Afosoro 13:52 - Yareba

⁵² Godinu Imumu Kotofuma Danu iwata ueta uwarabai ibegou uiro yaru derawere uta.

Afosoro 13:52 ပူးပေါင်းရင်းမြစ်များ

Matiunu 5:12

Yanu moko muneta derawere urero muboitaba yaru derawere uawe. Bodere i uwaranu danatamutuma Godinu we bou ueta uwaraba enanari siosa utebita.

Afosoro 11:29

Agabasima eno weiba i naueta uwara nesia weita, ya nesina oi mafero yanu Judia ibeta naueta uwaraba mafitaita weita.

Afosoro 2:4

Uiro Godinu Imumu Kotofuma tararite i uwara nesianu neno ubarero inune uteda iwata mairo sina aika maika webita.

Afosoro 2:46

Eno utate imueta demuraiba dera dubu su ubarero amutebitate su aika maika ieta ma birabiarebitate ieta yaru bobo nata utebitate Godiba we ma kobererau utebitate uwara nesiaba wesa utebita. Godima moana uwara ma wiroteda i naueta uwarabai odebi.

Afosoro 4:31

Godibai i guriguri ue me sitaro emanu yaubita kabesi wawana wawana uiro Godinu Kotofu Imumu emanu neno ubarero itariba Godinu sina bunawere webita.

Afosoro 5:41

Eno utaro dera mitini ekoitate anita. I uwarana Yesu Kerisonu uwaraba moana uwarama emaba siosawere utebita. Utebitaro Godima bana wiawa afosoro uwaraba kobererau imuiba afosoro uwarama maru utawa yaru uta.

Romani 14:17

Godima ya yawoe arasuna ietaini ogo torowa ifene imutawa utasu. Dawa ya rorowarau ufete wesarau ufete nenoma merau ibifene imutasu. Ina edono, rorowarau uetaini wesarau uetaini nenoma yaru uetaini, Godinu Imumu Kotofuma yabai ibeda i ueta nesia ma boroyarasu.

Romani 15:13

Godi Dawana yanu nauetanu ubi. Dana yaba durua ufiro Dawaba imuegou ufote yaru uteda wesarau ibifoe iba watane. Yana eno uforo Godinu Imumu Kotofuma yaba buna derawere mafiro Godi imuteda Dawa yawoegou ufoe watane.

Romani 5:3

Awona i ueta aika maikama yanu naueta ma siosa ufie utebasu ima yanu naueta ma kima uteibisuba iba jaja utawa ure nudarau uteda yaru derawere utaisi.

2 Korinita 8:2

I uwarabai awe derawere uyariba iba i uwaranu ibetana kimuwere. Emabai ibaiabai derawere mero nono emanu nauetaba yaru derawere uteda emanu ofereni oi derawere matebita.

Gareisia 5:22

Nono Godinu Imumu Kotofuma yanu neno ubarero ibinuna yanu uetana edono, neno arama uetaini nenoma yaru uetaini wesarau ibetaini ibo utawa uetaini kobererau uetaini nata nata uetaini ba uetaini ure nudarau uetaini yanu unu yawoegou uetaini i nesia eno mui tarwatuma i nesia garari da ufisu.

1 Tesoronaika 1:6

Enoba naini nanu uwaranu ueta sineta enanari utebita. Yanu Dera Waria Amaranu ueta sineta enanari utaita. Yana Godinu sina nautebitana moana uwarama yaba siosawere utebitaro Godinu Imumu Kotofuma ya durua utebiba Godinu sina nauegou utate yaru derawere uta.

Jeimisinu 1:2

Nanu naiyemutu nauawe. Urumu uetaini awe uyareta yabai fafisuna yaru uawe.

1 Fitanu 4:13

I awe uyaretaba iya da uyawete yaru uawe. Yana Yesu Kerisonu oferi woureta uruama woufoitaba duburo Danu araetawere faretaba yaru derawere ufoita.