2 Tesaronaika 2:1 - Yareba

^1-2 Naiyemutu, yanu Dera Waria Amara Yesu Keriso nono owere ewaro fafiro Danu iboro inafeisi. I sina wemaro nauawe. Yanu Dera Waria Amaranu kowa farinu waitaba da nauawete neno siosa da uawe. Moana uwarama Dera Waria Amaranu fafisu kowaba we bou utaisiba iba waisi webitaita aba ewa owawa Foroma siaia usinuba yawitaisi webitaitana ina ba sina meba da nauawe.

2 Tesaronaika 2:1 ပူးပေါင်းရင်းမြစ်များ

Matiunu 16:27

I Ba Eme Sini Amaraini Danu aneruini ema Danu Damamanu bunaini araetaro fafisuna uwara nesia ane ane utaitaba emaba enanari moko mafisu wei.

Matiunu 16:28

Yaba ba wemaro nauawe. Moana ewado inaibinita uwarama da uifitaro i Ba Eme Sini Amara Danu yawoeta orofaroma ido fafiro efitate nono uifitaita Yesuma wei.

Matiunu 24:31

Dawa fafite areda Danu aneru siaia ufie tawuyo ubufiro anibitate Danu muneta uwara kowa amueta afuro kowa itareta afuro ufuniro manamaro aboro aboro nesia ane mubitaita wei.

Matiunu 25:32

Ido yaufiro i orofa atata uwarama Danu iboro fafitate inafitaita. Inafitaro ema ma saragari ufisu. Mamoe yawoeta amarama danu mamoeini goutini ma saragari uteda aika maika odasu enanari i Ba Eme Sini Amarama i mamoe ari uwara Danu banibira age afuro odifite i gouti ari uwara Danu ewani age afuro odifisu.

Makanu 13:27

Dawa Danu aneru siaia ufiro anibitate kowa itarasu iroma kowa amutasu iroma ufuniro manamaro aboro aboro ure nasiniro Danu we mune odi uwara nesia mubitaita wei.

Romani 12:1

Naiyemutu nauawe. Godima yaba ure nudarau ue neno arama utasuba yanu ofe me ibinu kakara fuyo oeta ari Godibai odiawero mubite yaru ufi. Ina yanu kobere ba guriguri ueta ari.

Efesa 1:10

Godinu imuetana edono, i dubu fafisu kowaro Godima nesia i urero ibaiabaini ewa nasiniro ibaiabaini ya uwaraini i nesia ma aine odifiro Yesuma daido yawofisu.

1 Tesoronaika 2:19

Yanu Dera Amara Yesu fafiro Danu iboro inafeisi. I kowaro anema naini nanu uwara ma yaru ufisu? Aneba sina derawere webeisi? Yanu moko ane? Yanu mokona yaini Godinu naueta uwara iba yaru ufeisi.

1 Tesoronaika 3:13

Eno ufoitana yanu Baba Godima yanu neno ma kimu ufisuba duburo yanu Dera Waria Amara Yesuma Danu uwara nesia woure afisuna yabai kerere mero yanu imuetana roatarau. Ya kobererau imuteda yanu Baba Godinu iboro kerere me inafoita.

1 Tesoronaika 4:1

Naiyemutu, nanu mui sina ewado eawe. Yanu Dera Waria Amara Yesuma buna masinuba ya Tesaronaika uwaraba mui buna sina webete we kakara ufene watane. I sina edono, Godi Danu unu ueta yaba weisina enanari uteda kobererau ibebita. Awonana deiro deiro eno uegou utebeawe.

2 Tesaronaika 1:3

Naiyemutu, yaba we ma kobererau utebaisina ina kobererau. Godi imueta faiya faiyawere imutaitate ya neno arama faiya faiyawere ue matanaitaba iba Godibai yaba we ma kobererau utebaisi.

2 Timotibai 4:1

Yesu Keriso Dawa fafite Danu yawoeta orofa ma uyafisuna Dawa uwara nesia, uieta uwaraini me ibifitaita uwaraini koto ufisu. Dawaini Godinu iboro inaibeda aba sina bunawere wemaro naua.