2 Korinita 7:7 - Yareba

⁷ Taitasima yabai fare wei, i Korinita su uwarama i ba me uetaba neno siosa utate Foroba neno arama uteda dawa efitae weita wei. Eno weiro nauete yaru derawere ue.

2 Korinita 7:7 ပူးပေါင်းရင်းမြစ်များ

Matiunu 26:75

Kokora ido weiro Fitama nauite Yesunu bodere wei sina, kokora webiro a ko Nanu ifu rarogonu we ma feafate meo webasu wei. I sina imuteda wawaro anite i derawere wei.

Matiunu 5:4

Awona emanu siosawere uetaba imuteda i waita uwara, Godima ema ma etoto ufiro yaru ufitaita.

Rukanu 22:44

Ma kimu uiro Yesuma neno oferi derawere woureda guriguri uegou uiba Danu oferoma wadada onono ari nasiniro itari.)

Afosoro 11:23

Anitiyoka suro ane farite Godinu ma kobererau utebi erite yaru derawere uteda wei, i aika naueta uwaraba wei, yanu imueta nesia Yesubai mawete ainewaure Yesunu buribi inarebeawe wei.

Romani 1:12

Na yabai famauna yanu nauetaini nanu naueta we matafete yanu neno ma kobererau ufete yaru ufeisi.

1 Korinita 5:2

Nono yana sasae uteda maru sinawa utaita. I amara siosawere uiba buna sina wiawero yabai guriguri da ufie watane.

2 Korinita 1:14

Bodere yana yanu moana sina imutebitate moana sina imutawa utebita. Awona i ba sina nesia iwata ufote yaba yaru ufoe waisi. Yesu Keriso fafiro Danu iboro inaibeda yaba yaru ufeisiba ya naini uwaraba yaru ufoita.

2 Korinita 1:4

Naini nanu uwarabai awe uyarasuba neno siosa utaisiro Godima ya we ma nabi utasu. Godima ya we ma nabi utasuba yana moana uwaranu neno siosa ueta i ari we ma nabi ufeisi.

2 Korinita 2:9

Nanu sina nesia naufoita aba me, iwata umane iba eno owawa ue odete yabai siaia ue.

2 Korinita 5:2

Ya ewado ibedana oferi aika maikaba arua waisite yana imutaisi, Godima urero ubu ui ofe awona ewa nasiniro ibeda daido mubene waisi.

2 Korinita 7:6

Nono i neno siosa ueta ma nabi utasu Godi, Dawa Taitasi siaia uiro yabai fariro neno kobererau usi.

2 Korinita 7:8

Nanu bodere yabai siaia ue owawa ima ya ma neno arama ui. Yana i owawa ereda neno siosa derawere utaba na neno arama ue. Awonana na neno arama utawa utatane. Awonana na yaru utatane. Yanu neno siosa uetaba yaru utawa utatane.

2 Korinita 8:16

Taitasi waraini yaba enanari imuegou uteda ya durua ufie wasuba iba Godibai we ma kobererau utatane.

Firifai 1:20

Na Godi imuegou utataneba na unutawa anene maru umau. Nanu awona ibeta ari enanari ibeimau aba uimauna emema ereda Yesu Kerisonu ifu we ma derawere ufitae watane.

Korose 2:5

Nana yabai ibawaro nono nanu neno yabai ibinuro yana kobererau uteda Yesu Keriso imuegou utaitaba nenoma yaru utatane.

1 Tesoronaika 3:6

Timoti yabai ane farite ibebe ibebe nono owere awona nabai fare eno wei, i Tesoronaika su uwara emanu naueta Godibai oitate uwara nesiaba neno arama uteda eno we imutaita, ya uwara kobererau eno we imutaita. Yana ema efene imutaisi enanari ya efitae imutaita eno wei.

1 Tesoronaika 3:8

Ya Tesoronaika uwara Godi imuteda merau ibinita weiro nausiba kobererau ibegou utaisi.

Iburu 2:1

Yesu Keriso Dana derawereba Godinu daba ekodioisiba yanu nausi ba sina enanari uegou ufeisi.

Jeimisinu 5:17

Iraija dawana ba amara torowa. Dawa ya ari. Dawa Godibai obi da mafie guriguri bunawere utebiba oya rarogonu muduna afuro obi matawa ui. Nono obi mafie guriguri uiba Godima nauiro obi derawere mairo ietata waratebi. Danu ueta enanari ufoitana enanari ufisu.

2 Joninu 1:4

Anu moana koiniboro Godinu ba sina naue inaraitaro nauteda yaru utatane. Godima weiba anu koiniboro nautaitaro iba yaru utatane.

Judenu 1:3

Naiyemutu, nanu ununa Godinu yabai mai ma wiroeta sina wemane imutatane. Nono na mui sina naueba iba aika sina owawa ue odatane. Nanu sina odimaro eawe. Yanu nauetaro me sara da ufete yanu buna nesia i nauetaro odegou ufete Godima uwaraba mai nauetaro inare kimu ufene iba watane.