Afosoro 2:4 - Yareba

⁴ Uiro Godinu Imumu Kotofuma tararite i uwara nesianu neno ubarero inune uteda iwata mairo sina aika maika webita.

Afosoro 2:4 ပူးပေါင်းရင်းမြစ်များ

Matiunu 10:19

Eno ufitaitana sina daba anene webeisi da imuawe. Da imuawero i sina weta kowa ido fafisuna yana sina da weboro Godima yabai imueta ido mafiro weboita wei.

Makanu 16:17

Eno weite wei, Nabai kimuwere imue naue utaita uwara eno ufitaita. Nanu ifuroma imumu siosa we berafitate reka sina aika webitate awe towi mubitate kae ifitaitana da ufitate ofe woureta uwaraba emanu agema deiro odifitaro wirofitaita wei.

Rukanu 1:15

I amakanu daisibite Godinu dera amara sibiro Godima efisu wei. Idoba anu amarama wainini siosa ogoini da ifisu. Danu danua dawa mubiro Godinu Imumu Kotofuma danu neno ubarero itafisu.

Rukanu 1:67

Godinu Imumu Kotofuma Joninu damama Sakaraiyanu neno ubarero itariba Sakaraiyama sina eno we bou uite wei, ya Isaraero uwaranu Dera Godima ya uwarabai tararasute ya ma wirotasuba Dawa we ma kobererau utaisi.

Rukanu 4:1

Godinu Imumu Kotofuma Yesunu neno ubarero itarite inune ui. Yesuma Jodani ogo ekodite owere ani. Owere anebina Godinu Imumu Kotofuma Yesu eme ibawa orofaro woure ane odi.

Joninu 14:26

Duburo Godima Danu Imumu Kotofu, yanu Durua Ueta Imumu Kotofu, Nanu ifuro yabai siaia ufiro itafite ya nesia we mawetu ufite yanu beforo ma owefiro Nanu watane sina nesia imufoita wei.

Joninu 20:22

Weite Danu bebetu oeno emanu deiro ubuite wei, Godinu Imumu Kotofu muawe wei.

Afosoro 1:5

I ari Jonima ogoma eme babataito utebi. Duburo kowa faiya me, me sibisuna Godima ya nesia Danu Imumu Kotofuma babataito ufisu Yesuma wei.

Afosoro 1:8

Imumu Kotofuma yabai itafisuba buna ufote Nanu fo weta uwara sibote Jerusaremuini Judiaini Samariaini i orofa ata nesia Nanu sina we inareiboita wei.

Afosoro 10:46

Godinu Imumu Kotofuma emabai itariba sina aika maika weda Godi we ma kobererau utebita.

Afosoro 10:47

Eno utaro Fitama wei, Godinu Imumu Kotofuma yabai itari, enanari emabai itarinuba ema babataito ufene watane wei.

Afosoro 11:15

I amara eno weiba anisiro sina wemane utebitarana Imumu Kotofuma emabai tarari. Auboko yabai tarari enanari nono emabai tarari.

Afosoro 11:24

Banabasina kobere amara. Godinu Imumu Kotofuma dawabai ibegou uiba, danu nauetana derawere. Dana weiro eme faiyawere nautate Yesunu buribi anita.

Afosoro 13:52

Godinu Imumu Kotofuma Danu iwata ueta uwarabai ibegou uiro yaru derawere uta.

Afosoro 13:9

Eno weiro Imumu Kotofuma Sorobai ibegou uiba Soro danu mui ifu Foro, dana i wada barau amara erebe ero ite wei, ana seitaninu amara. Ana kobere uetaba wasai amara. Anu imuetana ba me, irueta imuetana torowa. Godinu kotofu sina weta daba aneba ma bebeu ue garari ufae utasu? Eno ueta kodia wei.

Afosoro 15:8

Godima i aika uwaranu nenoma imueta Dana iwataba Danu Imumu Kotofu siaia uiro emabai itari. Yana Godinu Imumu Kotofu musi, i ari muta.

Afosoro 4:31

Godibai i guriguri ue me sitaro emanu yaubita kabesi wawana wawana uiro Godinu Kotofu Imumu emanu neno ubarero itariba Godinu sina bunawere webita.

Afosoro 4:8

Ananu bunaro o ananu ifuro eno usi weita? Eno weitaro Godinu Imumu Kotofuma Fitanu neno ubarero inune uiba Fitama yare wei, ewa uwara dera uwaraini baeta uwaraini nanu sina nauawe weite wei, i amaranu buri wiroeta wenaueraita wei?

Afosoro 6:5

Weitaro emanu sina nautate Godinu sina naueta Imumu Kotofu bobo amara Sitiwanini moana uwara Firifini Fokorasini Naikeini Taimonini Famenasini Nikorasini danu orofa Anitiyoka, dawa Ju amara ari sini, i uwaranu sina nautate afosoro uwarabai oita.

Afosoro 6:8

Godima Sitiwani ma kobererau uite buna derawere maiba Sitiwanima buna uetaini kamama uetaini faiyawere utebiro erebita.

Afosoro 7:55

Utaro Imumu Kotofuma Sitiwaninu neno ubarero itariba Sitiwanima urero erite wei, Yesuma Godinu banibira age afuro inaibinuro eratane wei.

Afosoro 8:17

Utaba Fitaini Jonima emanu age i uwaranu kofiri deiro oisiro Godinu Imumu Kotofuma emanu neno ubarero itari.

Afosoro 9:17

Ane suro farite amuite age deiro odeda wei, kaka Soro, i Dera Yesu, i abai dabaro fari Amarama na abai siaia usinuro fane. Anu diti basugari me sibisuba Godinu Imumu Kotofu anu neno ubarero itafie iba fanea wei.

Romani 15:13

Godi Dawana yanu nauetanu ubi. Dana yaba durua ufiro Dawaba imuegou ufote yaru uteda wesarau ibifoe iba watane. Yana eno uforo Godinu Imumu Kotofuma yaba buna derawere mafiro Godi imuteda Dawa yawoegou ufoe watane.

1 Korinita 13:1

I sina edono, nana Godinu sina uwarabai kamama sina aika maikaini anerunu sinaroma wemate uwaraba neno arama da umauna nanu wetana werorokawere. Ina buma me sara urebaita i ari. Eno umauna bebetu torowa gugu fareimau.

1 Korinita 13:8

I neno arama uetana da me sibisu. I we bou ueta sinana me sibisu. I kamama sina aika maika wetana me sibisu. I iwata uetana me sibisu.

1 Korinita 14:18

Nana ya uwara nesia serigari uteda kamama sina aika maika faiyawere wataneba Godibai we ma kobererau utatane.

1 Korinita 14:5

Nanu ununa ya nesia kamama sina aika maikaroma weboe watane. Nono ina yanu derawere uetana me. Yanu derawere uetana Godinu sina we bou ueta. Godinu sina we bou ueta amarama i aika maika kamama sina weta amara serigari utasu. Nono mui amarama aika kamama sinaroma wasuro mui amarama i sinanu ubi we ma boroyarasuro i naueta uwara nesia nauteda emanu naueta ma kimu utaitana i we bou uetaini aika maika sina wetaini arotorowa.

Efesa 3:19

Danu neno arama uetana derawereba emenu iwata serigari utasu. Utasurogo nono nanu ununa yana Danu neno arama ueta iwata ufoita. Eno ufoitana Godima yanu nenoro ibegou ufisu.

Efesa 5:18

Beforo siosawere uosoro ya ma siosa uosoa kimu ogo da iawe. Eno da uawete kobererau uawe.

Efesa 6:18

Eno utedana Godibai guriguri utebeawe. Godibai guriguri ufoitana Godima ya durua ufie nui wiawe. Godinu Imumu Kotofuma Danu imueta yabai odifiro Godibai guriguri uawe. Guriguri da kodiawete uyawete i naueta uwara nesiaba Godibai guriguri uawe.

1 Fitanu 1:12

I we bou ueta uwarama yana nautaita ba sina weitana Godima emaba eno wei, yana gaukara utaitana yanu torowaba utawa moana uwaraba utaita wei. Eno weina i sina eraitaba yabai wei. Nono awonana ewa kotofu sina yabai we araita. Emana i ureroma tarari Imumu Kotofunu bunama i sina yaba waita. Aneruma i kobere sina naufitate iwata ufitae utebaita.