Afosoro 21:3 - Yareba

^3-4 Anebe Saifurasi mutumutu ereda serigari usite Siria orofaro anisi. Anebe ane Taira su musi. I bouti ego woure uwafuro odifitae iro ane inata. Ane inataro tanisite i su Godinu sina naueta uwara doberebe emabai uiki demurai sane aisi. Godinu Imumu Kotofuma Danu naueta uwaraba weiro i uwarama Foroba eno we kakara utate weita, Jerusaremu suro da ania weita.

Afosoro 21:3 ပူးပေါင်းရင်းမြစ်များ

Matiunu 11:21

Enoba Yesuma dua sina emaba wei, ya Korasini su uwaraini Besaida su uwaraini eforo! Godinu buna ueta faiyawere ya erebitaba i Taira su uwaraini Saidoni su uwaraini ina efitarona aramawere wadia barufitate konua kofiri deiro odeda emanu ba me ueta ekodifitae wei.

Matiunu 4:24

Eno utebiba i Siria orofa uwara Danu buna ueta nautate emanu oferi aika maika uwaraini siosa imumu bobo uwaraini meo uie uyare ueta uwaraini age sanawa buri inarawa uwaraini ema nesia Yesubai woure fare oitaro ema nesia ma wiroi.

Rukanu 10:13

Ya Korasani su uwaraini Besaida su uwaraini eforo. Godinu buna ueta faiyawere ya erebitaba i Taira su uwaraini Saidoni su uwaraini ina efitarona aramawere wadiaini barufitate konua kofiri deiro odeda emanu ba me ueta ekodifitae wei.

Rukanu 2:2

Kuiriniasima Siria orofa yawotebina ifu ifu yawieta tarawatu reka fari.

Afosoro 11:19

Sitiwaninu ui kowaroma moana uwarama uyatate i naueta uwaraba ba mewere utebita. Utebitaba i naueta uwarama orofa aika maikaro wo bagaru ue anita. Moana Fonisia orofaro anita. Moana Saifurasi orofaro anita. Moana Anitiyoka suro anita. Anitate Ju uwara torowaba Godinu kobere sinaini Yesunu sina weita.

Afosoro 12:20

Erodima Tairaini Saidoni uwaraba ibo derawere ui. Uiba i Tairaini Saidoni uwarama we imuta, Erodinu orofaro ieta munebaisi we imuta. Iba Erodinu su yawoeta amara Barasusibai fatate weita, yanu ununa Erodini sina ma rorowarau ufene farisia weita. Weitaro Barasusima Erodibai i sina ane wei. Erodima kowa odiro dawabai are fata.

Afosoro 13:4

Emana anisiro Godinu Imumu Kotofuma emanu daba mawetu uiro Serusia suro anisi. Ane fasite boutiro amusite Saifurasi mutumuturo anisi.

Afosoro 15:39

Emanu imuetana aikaba Banabasini Joni Makama anisi. Boutiro amusite Saifurasi mutumuturo anisi.

Afosoro 15:41

Ane Siriaini Sirisia orofa su suro Godinu sina we inarebisiro i Godi nautebita uwara emanu imueta ma kobererau uta.

Afosoro 18:18

Foroma kowa faiyawere Korinita suro ibebe nono i su ekodite boutiro amuite Fasiraini Akuira munite Siria orofaro anibie ui. Iro anibie aneda Sinikuria suro farite Godiba bodere we bou uiba danu kofiri giriri ui. Ina Ju uwaranu baeta.

Afosoro 21:2

Iroma Fatara suro ane fasite yanu anisi bouti ekoisi. Ekoisite mui Fonisia orofaro aneta bouti ubarero amusite anisi.

Afosoro 21:7

Taira su ekoisite Torimai suro ane fasi. Fasite i Godinu sina naueta uwarabai owiga usite aisite wau uriro Sesaria suro anisi. Ane fasite bouti ekoisite Firifinu su ubarero ane amusi. Firifina Godinu sina weta amara. Firifi demurai dawana i sewenini (7) afosoro durua ueta uwarabai oita amara. I amarabai yaubisi.

Afosoro 27:4

Ane farite iroma owere ariro nono boutiro anisi. Oyau derawere fariba Saifurasi mutumutu dubenaro anisi.

Afosoro 4:36

Mui Riwai amara danu ifu Jousefa danu orofa Saifurasi, i afosoro uwarama i amara Banabasi webita, i ifunu ubina we ma nabi ueta amara.