Afosoro 2:23 - Yareba

²³ Godima imuite Dawa yabai mairo yana sina webe webe utebitaba aika uwarama korosiro oitaro ui.

Afosoro 2:23 ပူးပေါင်းရင်းမြစ်များ

Matiunu 20:19

Odifitaro i aika uwarama Dawa iruteda domuma ufitate korosiro odifitaita. Dawa ido uifiro kowa rarogonu me sibiro nono uietaroma uyafisu wei.

Matiunu 26:24

I Ba Eme Sini Amara uifisu Godinu bukaroma eno wasuba enanari uifisu. Nono Dawa do mafisu amaraba fanisi derawere mafisua wei. I do maeta amaranu danuama dawa da mubirona ina kobererau wei.

Matiunu 27:35

I ami uwarama Yesu korosiro ure oita. Oitate Danu wadia abo amarama mubisu weitate kasi waribo uta.

Rukanu 22:22

I Ba Eme Sini Amarana uifisu Godima wasuba enanari uifisu. Nono Na masinu amaraba fanisi derawere mafisua wei.

Rukanu 22:37

Eno weite nono wei, Godinu bukama Naba eno wasu, Dawaini i siosawere uwaraini arotorowa waita wasu. Ido Godinu bukaro Naba eno owawa ue odiba enanari ufisu wei.

Rukanu 23:33

Ane kofiri tai torowa webaita orofaro fata. Fatate Dawa korosiro oita. Mui diburaro ibeta amara enabira afu korosiro oitate mui diburaro ibeta amara enabira afu korosiro oitate Yesu abana korosiro oita.

Rukanu 24:20

Yanu dera fuyo ode sina weta uwaraini Ju yawoeta uwarama Dawa uifie weitate Romani gaemani uwaranu agero oitaro korosiro oita.

Joninu 19:18

I orofaro fatate Yesu korosiro oita. Mui amara enabira afu mui korosiro ure oitate mui amara enabira afu mui korosiro oitate Yesu abana mui korosiro oita.

Afosoro 13:27

I Jerusaremu suro ibebita uwaraini emanu dera uwaraini emana Yesu utaro ui. I uwarama Dawa iwata meba imutawa uta. I we bou ueta uwaranu sina sabate kowaro ainewaure yawitebitaro nautebitate imutawa utebita. Eno utebitaba i we bou ueta uwaranu weita sina enanari ba ui.

Afosoro 15:18

Boderewere Godima i sina eno wei, i we bou ueta uwarama eno weitaya wei.

Afosoro 2:36

Fitama eno weite wei, Isaraero uwara, ewa Yesu yana korosiro oita Amara, Godima Dera Waria Amaraini Keriso mamiba imufoe watane wei.

Afosoro 4:28

I ueta nesia Ana bodere ufitae wei enanari uta.

Afosoro 5:28

Inaibitaro i dera fuyo ode sina weta amarama wei, etei Amaranu ifuro da weboe we kakara usi wei. Yanu ueta eawe. Jerusaremu su uwara nesina yanu sina nauita wei. Eno uteda yana waita, Yesunu uieta sina urumu yabai ibinu eno waita weiro nautate Fitaini afosoro uwarama weita, Godinu imueta mubeisi. Nono emenu imueta da mubeisi weita. Yana Yesu korosiro oitaro ui.

Afosoro 5:30

Nono yanu Babamutunu Godima Dawa uietaroma ma uyarite Danu enabiraro odite Yesu yanu dera Amararo ma wiroeta Amara odi. Isaraero uwarama emanu neno neno ueta dubena sabitaro emanu neno neno ueta nesia mubite imutawa ufisuba iba Godima eno odi.

Afosoro 7:52

Yanu yamamamutuma i we bou ueta uwara nesia emaini urane yarane utebitate i Yesu fafisu sina webita uwara utaro uita. I fari Amara Godinu Kobere Amara, yana meo wawei weitate utaro ui wei.

Romani 2:12

Enoba Mosesinu tarawatu iwata me amarama siosawere ufite uifisuna uitawa ina kabesiro anibisu. Iro anibiro Godima i amaraba Mosesinu tarawaturoma koto da ufisu. Nono i Mosesinu tarawatu yawiteda imutasu amarama siosawere ufite uifisuna enanari uitawa ina kabesiro anibiro Godima i amaraba Mosesinu tarawaturoma koto ufisu.

Romani 4:17

Godinu bukaroma Eibaramuba eno wasu, Nana i orofa atata faiyawere uwaranu damamana a ido ode wasu. Godima i we bou ueta sina weiba ina ba. Eibaramu i Godibai danu naueta odi. I Godima uieta uwara uietaroma ma uyarasute i boderewereroma ibawa ememetu wawaro odasuro faraita wasu.

1 Tesoronaika 2:15

I Ju uwarama yanu Dera Waria Amara Yesu ma uitate Godinu we bou ueta uwaraini ma uita. Awonana i moana Ju uwarama naini nanu uwara we yoweraitate siosawere utaitaro Godima emaba ibo utasu. I uwarama eme nesiaba ubusi uyaraitate i Godinu sina naueta daba garari ufitae utaita.

1 Fitanu 1:20

Godima i orofa atata tutubari utawa uiro me ibi i kowaro Yesu Keriso ko i gaukara ueta we odite nono awona ewa dubu kowaro Yesu yaba reka wabararowere ma boroyari.

1 Fitanu 2:8

Godinu bukaroma nono eno wasu, i gebirona emenu ure baidaureta gebiro. Ina eme ma ureieta gebiro, eno wasu. I uwarama Godinu sina nautawaba iba ure baidauraitate ane ureitaita i ari. Godima wasu, anama eno ufisuna dawa ure baidaufite ureifisu wasu.

Judenu 1:4

Moana Godi imutawa tisa uwarama yabai kiwuma fare eno weita, ya uwara yanu unu ane ane siosa ufoitana uawero Godima yaba fanisi da mafi eno weita. I uwarana meo bobo uwara. Godima wei fanisi sina enanari emaba fanisi daido mafisu. I uwarama Godinu kobere durua ueta sina ma siosa utaitate Yesu Keriso ekoitaba emaba fanisi mafisu.

Jonibai We Ma Boroyari Sina 13:8

Ewa nasiniro ibifitaita uwara nesia i buna egi ari emerubai guriguri ufitaitarogo nono i Reka Mamoema moana uwara, Godinu ane ane nesia ubu utawa kowaro, emanu ifu ifu i ba ui Reka Mamoenu me ibene ibene ibeta uwaranu bukaro owawa ue odiba emana i buna egi ari emerubai guriguri da ufitaita.