2 Tesaronaika 1:9 - Yareba

^9-10 I uwarama i siosawere kabesiro ane me ibene ibene ibeda yanu Dera Waria Amaranu ibo nawata nono da efitaita. Yesu ido fafiro i uwarama Danu kobere araeta bunawere da efitaro Yesunu kobere naueta uwarama torowa Dawa efitaita. I kowaro Godinu naueta uwarama Yesu Kerisonu ifu we ma derawere ufitaro Danu naueta uwara nesia emana Dawaba raga webitaro emanu sina naufie fafisuna yaini Danu sina nautebitaba Dawaini fafoita.

2 Tesaronaika 1:9 ပူးပေါင်းရင်းမြစ်များ

Matiunu 16:27

I Ba Eme Sini Amaraini Danu aneruini ema Danu Damamanu bunaini araetaro fafisuna uwara nesia ane ane utaitaba emaba enanari moko mafisu wei.

Matiunu 22:13

Wate mu uiro kini amarama mui ogaro yawoeta amaraba wei, danu buri age uwane tariate dawa i wawa dumuwere kabesiro saro itafi. I kabesiro uwarama nio bijari uteda i webitaita.

Matiunu 24:30

Idoba i kowaro i Ba Eme Sini Amaranu fareta tanana urero ufiro efitate i orofa atata uwara nesia i webitaita. I Ba Eme Sini Amara gosoro bunaini ario derawere ido fafiro efitaita.

Matiunu 25:41

Eno webite Danu ewani age afu uwaraba webisu, ya siosawere uwara, Godima yaba we ma kobererau utawa utasu. Godima i uitawa ina seitanini danu aneruba ubu ui. Nabairoma i uitawa inaro aniawete iro ibiawe webisu.

Matiunu 25:46

I uwarama i uitawa inaro anibitaro Godinu sina kobererau naueta uwarama me ibene ibene ibeta orofaro anibitaita Yesuma eno wei.

Matiunu 26:24

I Ba Eme Sini Amara uifisu Godinu bukaroma eno wasuba enanari uifisu. Nono Dawa do mafisu amaraba fanisi derawere mafisua wei. I do maeta amaranu danuama dawa da mubirona ina kobererau wei.

Rukanu 13:27

Eno weboro webisu, ya Na iwata me watane, ya sara siosa utaita uwara Nabairoma aniawe webisu wei.

Joninu 5:14

Duburo Yesuma i Dana ma wiroi amara dera dubu suro atanite wei, Nanu sina naua wei. Awona a wirosinuba nono duburo siosa ueta da ufaro ufasuna i wouri oferi ari mui oferi deranono wouosoa wei.

Firifai 3:19

Ema uifitaitana i siosawere kabesiro anibitaita. Emanu godina kobere ietaini emanu desini. Emanu maru uetaba sasae utaita. Ewa nasiniro ibeta torowaba imuegou utaita.

1 Tesoronaika 5:3

Moana uwarama uraneta yaraneta me, merau ibinisi eno webitaitana ido awe derawere sau uyafite ema daido ma arama ufisu. Kuita mubie utebasu awetanu sukana ureta ido sau urasu enanari i awe kowa ido sau fafisuba eme me sara feare da anibitaita.

2 Tesaronaika 2:8

I siosa ueta sineta amara dawa fafiro nono duburo Godima fafite Danu bebetu oenama ina ari i amara yafisu.

Taitasibai 2:13

Ya eno ufete Danu araetawere fareta yawofete efeisi. I araetawerena yanu Dera Godini yanu ma wiroeta Amaranu.

Iburu 10:29

Nono mui amarama Godinu Amara ekodifite i unuro ue mataneta ma kimu ueta onono, ina danu urero maneta onono, i wiroeta daba ma siosa ufite Godinu kobere durua ueta Imumu Kotofuba sina siosawere webisuna i amaraba fanisi derawere mafisugo.

2 Fitanu 2:17

I uwarana yaraie me sini ubi erio ari. Emana sina derawere waitate enanari utawa utaita. Emana waikunaro goso ari. Oyauma i goso ure wawanasuro anasu. I uwaranu me ibene ibene ibeta orofa dumuwere orofa idoni. Godima i orofa emaba we bou uiro ibinu.

2 Fitanu 3:7

Godima weiba yanu orofa atata nesia ido sirorari uite ibinu. Ido ibeda i dubu koto kowa yawotasu. I kowaro i Godinu sina nautawa uwara i siosawere kabesiro daido anibitaita. I kowaro Godima ewa orofa atataini ane ane nesia inama yare me sibisu.

Judenu 1:13

I uwarana enea ufe ari. Enea ufema igawere gugu woure ane enea gigirariro odasu, enanari i uwarama emanu igawere imueta yabai odaita. I uwarana yoya ari. Yoyama ariowere uteda fa tanasute nono dumuwere kabesiro ibasu. Enanari i uwarama i Godima ue bou ui dumuwere kotoro ane me ibene ibene ibifitaita.

Jonibai We Ma Boroyari Sina 20:11

Nana nono erena i mui dera inakeorau yaureta ibiro mui amara deiro yaubiro ere. Nono i nasinini ureini ema Dawaba iya uyatate owetate durami ue ane me ari sita.

Jonibai We Ma Boroyari Sina 20:14

Emaba koto uite emenu uietaini i uieta orofaini mune i uitawa yareiene yareiene yareta ina mesauro saniro itata. I uitawa yareiene yareiene yareta ina mesau ina i dubu uieta.

Jonibai We Ma Boroyari Sina 21:8

Nono i jaburararabo uwaraini i nauegou utawa utaita uwaraini imueta igawere uwaraini eme ma uieta uwaraini dita yagera fareta uwaraini wada barau ueta uwaraini emanu torowa agema ubu ueta godibai guriguri ueta uwaraini i meoma weta uwaraini ema nesia i uitawa gajiga dei inaro sabiro itafitaita. Ina i uieta dubu oname ido, eno weiro naue.

Jonibai We Ma Boroyari Sina 22:15

Nono i tauni wawaro i kuasiri ari uwaraini wada barau utaita uwaraini i dita yagera faraita uwaraini i eme ma uitaita uwaraini i emanu agema ueta meo godibai guriguri utaita uwaraini i meoma waita uwaraini i meoma utaita uwaraini ema nesia wawaro ibifitaita.