Afosoro 12:4 - Yareba

⁴ Weiro anitate Fita budari utate mune ana eba suro oita. Oitaro Erodima weiro meremere uwara faiyawere nesia sikisitini (16) dawa yawota. Erodima eno we imui, Godima Isaraero uwara Ijifiroma woure aneta ogaro me sibiro Fita i Ju uwaranu iboro woure odimate ma uimau we imui. Eno we imuiro Fita diburaro oitaro ibi.

Afosoro 12:4 ပူးပေါင်းရင်းမြစ်များ

Matiunu 24:9

Ina eno ufisuna emema ya siosawere ufitae uteda budari ufitate ma uifitaita. Yana Nanu sina naufoitaba eme nesia yaba neno ka ufitate iba eno ufitaita.

Matiunu 26:5

Ane fatate weita, i uwarama ibo uotote yaini uraotoba i ogaro kowaro Yesu da mubeisi weita.

Makanu 14:1

Godima i Isaraero uwara Ijifiroma woure ani ogaroini wawareta ira yisiti me buredi ogaro kowa sadei fafiro iteibitaitaba dera fuyo ode sina weta uwaraini tarawatu tisa uwarama Yesu kiwuma mubitae utate Yesunu ma uieta daba we turebe weita, ogaro kowaro da budari ufeisi weita. Eno uoisiro uwara nesia emanu emanu aika ibo uotote uraotoa weita.

Rukanu 21:12

Yesuma eno weite wei, botai ko uwarama ya mune siosawere ufitaita. Ya Ju uwaranu dubu su yawoeta uwaranu age duro odifitate diburaro odifitate dera kini uwaraini gaemani yawoeta uwarabai Nanu ifuba woure odifitaita. Eno ufitaitana i kowaro Nanu sina weboita.

Rukanu 22:33

Weiro Fitama wei, Dera Waria Amara, Aini diburaro animau. Aini ba uimau wei.

Joninu 19:23

I ami uwarama Yesu korosiro oitate Yesunu wadia mune nata nata utate kabesi fo (4) ode ode uta. Ami uwara foma (4) Yesu korosiro oitaba iba eno uta. Danu dei baruetaini mutaro nono i dei baruetana kobere wadia, abanaro fifinu ueta me. I wadia deiroma wowonaro rorowarau ubu uiba i ami uwarama we mataneda weita, ewa wadia da ma babafete kasi waribo ufero anama mubisu weita. Godinu bukaroma wasu sina enanari ufisuba iba eno uta. Godinu bukaroma wasu, Nanu wadia mune nata nata ufitate Nanu dei baruetaba kasi waribo ufitaita, eno wasuba iba i ami uwarama enanari uta.

Joninu 21:18

Yesuma eno weite nono wei, Nanu ba sina wemaro naua wei. A reka amara sinite inareda anu wadia baruite anu unu daba aboro aboro anibae uite enanari ui wei. A ofe kimu sibate anu age sabaro mui amarama anu ofero wadia ma barufite anu agero maibite anu unu dabana me, danu unu aika dabaro a woure anibisu wei.

Afosoro 12:5

Iro ibiro iba i naueta uwarama Fitaba Godibai guriguri utebita.

Afosoro 4:28

I ueta nesia Ana bodere ufitae wei enanari uta.

Afosoro 8:3

Soroma i naueta uwaranu su suro anite uwara budari uite emeini awetaboini budari uite ana ebaro mune ane odi.