Afosoro 10:11 - Yareba

¹¹ Erina ure eba ui. Uiro erina wadia derawere koru ubu uite odiro tarari. Tarariro Fitama egi ibo aika maika nesia koruro eri.

Afosoro 10:11 ပူးပေါင်းရင်းမြစ်များ

Matiunu 8:11

Yaba watane, eme faiyawere kowa amueta afuini kowa itareta afuini ure yawoeta orofaro fafitate Eibaramuini Aisikini Jeikofuini kaiyobai yaubeda ieta ifitaro nono i Ju uwara, i ba urero yawoeta kabesi mubitae utaita uwara, Godima ema wawa, i dumuwere kabesiro mu sabiro iro emanu nio bijari uteda i webitaita wei.

Rukanu 3:21

Jonima i uwara nesia babataito ue me sinite Yesu babataito uiro Yesuma guriguri uteda webina ure eba ui. Ure eba uiro Godinu Imumu Kotofu, ubani gasira ari, Dawabai tarariro ureroma sina tararite wei, A Nanu Amara ubiba Nanu neno Abai ibinuro yaru utatane wei.

Joninu 11:52

I we bou uetana Ju uwara torowaba wiawa ui. Wiawa uite Godinu arumami adarabu aboro aboro ema nesiaba uifite Dana uwara nesia mune uwara demurai odifisu).

Joninu 12:32

Na korosiro odifitaroma eme nesia we ma youre fare Nabai odimau wei.

Afosoro 10:12

Boro, warai, kuike, kariri gasira, towi, nesia koruro ibitaro eri. Eno eriro mui wate iroma wei, Fita uyate i egiana uate ia wei.

Romani 1:16

Nana Godinu weta kobere sinaba maru utawa utatane. I sinana Godinu buna derawere sina. I buna sinama i nautaita uwara ma wirotasu. I Ju uwara ma wirotasute nono duburo emanu buribi i Ju me aika uwara ma wirotasu.

Romani 9:4

Emana Ju uwara Godi Danu adarabu sibitae ema Danu torowabai ma taka uteda we mune odi. Eno we mune odite Danu kobere araeta emaba nata nata ui. Eno uite Danu unuro ue matanetaini dera dubu suro ba guriguri uetaini we bou ueta tarawatu emaba mai.

Gareisia 2:15

Aini naini wana i aika siosa utaita uwara ari mero wana ba Ju uwara. Nono wana eno imutaitu, i tarawatuma eme ma kobererau utawaba wana i tarawatu uegou utute Yesu Kerisoma wa ma kobererau uteda Godinu iboro ma inafiro efie iba wanu naueta Yesu Kerisobai oitu we.

Gareisia 3:28

Eno utaba yabai Ju uwarana me, Guriki uwarana me, sabua ueta uwarana me, sabua utawa me uwarana me, me emena me, awetana me, ya eno ari me. Yana Yesubai ibinitaba yana demurai ari. Yana arotorowa.

Efesa 1:10

Godinu imuetana edono, i dubu fafisu kowaro Godima nesia i urero ibaiabaini ewa nasiniro ibaiabaini ya uwaraini i nesia ma aine odifiro Yesuma daido yawofisu.

Efesa 3:6

I kiwuma imuetanu ubina edono, i aika uwarama Godinu kobere sina nautaitaba Godima emaini Ju uwaraini ema nesia ma kobererau utasu. I aika uwaraini Ju uwaraini ema nesia Yesu Kerisonu ofero demurai uwara. Idoba Godima Yesu Kerisoro we bou ui. I we bou ueta nesia ya uruama munaita.

Korose 3:11

Yabaina uwara aika maika me. Yabaina Guriki uwaraini Ju uwaraini me. Yabaina ofe tureta uwaraini ofe turawa uwaraini me. Yabaina aika emeini oiro me ibeta uwaraini me. Yabaina sabua ueta uwaraini sabua utawa ueta uwaraini me. Yabaina Yesu Keriso Dawa derawere. Dana ya nesia ma arotorowa uteda yanu nenoro ibebasu.

Jonibai We Ma Boroyari Sina 11:19

I sina we me sitaro Godinu urero dera dubu su kasimu ma ereariro erena i unuro ue matanetanu bogesi wabararo ibiro ere. Nana erena bida mamebiro rurua derawere webiro ure gururu gururu webiro nasini dumu farebiro aisi ureroma tararebi. kasimu ma erearirini dumu farebiro aisi ureroma tararebi.

Jonibai We Ma Boroyari Sina 19:11

Nana nono erena ure eba uiro inakeowere osi egi iro ibiro ere. Nana erete nono erena mui Amara danu ifuna gaukara uegou uetaini sina rorowarau weta. I Amarama osi deiro yaubeda Danu koto uetaini Danu uranetaini rorowarau utasu.

Jonibai We Ma Boroyari Sina 4:1

I nesia ue me siniro na Joni nana tubetuberoma erena urero kasimu ereare ibiro ere. Botai i tawuyo ubutebaita rurua ari wate naue enanari nono eno wei, Nabai mararo aba duburo fafisu ememetu mawetu uma eno wei.