Afosoro 13:16 - Yareba

¹⁶ Weitaro Foroma uyareda age ramamite wei, Isaraero uwaraini Godiba iyaraita uwaraini nanu sina nauawe wei.

Afosoro 13:16 ပူးပေါင်းရင်းမြစ်များ

Matiunu 11:15

Ana anama ome bobona ewa sina nauawe Yesuma wei.

Rukanu 1:22

Sakaraiyama dera dubu su ubareroma wawaro itarite emaba sina webie uite wiawa uiba i uwarama we imuta, dawa tubetube erinu aba we imuta. We imutaro Sakaraiyama wate mu uiba emaba sina wiawa uite agema torowa wanawana ui.

Rukanu 1:50

Ana anama Dawa imuegou ufitaro awona uwaraini nesia neno arama derawere ufisu watane. Danu age bunawere. I siosa imueta sasae bobo uwara ma beratasuro aika maika anaita.

Rukanu 23:40

Eno weiro etei mui amarama dawaba we kakara uteda wei, eno da wia. Ana anu ueta siosaba uitasude Godiba iya uyarasu aba me wei? Eno weite wei, aini naini wana siosawere utuba iba aidoro uitaitu. Nono ewa amarana siosawere utawa ui.

Afosoro 10:2

Koniriasi dana kobere amara. Dawaini danu sisia uwara nesina Godiba kakara uteda iyareda Godi guriguri utebita. Ainewaure i aramawere ibeta Ju gugua gubari me uwaraba ietaini ibaiabai matebite Godibai guriguri utebi.

Afosoro 10:35

Anama Godi iyareda Danu ueta utasuna Godima i amara kobere amara weda imutasu.

Afosoro 12:17

Weitaba Fitama age ramamiro weroroka ekoita. Ekoitaro Fitama danu ana eba suro ibiro aneruma dawa iroma wawaro woure amo odi sina wei. Weite emaba wei, Jeimisini i naueta uwaraba ewa sina wiawe weite ema ekodite mui orofaro ani.

Afosoro 13:26

Foroma wei, nanu kaka nabue, ya Eibaramunu sisia uwaraini ya Godiba iyaraita uwaraini nauawe wei. Godima ewa ma wiroeta sina yabai siaia uiro arinu wei.

Afosoro 13:46

Eno weitaro Foroini Banabasima iyarawa usite weisi, Godi Danu unuba i sina yabai ko waitu. Awona Godinu sina mu sanaitate yanu torowa koto utaitaba Godinu me ibene ibene ibeta da muboita weisi. Eno utaitaba i aika uwaraba webutu weisi.

Afosoro 19:33

Enoba moana Ju uwarama Arekisana ma berabera utaro i uwaranu iboro ane inari. Iro ane inarite i uwaraba moko sina webie age ramamiro i uwarama dana Ju amara etate sina derawere weita, Efesa sunu Daiena dana derawere weita. Weitate i sina fefera webitaro kowa ane serigari ui.

Afosoro 2:14

I nautebita uwarama eno weitaba Fitaini i amara ireweni (11) ido uyatate Fitama wei, nanu Ju uwaraini Jerusaremu suro yaubinita uwara nesia, nanu sina nauegou uawe wei.

Afosoro 2:22

Fitama i uwaraba eno weite nono emaba wei, Isaraero uwara nanu sina nauawe wei. Yesu Nasareta Amaraba watane wei. I Amara Godima muniro ya nesia Danu neno kirifu uetaini Danu buna uetaini Danu ueta nesia eta. Godima yaba i ueta Yesubai uiro ereda iwata uta.

Afosoro 21:40

Eno weiro dera ami yawoeta amarama wei, anu sina wiaro naufita wei. Weiro Foroma adiro amo inarite age ramamiba weroroka ekoita.

Afosoro 22:22

Foro i aika uwarabai eno webina i guruguru ubita uwara nautate nono weita, danu yabai ibetana aramawere uaro uifi weitate emanu wadia ma buruburu uteda konua mutate urero sata.

Afosoro 3:12

Fataro Fitama wei, Isaraero uwara aneba neno kirifu uitate igera utaita wei? I amaranu buri wanu bunaini kobererau uetama ma nabi uitu eno we imutaita wei?

Jonibai We Ma Boroyari Sina 2:11

Enoba anama ome bobona Godinu Imumu Kotofuma dubu su uwaraba wasu sina nauegou ufi. Ana anama ibeda i siosawere ueta serigari ufitaitana i dubu uietama ema da mubisu watane wei.

Jonibai We Ma Boroyari Sina 2:17

Anama ome bobona Godinu Imumu Kotofuma dubu su uwaraba wasu sina nauegou ufi. Ana anama ibeda i siosawere ueta serigari utebitaba emaba i kiwuma ibinu mana ieta mamaro ifitaita. Nana emaba mui inakeowere gebiro demui demui mamau. I gebirorona emanu reka ifu odimaro nono i ifu mui amara dawa iwata me. I mubisu amara danu torowama dawa iwata ufisu watane Dana eno wei.

Jonibai We Ma Boroyari Sina 2:29

Yana ome bobona Godinu Imumu Kotofuma i dubu su uwaraba wasu sina nauegou uawe watane Dana eno wei.

Jonibai We Ma Boroyari Sina 2:7

Enoba anama ome bobona Godinu Imumu Kotofuma dubu su uwaraba wasu sina nauegou ufi. Ana anama ibeda i siosawere ueta serigari utaitaba emaba kobererau umate Godinu waiyaro waratasu wiroeta ana danu tai mumate emaba mamaro ifitate me ibine ibine ibifitaita watane wei.