Afosoro 13:1 - Yareba

¹ Anitiyoka suro naueta uwara ibebita. Emabai Godinu we bou ueta uwaraini tisa uwara ibebita. Emanu ifuna Banabasini Simioni, danu mui ifu Naiga, dawaini Rusiasi, dawa Sairina su amara, dawaini Manaeni, Erodinu dabue, dawaini Soroini, i uwarama emabai ibebita.

Afosoro 13:1 ပူးပေါင်းရင်းမြစ်များ

Matiunu 27:32

Anebitana Sairina orofa amara danu ifuna Saimoni ido fariro atate yabai ara weita. Ewa amaranu korosi woua weitaba wouri.

Rukanu 3:1

Taibiriasi Sisa, Romani gaemani dera yawoeta amara, dawa oya fifitini (15) i orofa nesia yawotebi. Danu botai yawotebi oya fotini (14) me siniro dubu oya yawotebina Godima Danu sina Jonibai siaia uiro dawabai tarari. Joni Sakaraiyanu amara, dawa eme ibawa orofaro ibebiro Godinu sina dawabai tarari. I kowaro Faeratina Judia orofa yawotebi. Erodima Gareri orofa yawotebi. Erodi danu dabue Firifima Aituriaini Turekonaitini orofa yawotebi. Risaniasima Eibirina orofa yawotebi. Einasini Kaiyafasini ema i dera fuyo ode sina weta gaukara utebisi.

Afosoro 11:30

Weitate oi mataro Banabasini Soroma musite i Judia naueta uwaranu yawoeta uwaraba ane masi.

Afosoro 12:25

Banabasini Soro emanu gaukara ue me sisite Jerusaremu suroma owesite aneda Joni Maka emaini woure anisi.

Afosoro 13:9

Eno weiro Imumu Kotofuma Sorobai ibegou uiba Soro danu mui ifu Foro, dana i wada barau amara erebe ero ite wei, ana seitaninu amara. Ana kobere uetaba wasai amara. Anu imuetana ba me, irueta imuetana torowa. Godinu kotofu sina weta daba aneba ma bebeu ue garari ufae utasu? Eno ueta kodia wei.

Afosoro 15:35

Foroini Banabasima Anitiyoka suro ibeda emaini moana Godinu sina naueta uwarama Godinu sina weda we mawetu utebisi.

Afosoro 21:9

Firifi danu karu arumami fo (4). I arumamina awerasi munawa me karu ibeda Godinu sina fo webita.

Afosoro 4:36

Mui Riwai amara danu ifu Jousefa danu orofa Saifurasi, i afosoro uwarama i amara Banabasi webita, i ifunu ubina we ma nabi ueta amara.

Afosoro 9:1

Soro ibo uteda Yesunu naueta uwaraba ba me utebi. Uite botai dera fuyo ode sina weta amarabai anite wei, owawa mairo Damasikosi Ju uwaranu su suro animate i naueta uwara emeini awetaboini nesia budari umate mune Jerusaremu suro famau wei. Eno weiro owawa eno ue mairo woure ani.

Romani 16:21

Moana uwaranu ario sina wemaro nauawe. Nanu gaukara uruama utasu amara Timoti dana yaba ario sina wasu. Rusiasini Jesonini Sosifataini emana yaba ario sina waita. Ema nesiana nanu su uwara.

1 Korinita 11:4

Enoba mui amarama dubu suro guriguri ufie uteda aba Godinu sina webie uteda kofiri garari ufisuna dawa Yesu Kerisoba kakara da ufisu.

1 Korinita 13:2

Nana we bou umate kiwuma imueta nesia iwata umate derawere imuegou umate maidani ania wemaro anibisu, eno umate nono neno arama da umauna nana derawere me, nana me ari.

1 Korinita 13:8

I neno arama uetana da me sibisu. I we bou ueta sinana me sibisu. I kamama sina aika maika wetana me sibisu. I iwata uetana me sibisu.

1 Korinita 14:29

Ya guruguru ufoitana Godinu sina we bou ueta uwara sadei aba rarogonu demui demui webitaro ya nesia emanu sina imuegou ufoe watane.

1 Korinita 14:32

Godinu sina we bou ueta uwarama i we bou ueta maeta yawoegou uteda me sara wiawa utaita.

1 Korinita 9:6

Moana uwarama yabai Godinu gaukara uteda ieta me itaita. Nono Banabasini naini wanu torowa yabai ieta me itawa, wanu ieta oiya ue itaitu. Aneba eno waitaro utaitu?

Gareisia 2:13

Dawa eno uiro i Ju uwara nesia enanari meoma utaba Banabasima emanu meoma ueta enanari ui.

Gareisia 2:9

Jeimisini Fitaini Jonini emana i dubu su dera yawoeta uwara. Ema Godima Fitaini naba buna maeta ido iwata uteda naini Banabasini wanu age mamitate weita, ya sadeina i aika ofe turawa uwarabai ane Godinu sina wegou uawaro nono yana i ofe tureta Ju uwarabai ane webe weita.

Efesa 4:11

Danu aika maika me maeta bunana edono, moana uwaraba afosoro gaukara ueta mai. Moana uwaraba we bou ueta gaukara mai. Moana uwaraba Godinu sina weta gaukara mai. Moana uwaraba dubu su yawoeta we mawetu ueta gaukara mai.

Firifai 4:22

I naueta uwaraini nono i gaemani yawoeta amara, Sisa, danu suro gaukara utaita naueta uwaraini ema nesia yaba ario sina waita.

1 Tesoronaika 5:20

Godinu sina webitaitana i sinaba da irue wiawe.