Afosoro 12:7 - Yareba

⁷ Ainibiro Godinu aneruma dibura su ubarero farina ario derawere ui. Aneruma Fitanu manamaro fare urite agero munite ma uyareda uya wei. Weina seni uregari uite itari.

Afosoro 12:7 ပူးပေါင်းရင်းမြစ်များ

Matiunu 2:13

I uwarama ane me sitaro Godinu aneruma Jousefabai tuberoma farite wei, uyate i kuitaini Danu danua muate Ijifi orofaro sau ania. Erodima i kuita dobere ma uifie utasuba iro ane ibiaro Nana wemaro nono owere ara wei.

Rukanu 2:9

Yawotebitana Godinu aneruma emabai fariro Godinu araetama ario derawere ari i mamoe yawoeta uwara ario uiba i uwara iya derawere uyata.

Rukanu 24:4

I awetaboma inaibeda imutebitana inakeowere wadia bobo amara sadei emabai ido inaibisi.

Afosoro 10:30

Eno weiro Koniriasima wei, i auboko kowaro yawi sinebiro guriguri uteda yaubitararo mui aneruma fare wei, Koniriasi, Godima anu guriguri uetaini kobere ueta nesia ere naue utasu. Enoba anu suroma moana uwara siaia uaro Jafa suro anibitate i amara Fita dawa i mui egi ofe faureta amara Saimoninu su enea gigiraribai iro ibinu webitaro abai afi weiya wei.

Afosoro 12:23

Weitaro emaba kodiawe wiawa uite emanu sina naufie uiba Godinu aneruma fanisi mairo kiki tabairaratuma danu yajiwa ie me sitaro Erodi ui.

Afosoro 12:6

Erodima Fita waidumu wemaro ane woufitaita we imui. I dumuro Fita senima buri age uwane taritaro Fitama meremere amara sadeinu abanaro nauta ainibi. Mui amara sadeima kasimubai inaibeda yawotebisi.

Afosoro 12:8

Itariro aneruma wei, anu wadia yuate sadoro odia. Weiro eno uiro aneruma wei, anu dei wadia baruate nanu buribi ara wei.

Afosoro 16:26

Soni webisina sakai wawana wawana derawere uiro dibura su wawana wawana uiba dibura su kasimu nesia ifegari utaro i dibura uwaranu seni nesia kokosugari utate itata.

Afosoro 2:24

Uiro Godima ma uyariba Dawa nono da uifite me ibene ibene ibeibiro uietama Dawa da mubisu wei.

Afosoro 5:19

Oitaro dumuro Godinu aneruma ana eba sunu kasimu ma erearite i uwara woure wawaro fare ani.

Afosoro 9:3

Damasikosi orofaro anebiro ario derawere ureroma tararite dawa wokuku uiro Soro ido sakairo urei. Ureiro ureroma sina tararite wei, Soro, aneba Naba ba me utasu wei?

Efesa 5:14

Enoba mui amarama i sina eno owawa ue odi, nauta ainibinu amara uya. I uieta uwarabairoma uyaro Yesu Kerisoma a ma ario ufi, eno owawa ue odi.

Iburu 1:14

Enoba i aneruna ane ari? Emana Godinu gaukara ueta imumu torowa. Godima ema siaia utasuro anaitate Godinu wiroeta mubitaita uwara durua utebaita.

Jonibai We Ma Boroyari Sina 18:1

Nana nono erena mui aneru ureroma tarariro ere. Godima dawaba buna derawere mairo danu arioma ewa nasini nesia ario ui.