Afosoro 20:3 - Yareba

³ Masadonia orofa ekodite Gurisi orofaro ani. Ane farite sakara rarogonu ibebe Siria orofaro anibie uteda boutiro amufie ui. Uina moana uwarama dawa ma uieta daba doberebitaro nauiba ekodite Masadonia orofaro owemate burima duero animau wei.

Afosoro 20:3 ပူးပေါင်းရင်းမြစ်များ

Matiunu 4:24

Eno utebiba i Siria orofa uwara Danu buna ueta nautate emanu oferi aika maika uwaraini siosa imumu bobo uwaraini meo uie uyare ueta uwaraini age sanawa buri inarawa uwaraini ema nesia Yesubai woure fare oitaro ema nesia ma wiroi.

Afosoro 16:12

Iroma Firifai suro fasi. Firifaina i Masadonia orofanu botai su. I suna Romani uwaranu su. Iro fasite kowa faiyawere ibisi.

Afosoro 16:9

Dumuro Foroma nauta ainibebe tube eri. Tuberoma mui Masadonia amara inaibeda nui wei, Masadonia orofaro arate ya durua ua wei.

Afosoro 18:18

Foroma kowa faiyawere Korinita suro ibebe nono i su ekodite boutiro amuite Fasiraini Akuira munite Siria orofaro anibie ui. Iro anibie aneda Sinikuria suro farite Godiba bodere we bou uiba danu kofiri giriri ui. Ina Ju uwaranu baeta.

Afosoro 19:21

Duburo Godinu Imumu Kotofuma Foro Danu imueta mairo Foroma nenoma we imui, Masadoniaini Akeiyaro fare animate Jerusaremu suro animau eno we imuite wei, nono duburo iroma Romani dera suro animau wei.

Afosoro 20:1

Duburo i weroroka me siniro, Foroma weiro Godinu sina naueta uwarama dawabai guruguru utaro Godinu sina weite ema ario weda ekodite Masadonia orofaro ani.

Afosoro 20:2

Masadonia orofa aboro aboro ane Godinu sina naueta uwaranu imueta ma kobererau utebe ekodi.

Afosoro 21:3

Anebe Saifurasi mutumutu ereda serigari usite Siria orofaro anisi. Anebe ane Taira su musi. I bouti ego woure uwafuro odifitae iro ane inata. Ane inataro tanisite i su Godinu sina naueta uwara doberebe emabai uiki demurai sane aisi. Godinu Imumu Kotofuma Danu naueta uwaraba weiro i uwarama Foroba eno we kakara utate weita, Jerusaremu suro da ania weita.

2 Korinita 1:15

Ya uwara eno utaita we imutebitaraba Masadonia orofaro anedana yabai yadama fare aimate animau. Iro ibebe owemate yabai nono yadama fare ibimau. Eno amate ya sadei durua umaro yana na i Judia dabaro woure ane odiforo animau. Eno we imutebitara.

2 Korinita 11:26

Nana daba faiyawere ane fare, ane fare eno utebitara. Na eno utebitarana ogo okuma na ma inufie ui, waira ueta uwarama nanu ibaiabai waira ufitae weita, nanu ba uwarama na ma uifitae uta, i Godinu sina nautawa aika uwarama na ma uifitae uta, i dera natofo suro ibita uwarama na ma uifitae uta, i eme ibawa orofaro awe egima na afitae uta, eneama na ma inufie ui, i meo naueta uwarama na ma siosa ufitae uta, na gaukara derawere ue, kimuwere ue, dumu faiyawerero nauta ainawa utebitara. Ietaini ogoini meba osi wourebitara. Wadiaini su meba iwu wourebitara. Enoma enoma naba utebitaro nana uitawa me ibitara.

2 Korinita 7:5

Yana Masadonia orofaro fare ibedana imoitawa utebisi. Awe uyaretama ya ode kara utaro moana uwara urane yarane utaro i naueta uwaraba nenoma iya uyareda imoitawa usi.

Gareisia 1:21

Iro kowa fifitini (15) ibebe ekodete iroma Siriaini Sirisia orofaro ane.