Afosoro 10:3 - Yareba

³ Mui kowaro, yawi sinono uiro yaubebe tubetube eri. Erina aneruma dawabai farite wei, Koniriasi.

Afosoro 10:3 ပူးပေါင်းရင်းမြစ်များ

Matiunu 27:46

Kowa ane abanaro siniro Yesuma derawere wei, Irai, Irai, rama sabatani, i sinanu ubina Nanu Godi, aneba Na ekodinu? Yesuma eno wei.

Rukanu 1:11

Sakaraiya ido inaibebe erina Godinu aneru bonana ina gibori kaiyo banibira afuro bodere inaibinono inaibiro eri.

Rukanu 2:13

Eno weina ido buna aneru faiyawere i anerubai fatate Godi we ma kobererau utate weita, Godinu ifu ma derawere ufeisi weita. Ana anama Godinu sina naufitaitana Danu wesa mafiro merau ibifitaita.

Afosoro 10:17

Eno uiro Fita iwawa uteda yaubi. Yaubina i amara rarogonu ido fatate weita, Saimoni Fita ewado yaubinu aba me weita?

Afosoro 10:19

Weitaro Fitama danu tubetube eri i imutebina Godinu Imumu Kotofuma wei, Nana siaia ue amara rarogonu abai ido farita, emabai taniate emaini ania wei.

Afosoro 10:30

Eno weiro Koniriasima wei, i auboko kowaro yawi sinebiro guriguri uteda yaubitararo mui aneruma fare wei, Koniriasi, Godima anu guriguri uetaini kobere ueta nesia ere naue utasu. Enoba anu suroma moana uwara siaia uaro Jafa suro anibitate i amara Fita dawa i mui egi ofe faureta amara Saimoninu su enea gigiraribai iro ibinu webitaro abai afi weiya wei.

Afosoro 10:9

Anebe abanaro ane aita. Wau uriro uyatate anita. Anebitana kowa otoro Fitama su deiro guriguri ufie amui.

Afosoro 11:13

Amusiro i amarama wei, aneruma nabai farite wei, moana uwara wiaro anibitate Jafa suro Saimoni, danu mui ifu Fita, woufitate afita.

Afosoro 27:23

Ewa dumuro Godinu aneru nabai farinu wei. I Godi, na imuegou utatane wei.

Afosoro 3:1

Mui yawiro guriguri kowa fariba Fitaini Joni dera dubu suro anisi.

Afosoro 5:19

Oitaro dumuro Godinu aneruma ana eba sunu kasimu ma erearite i uwara woure wawaro fare ani.

Afosoro 9:10

Godinu mui naueta amara Ananaiasi dawa Damasikosi suro ibebi. Iro i amara Ananaiasi ainibebe tubetube erina Yesuma wei, Ananaiasi, weina na ewado wei.

Iburu 1:14

Enoba i aneruna ane ari? Emana Godinu gaukara ueta imumu torowa. Godima ema siaia utasuro anaitate Godinu wiroeta mubitaita uwara durua utebaita.

Iburu 1:4

Yesuma eno uiba Godima Danu Amarana derawere we odite i aneruba otowaratu we odi. Enanari Danu ifu derawere mamite emanu ifu otowaratu mami.