Afosoro 10:2 - Yareba

² Koniriasi dana kobere amara. Dawaini danu sisia uwara nesina Godiba kakara uteda iyareda Godi guriguri utebita. Ainewaure i aramawere ibeta Ju gugua gubari me uwaraba ietaini ibaiabai matebite Godibai guriguri utebi.

Afosoro 10:2 ပူးပေါင်းရင်းမြစ်များ

Matiunu 25:17

Enanari i tu tausani kina muni amarama mui tu tausani kina deiro odi.

Rukanu 18:1

Yesuma eme guriguri uteibitate da ekodifitae iba ewa kasei sina emaba wei, mui suro koto dera yawoeta amara dawa Godini emeba iyarawa ue me ibebi.

Rukanu 2:25

I kowaro mui amara, danu ifuna Simioni, dawa Jerusaremu suro ibebi. I amarama iro ibeda Godi imuteda gaukara rorowarau utebi. Dana ya Isaraero uwaranu ma wiroeta efie uteda ibebi. Godinu Imumu Kotofuma auboko dawaba wei, ana da uifate Godinu we bou ue odi Keriso efate duburo uifasu wei.

Afosoro 10:22

Weiro weita, yanu kafiteni amara Koniriasima a woufete anibero anu sina naufie wenuba abai farisia weita. Aneruma Koniriasibai a are woureta sina weiba iba farisia weita. Yanu kafiteni amarana kobere amara dawa Godibai guriguri utebasu. I Ju uwarama dawa kobere amara eno we imutaita weitaro nauite Fitama i amara rarogonu bana weiro dawaini aita. Wau uriro anita. I amara rarogonuini Fitaini moana Jafa naueta uwaraini nesia anita.

Afosoro 10:35

Anama Godi iyareda Danu ueta utasuna Godima i amara kobere amara weda imutasu.

Afosoro 10:4

Eno weiro dawa iya derawere uyareda wei, aneba farinu wei? Weiro aneruma wei, Godima anu guriguri uetaini kobere ueta sineta nesia erinute Dawa a kobere amara erinuba na siaia usinuro fanea wei.

Afosoro 10:7

Aneru ido aniro Koniriasima weiro danu gaukara amara sadeini danu meremere amara danu dawa yawotebi amara dawa Godinu mui naueta amaraini dawabai fataro i aneruma dawabai wei i sina emaba weite Jafa suro siaia uiro anita.

Afosoro 11:14

Afitaro sina webiro naufote wirofoita wei.

Afosoro 13:16

Weitaro Foroma uyareda age ramamite wei, Isaraero uwaraini Godiba iyaraita uwaraini nanu sina nauawe wei.

Afosoro 13:26

Foroma wei, nanu kaka nabue, ya Eibaramunu sisia uwaraini ya Godiba iyaraita uwaraini nauawe wei. Godima ewa ma wiroeta sina yabai siaia uiro arinu wei.

Afosoro 13:50

I Ju uwara ema unutawaba ejiwa sina weitaro moana baeta awetaboini emeini nautate Foroini Banabasi natofo su uwarama yowetaro anisi.

Afosoro 18:8

Kurisifasi, dawa i Ju uwaranu dubu su yawoeta amara, danu suro ibeta uwara nesiaini moana Korinita uwaraini emanu naueta Yesubai oitate emabai babataito uta.

Afosoro 2:5

Jerusaremu suro naueta Ju uwara faiyawere yaubita. Mui orofa atataroma fatate yaubebe i rurua nautebitaba iro anitate emanu aika maika sina tanana naue naue utate neno kirifu derawere uta.

Afosoro 22:12

Iro ane farero mui tarawatu yawoegou ueta amara, Ananaiasima nabai fari. I Ju uwara nesina Ananaiasiba weita, dana kobere amara webita. I amarama nabai farite wei, kaka Soro diti ea wei. Eno weiro daido i amara ere wei.

Afosoro 9:11

Weiro Yesuma wei, uyate ane daba rorowarau ane Judasinu su ubarero amua. I suro amuate i Tarasu su amara Soro aboro wia wei. Soro iro ibeda guriguri utasuba dawa atafasu wei.

Afosoro 9:31

I kowaro Judiaini Garerini Samaria orofaro ibeta naueta uwarama merau ibeda wesarau ue ibebita. I kowaro eno ibebitaro emanu naueta derawere ui. I naueta uwarama Godiba we ma kobererau utebitaro Godinu Imumu Kotofuma ema durua utebiba eme faiyawere Godinu sina nautebitaba i naueta uwarabai ane taka utebita.

Afosoro 9:36

I kowaro mui naueta wabu aweta Tabita (danu Guriki ifuna Dokasi) Jafa suro ibeda kobere ueta sineta faiyawere utebi. Kobererau uteda, ieta nata nata utebi.

Korose 4:2

Ya uwara nesiaba wemaro nauawe. Guriguri me sara da uawete eregou uteda rorowarau uawete yanu imueta yawoteda Godibai we ma kobererau uawe.

1 Tesoronaika 5:17

Ainewaure guriguri utebeawe. Ane ane yabai utasuna Godi we ma kobererau utebeawe. Yana Yesu Kerisonu uwaraba Godima ya eno ufoe wasu.

Jeimisinu 1:5

Mui iwata me amara dawa Godibai wenauefiro Godima dawaba iwata derawere mafisu. Emema Godibai ane ane wenauefitaitana Godima ibo da ufite aneba wenaueraita eno da webite emaba nesia maegou ufisu.

Jonibai We Ma Boroyari Sina 15:4

Yanu Waria Godi eme nesia Aba kakara uteda Anu ifu we ma derawere utaita A torowa kobererau. I orofa atata uwara nesia Anu rorowarauini ba ueta eraitaba Abai afitate guriguri ufitaita, i soni eno munebita.