Afosoro 20:4 - Yareba

⁴ Moana uwaraini anita. Safatu, Beria su amara, dawa Firusunu amara, dawaini ani. Aritikanisi Sekunada Tesoronaika su amara sadeini anisi. Geiasi Debi su amaraini ani. Timoti ani. Eisia orofa amara sadei, Tisikasini Torofimasini anisi. Foroini i uwaraini Gurisi orofa ekoitate Firifai suro ane fata. Na Ruka, Firifai suro ema yawotebitarana ido are fata.

Afosoro 20:4 ပူးပေါင်းရင်းမြစ်များ

Afosoro 14:20

Sane oitaro Yesunu buribi aneta uwarama Foro ode kara utana Foroma uyarite suro ani. Wai uriro uyarite Banabasini iroma Debi suro ane fasi.

Afosoro 14:6

Nausite i su sau ekoisite Raikonia orofa su sadeiro anisi. Risitaini Debi suro anisi. I su sadeini i orofa kabesi faiyawere ane iro Yesunu sina we inarebisi.

Afosoro 16:1

Foroini Sairasima Debi suro ko anisite ekoisite Risita suro ane fasi. I suro mui amara danu ifu Timoti atasi. Timoti danu danuana Godinu sina naueta Ju aweta, danu damamana Guriki amara.

Afosoro 16:6

Iroma Eisia orofaro anibitae utaro Godinu Imumu Kotofuma i daba garari ui. Garari uiba Firigiaini Gareisia orofa aboro aboro inarebita.

Afosoro 17:1

Foroini Sairasima ane Amofiforisi suini Aforonia suro fare fare daido fare anisi. I su sadeiro fare fare daido fare ane Tesoronaika suro fasi. Iro Ju uwaranu dubu su inaibiba Foroma amuite Godinu sina wei. Danu eno ainewaure utebi iba sabate kowa rarogonu i dubu suro amutebite Godinu bukaroma sina bunawere webi.

Afosoro 17:13

Foroma Godinu sina Beria suro webina Tesoronaika uwarama nautate Beria suro ane fatate ibo uteda ejiwa sina weitaba uwara faiyawere Foroba jaja uta.

Afosoro 2:9

Orofa atata aika maikaroma fata. I orofanu ifu ifuna ewado, Fatiaini Midini Iramaitini Mesofateimiaini Judiaini Kafadosiaini Fonitusini Eisiaini Furigiaini Famufiriaini Ijifini Ribia Sairinabaini Romanini iroma ba Ju uwaraini Jubai guriguri utebita aika uwara, Kuritini Areibia orofa uwaraini Jerusaremu suro fatate nauteda Godinu buna ueta yanu ba sinaroma waitaro nautaisi weita.

Afosoro 20:16

Foro dawa unutawa Eisiaro ibeta. Danu ununa mui Ju uwaranu ogaro kowa, Fenitikosi waita, fafisuba Jerusaremu suro ibeta, iba Efesa su serigari ufie uiba i Efesa dubu su yawoeta uwara sina fo odiro aniro dawabai ane fata.

Afosoro 20:18

Ane fataro wei, nanu sina nauawe wei, nanu yabai ibebitara ya iwata. Nanu fare kowaroma Godinu gaukarabai neno nesia ure nudarau utebe i webe sasae utawa utebe Godinu gaukara kobererau utebatane wei. I Ju uwarama na ma uifitae utebitaba awe kowa uyarebiro Godinu gaukara uegou utebitara wei.

Afosoro 21:29

Auboko Foroini Efesa amara Torofimasi Jerusaremu natofo suro inarebitaro etate iba Foroma i Guriki amara yanu dera dubu su ubarero woure odi we imuta iba eno weitaro i Jerusaremu su uwara nesia nautate ubusi uyata.

Afosoro 27:2

I amaraini boutiro amusi. I boutina Adamitiuma suroma fari. Nono owefite Eisia orofa su suro mubie ani. I boutiro yaini mui amaraini danu ifuna Aritikasi, dana Masadonia orofa Tesoronaika su amara, dawaini i boutiro amusite anisi.

Romani 16:21

Moana uwaranu ario sina wemaro nauawe. Nanu gaukara uruama utasu amara Timoti dana yaba ario sina wasu. Rusiasini Jesonini Sosifataini emana yaba ario sina waita. Ema nesiana nanu su uwara.

Romani 16:23

Naini i naueta uwara nesia i amara Geiasibai ibinisi. Ewa natofo su oi yawotasu amara Erasitasi dawaini yanu naueta amara Koatasini emana yaba ario sina waisi.

2 Korinita 1:1

Na Foroma yanu yaiye Timotini wana ewa owawa siaia utaitu. Godi Danu unu uite na Yesu Kerisonu afosoro amara mune odi. Ya Korinita su Godinu naueta guruguru ue ibebaita uwaraini Akeiya orofa aboro aboro guruguru ue ibebaita naueta uwara nesia, yaba waitu.

2 Korinita 1:19

Timotini Sairasini naini Godinu Amara Yesu Kerisonu sina yaba weisi. Yanu weisi sinana baini meo sina me. Yanu Yesu Kerisonu weisi sinana ba.

Efesa 6:21

Yanu yaiye warai, Tisikasi, dana yanu Dera Waria Amaranu gaukara uegou utebasu. Dana yabai ane fafite nanu sina nesia webiro naufoita.

Firifai 2:19

Yesu Keriso Danu unu ufisuna nana Timoti siaia umaro yabai anibisu. Dawa yabai anibite ibebe owefite nabai fare ya uwaranu sina webiro naumate yaru umane watane.

Korose 4:10

Aritikasini naini uruama diburaro ibinitu. Dana yaba ario sina wasu. Makaini dawa Banabasinu dabue dawaini yaba ario sina wasu. Nana Makanu sina fo yaba siaia uero eta. Dawa yabai fafisuna bana wiawe.

Korose 4:7

Tisikasi dawa yabai fafite nanu ueta sineta webisu. Tisikasi dawana kobere naueta amara. Dawa Yesu Kerisonu gaukara uegou utasu. Dawaini wana Yesu Kerisonu sabua ueta amara sadei.

1 Timotibai 1:1

Na Foro, Yesu Kerisonu afosoro amara ewa sina owawa nana ue odatane. Yanu ma wiroeta Godini Yesu Keriso Dana i ma wiroeta gaukara ue me sibisu eno we imutaisi. Emana na afosoro amara we mune oisiba iba ewa sina watane.

2 Timotibai 1:2

Timoti, nanu amara, nanu neno abai ibinuba ewa sina aba watane. Yanu Baba Godini yanu Dera Waria Amara Yesu Kerisoini ema kobererau durua ufisite neno arama ufisite emanu wesa ueta aba mafisiro merau ibifae watane.

2 Timotibai 4:12

Nanu dei barueta Toroasi suro naiye Kafasibai ibinuba ewaro aredana ini nanu bukaini nanu feifa neno tairo iba ina da imutawa ua. Nanu dei baruetaini bukaini feifaini woure ara.

2 Timotibai 4:20

Erasitasi dawa Korinita su ekodawa iro ibinu. Torofimasi dawa ofe wouriba dawa ekodero Mairitasi suro ibinu.

Taitasibai 3:12

Nana abai Atimasi aba Tisikasi siaia umauna Nikaforisi suro sau nabai fare ea. Na imutatanena i suro obi sakara nesia iro ibimauba iro ara.

3 Joninu 1:1

Na dubu su yawoeta dera amarama a Geiasiba owawa ue odatane. Godinu sina imutataneba nanu neno abai ibinu.