Afosoro 14:4 - Yareba

⁴ I Aikoniamu su uwara imueta daba demuraina me. Moana uwarama Ju uwaranu sina nauta. Moana uwarama afosoro uwaranu sina nauta.

Afosoro 14:4 ပူးပေါင်းရင်းမြစ်များ

Rukanu 2:34

Simionima Merini Jousefa we ma kobererau uite Meriba wei, ewa amakanu ea. Dawa Danu imueta derawere odifisuba moana uwarama ibo uteda Danu imueta da mubitaita. Dawa durua ufisuna moana uwarama Dawa ekodifitaro moana uwarama Dawa naufitate neno kobererau ufitaita.

Joninu 7:43

Enoba i uwarama abanaro saragari uta.

Afosoro 13:2

Mui kowaro iro ibeda guriguri uteda ieta itawa utate ka utaro Godinu Imumu Kotofuma emaba wei, Banabasini Soro mune odiawero Nanu gaukara ufisisi wei.

Afosoro 13:45

Eme faiyawere anitaro moana Ju uwara i eme fefera etate unutawa iba dua sina weitate Foronu we mawetu uetaini wetaini meo weitate i amara sadeina siosawere weita.

Afosoro 13:50

I Ju uwara ema unutawaba ejiwa sina weitaro moana baeta awetaboini emeini nautate Foroini Banabasi natofo su uwarama yowetaro anisi.

Afosoro 14:14

Fataro Banabasini Foro nausite imuteda emanu wadia ma bujebaje usite i uwarabai fare weisi, aneba eno utaita weisi? Wana godi me, wana ba eme, ya ari weisi. Kotofu sina webune yabai farisia weisi. I kotofu sina eno, i ba me godina kodiawete oweawete i me ibene ibene ibeta Godibai aniawe weisi. I ba Godima ureini nasini eneaini ibaiabai nesia ubu ui.

Afosoro 14:19

Moana Ju uwarama Anitiyokaini Aikoniamu suroma i Risita su uwarabai are fatate Foroini Banabasiba wawei weita. Eno woroworo webitaba i uwara nautebe arama utate gebiro mutate Foro sane uta. Eno utaro sakairo urei. Ureiro agero mutate ma youre su baruna wawaro sane oita. Dana uisinua we imutate iba iro sane oita.

Afosoro 14:2

Godinu sina nautawa Ju uwarama dua sina weitaro i aika uwarama nautate i Godinu sina naueta uwaraba ubusi uyata.

Afosoro 14:5

I aika uwaraini Ju uwaraini emanu yawoeta uwaraini i afosoro uwara gebiroma ufitae utaro nausi.

Afosoro 28:24

I uwara Yesu imufitae iba eno uiro moana uwarama naue imue utaro moana uwarama nautawa utaba iba yaranebita.

1 Tesoronaika 2:14

Bodere i Judia orofa Ju uwarama Godinu Judia orofa sisia uwara emana Yesu Kerisoini Danu uwaraba siosawere uta. Awonana yanu moana su uwarama ya Godinu naueta uwaraba enanari siosawere utaita.