Afosoro 16:2 - Yareba

² I Risitaini Aikoniamu Godinu sina naueta uwarama Timoti dana kobere amara we imutebita.

Afosoro 16:2 ပူးပေါင်းရင်းမြစ်များ

Afosoro 1:15

I kowaro Fitama uyarite guruguru ubita uwara faiyawere, wani aderedi tueniti (120) emaba wei, masigu, Godinu bukaro wei, enanari ui. Imumu Kotofuma Judasinu ueta nesiaba Deiwidinu bebeturoma wei. I amarama Yesuba do maiba Yesu muta.

Afosoro 13:51

Ane emanu buriro sakai maitusiro i Ju uwarama ema ekoita iwata uta. Foroini Banabasi Anitiyoka suroma Aikoniamu suro anisi.

Afosoro 14:1

Aikoniamu suro ane fasite Ju uwaranu dubu suro amusite Godinu sina bunawere weisi. Weisiro moana Ju uwaraini Guriki uwaraini nautate Godi imuta.

Afosoro 14:21

Debi su uwarabai Yesunu kotofu sina weisiro uwara faiyawere nautate Godi imue naue uta. Duburo Debi su ekoisite owesite Risita suini Aikoniamu suini Anitiyoka su Godinu sina naueta uwarabai ane Godinu sina eno weisi, Godibai ibegou uawe. Awe awe kowa faiyawere uyafiro duburo Godinu yawoeta orofaro aniboita weisi. Eno weisiba i Godinu sina naueta uwarama nautate buna uta.

Afosoro 14:6

Nausite i su sau ekoisite Raikonia orofa su sadeiro anisi. Risitaini Debi suro anisi. I su sadeini i orofa kabesi faiyawere ane iro Yesunu sina we inarebisi.

Afosoro 16:40

Ridianu suro anisite i Godinu sina naueta uwaraba Godinu sina weisite emanu imueta ma kobererau usite natofo su ekoisite anisi.

Firifai 2:22

Nono Timoti ya iwata. Dawana nanu ba amara ari. Dawaini naini Godinu sina we inarebitu.

1 Timotibai 3:7

Godinu sina nautawa uwarama dawa kobere amara webitaro seitanima dawa ma siosa da ufiro dawa da ureifisu. Nanu dubu su yawoeta sina ido.

1 Timotibai 5:25

Enanari moana uwaranu kobere ueta eraitate moana uwaranu kobere ueta erawaro nono Godima i kobere ueta ma boroyafisu.

2 Timotibai 3:11

Uwarama na siosawere utebitaba na neno siosa utebitara. Anitiyoka suini Aikoniamu suini Risita suini i su nesiaro eno utebitaba neno siosa utebitararo i Dera Waria Amarama na durua utebiba ekoita. Ina a iwata utasu.

2 Timotibai 3:15

Godinu kobere sina kikiraturoma iwata utebasu. I sinana Yesu Keriso ma boroyarasuro ana Yesu Keriso imutasuba Dana a ma wirotasu.

Iburu 11:2

I bodere bunawere utebita uwara Godibai nautebitaba Godima emaba kobere uwara webi.