2 Tesaronaika 2:3 - Yareba

³ Moana uwarama ya irufitaitana emanu sina da nauawe. I kowana me sara da fafisu. I kowa fafie ufisuna eme faiyawere Godi ekodifitate siosawere ufitaro i ba me ueta sineta amara, i siosawere kabesiro anibisu amara ido botai fafisu.

2 Tesaronaika 2:3 ပူးပေါင်းရင်းမြစ်များ

Joninu 17:12

Ana Naba mai uwarabai ibebe ema Nanu bunama yawoegou utebitara. Eno yawoegou utebitararo moana fearawaro i Godinu bukaroma wasu amara, i uitawa ina kabesiro anibisu amara, dawa torowa fearinu. Idoro Godinu bukaroma wasu enanari ufisu watane wei.

1 Korinita 6:9

I siosawere utebaita uwarama Godinu yawoeta orofaro da anibitaita. Yanu torowa da iruawe. Nanu sina ewado eregou uawe. I dita yagera fareta uwara Godinu yawoeta orofaro da anibitaita. I ba me godi siboro ueta uwaraini i mui awetanu buribi aneta uwaraini i sasae ueta awetaini i amara sadeima udiri ue matanaita uwaraini i aweta sadeima udiri ue matanaita uwaraini waira ueta uwaraini i ibaiabai derawere muneibitae ueta uwaraini i kimu meo wawei weta uwaraini sina siosawere webaita uwaraini i meo wawei webaita uwaraini i uwara nesia Godinu yawotasu orofaro da anibitaita.

Efesa 5:6

Emenu siosawere irueta sina da nauawe. Enoba Godima Dawabai gifena utaita uwaraba ibo derawere ufite fanisi mafisu.

1 Joninu 2:18

Nanu aruma amara, i dubu kowa fafie utasu. Wasai keriso fafisu sina nauta. Awonana wasai keriso faiyawere faraitaba i dubu kowa ido fafie utasu iwata utaisi.

1 Joninu 4:3

Godinu Imumu Kotofu me uwarama eno waita, Godinu Amara Yesu Keriso Dawa ba eme sinawa waitaba emanu sinana Godibairoma farawa ui. I imuetana wasai kerisonu imueta. Wasai kerisonu imueta wenero nauita. Ina ewa orofaro ido fare ibinu.

Jonibai We Ma Boroyari Sina 17:11

Nono i bodere me ibebe nono ibawa utasu buna egi dana i kini sewenibai mui kini. Dana emabairoma anibiro dawa ma siosa ue me sibisu.

Jonibai We Ma Boroyari Sina 17:8

I erinu buna egi dana bodere ibebe nono awona ibawa utasu. Dana i nasini yafawere ebaroma nasiniro sau amufite anibiro Godima dawa ma siosa ue me sibisu. I nasiniro ibifitaita uwara, i uwara emanu ifu ifu i me ibene ibene ibeta uwaranu bukaro owawa ue odawa ui. I uwarama i buna egi dana bodere ibebe awona ibawa utasute nono duburo nono fafisu, i uwarama dawa ereda neno kirifu ufitaita wei.