kikiratu eno imutawa utasute Godinu sinaini Danu imueta we mawetu uegou utasu.

Matiunu 27:20

Nono aubokona i dera fuyo ode sina weta uwaraini Ju uwaranu baeta uwaraini emana i guruguru uwaraba weita, Faeratima webisuna Barabasi ma uregari uate Yesu ma uia wiawe weita.

Matiunu 27:41

I dera fuyo ode sina weta uwaraini tarawatu tisa uwaraini Ju uwaranu baeta uwaraini ema nesia Yesuba irue weita, Dawa aika uwara ma wirotebite Danu torowa da ma wirofisu eno irue weita. Dawa ya Ju uwaranu dera yawoeta amarana korosiroma itafisuna Dawa naue imue ufeisi weita.

Rukanu 20:1

Mui kowaro Yesuma we mawetu uteda Godinu kotofu sina webina i dera fuyo ode sina weta uwaraini tarawatu tisa uwaraini dera baeta uwaraini ema Yesubai fata.

Rukanu 22:4

Judasima i dera fuyo ode sina weta uwarabai Yesu do mafie ane fari.

Joninu 15:20

Nanu bodere we sina imuawe. Nana eno we, i gaukara amarana derawere, i yawoeta amarana kikiratu, ina ba me. I yawoeta amarana derawere. I gaukara amarana kikiratu, eno weya wei. Na i yawoeta amaraba siosawere utaba enanari ya i gaukara uwaraba siosawere ufitaita. Nanu sina bodere naufitarona enanari yanu sina naufitae wei.

Joninu 18:3

I dera fuyo ode sina weta uwaraini Ferosi uwarama ami uwaraini forisimani Judasiba mataro woure ani. I uwara nesia nanefaini ekiwaini ureta yanaeta ibaiabai nesia iro woure anita.

Afosoro 5:17

I dera fuyo ode sina weta amaraini danu domayamutuini i Sadusi tisa uwara emana i afosoro uwaraba neno ka uteda madudu sina weitate i afosoro uwara budari utate ana ebaro oita.

Afosoro 5:24

Eno weitaro nauteda aboro anita ari we imutana mui amarama farite i sina webie uteda wei, i ana ebaro oita uwarana dera dubu su ubarero inaibeda we mawetu utaita wei.

Afosoro 5:26

Weiba forisi kafitenini forisimanini ido anitate Isaraero uwara ema gebiroma uotoba iyatate i afosoro uwara kekerama woure fatate kanisoro uwaranu iboro inawe weitaro inaibita.

Afosoro 6:12

Eno weitaba i guruguru ubita uwara nautate Sitiwaniba ubusi uyata. I dera Ju uwarama Sitiwani budari utate i kanisoro uwarabai woure anita.

Afosoro 6:7

Godinu sina we inarebitaro Godinu iwata ueta uwara Jerusaremu suro faiyawere uyarebita. Fuyo ode sina weta uwara faiyawere Godinu naueta uwara sinebita.