Afosoro 27:1 - Yareba

¹ Yanu Itaria orofaro aneta ue bou utate Foroini moana dibura uwaraini mui ami kafiteniba mata. I kafiteninu ifuna Juriasi. Dana Sisa Agasitasi waita danu ami amara.

Afosoro 27:1 ပူးပေါင်းရင်းမြစ်များ

Matiunu 27:54

I ami kafitenini danu ami uwaraini ema Yesu yawoteda i nasini wawana wawana uetaini nesia etate neno kirifu derawere uteda weita, ewana Godinu ba Amara weita.

Rukanu 23:47

Eno uiro ami kafiteni amarama erite Godinu ifu we ma derawere uite wei, ewa amarabai kerere me. Dana kobere amara wei.

Rukanu 7:2

Mui Romani ami kafiteninu gaukara ubi amara ofe wourite uifie utebi.

Afosoro 10:1

Koniriasima Sesaria suro ibebi. Ami kafitenina dawa. Danu meremere uwarana Itaria waita uwara.

Afosoro 10:22

Weiro weita, yanu kafiteni amara Koniriasima a woufete anibero anu sina naufie wenuba abai farisia weita. Aneruma Koniriasibai a are woureta sina weiba iba farisia weita. Yanu kafiteni amarana kobere amara dawa Godibai guriguri utebasu. I Ju uwarama dawa kobere amara eno we imutaita weitaro nauite Fitama i amara rarogonu bana weiro dawaini aita. Wau uriro anita. I amara rarogonuini Fitaini moana Jafa naueta uwaraini nesia anita.

Afosoro 16:10

Foroma i tube erite yaba weiba Godi Danu ununa Danu sina i uwarabai webene i daba usinu imusite i daba dobefene usi.

Afosoro 18:2

I suro Ju amara danu ifu Akuira atani. Danu danuama dawa muni orofana Fonitia. Akuirama danu aweta, Fasiraini Itaria orofaroma reka fasi. Korodiasi Sisa, Romani dera yawoeta amarama Ju uwara nesianu ibeta unutawaba weiro awetaini awera Itariaroma Korinita suro are fasi. Foroma ema efie emanu suro ani.

Afosoro 19:21

Duburo Godinu Imumu Kotofuma Foro Danu imueta mairo Foroma nenoma we imui, Masadoniaini Akeiyaro fare animate Jerusaremu suro animau eno we imuite wei, nono duburo iroma Romani dera suro animau wei.

Afosoro 22:26

Eno weiro kafiteni i ufie utebi ekodite ami yawoeta dera amarabai ane farite wei, a ane utasu wei? Etei amarana Romani amara wei.

Afosoro 23:11

Dumu siniro Yesuma Forobai fare inarite wei, iya da uyate buna ua wei. Auboko Jerusaremu su uwarabai Nanu sina wei, enanari Romani uwarabai Nanu sina webasu wei.

Afosoro 23:17

Weiro Foroma nauite mui kafiteni amaraba wei, ewa amarama dera ami yawoeta amaraba sina webisuba yawoeta amarabai woure ania wei.

Afosoro 25:12

Fesaini danu kanisoro uwaraini sina we matatate Fesama Foroba wei, Sisabai anibae wenuba Sisabai anibasu wei.

Afosoro 25:25

Weitaro dawabai kerere meba aneba uifisu? Daba aika Sisabai animau weiba dawa siaia umau wei.

Afosoro 27:11

Eno weiro ami kafiteni amarama nautawa uite i bouti yawoeta uwaranu sina naui.

Afosoro 27:43

Weitaro ami kafiteni dawa unutawa Foro uieta iba kodiawe weite wei, ogo iwata uwara itawete aine aniawe wei.

Afosoro 27:6

I ami kafitenima mui Itariaro aneta bouti dobere ane atanite ya nesia woure i Arekisana suroma fari boutiro odi.

Afosoro 28:1

Maguaro fasite i mutumutunu ifuna Mota nausi.

Afosoro 28:16

Romani suro fasiro ami kafitenima Foroba wei, anu suro ibiaro mui ami amarama a iro yawofi weiro eno ui.

Iburu 13:24

Nanu ario sina yanu dera yawoeta uwaraini Godinu naueta uwaraini ema nesiaba wiawe. I Itaria orofa naueta uwara nesia emanu ario sina yaba waita.