2 Fitanu 3:9 - Yareba

⁹ Yanu Dera Waria Amarama Danu fareta sina imutasu. Moana uwarama we irutaita, Yanu Dera Waria Amara Dawa sau da fafisu we imutaita, nono Dawa eno imutawa utasu. Dana uwara imuteda uwarama me sara da uifitate emanu ba me ueta dubena afuro sabitae yawoteda iba sau farawa yawotasu.

2 Fitanu 3:9 ပူးပေါင်းရင်းမြစ်များ

Romani 13:11

Nanu mui sina wemaro nauawe. Ewa wai ya iwata utaita. Ina nauta ainibeta kowana me, ina uyareta kowa. Yana Godi imusite Godima ya mubisu kowa baworo me eno we imusi. Nono awonana Godima ya mubisu kowana baworo.

Romani 13:12

I dumuna me sibie utasuro i waina sau farasu. Enoba i dumunu siosa ueta ekodifete i wainu kobere ueta ina i arionu uraneta ememetu wadia barueta ari barufene watane.

Romani 2:4

Godima ya neno arama uteda sau ibo utawa utasu. Nono ya unutawa Danu yaba kobererau ueta. Godima ya uwara yanu neno neno ueta dubena afu saboe iba yaba neno arama uteda kobererau utasu.

Romani 9:22

Godima Danu buna efitae uteda i bodere siosawere uteda uieta mubitae utebita uwaraba imutebe imutebe ibo uteda kekerema yawotebi.

1 Timotibai 1:16

Godima naba neno arama utebiba Yesu Kerisoma na, i botai siosawere ueta amara ma wiroite emema Danu kekerama ueta efitate Dawabai wirofitate me ibene ibene ibifitae iba eno ui.

Iburu 10:37

Godinu owawa bukaroma eno wasu, kowa faiyawere mero i fafisu Amara Dawa da yawofite sau ido fafisu.

1 Fitanu 3:20

I diburaro ibebita imumu ema ofe boboro bodere ewa sakairo ibeda gifena utebitaro Godima emaba ibo utawa yawoegou utebi. I kowaro Noama danu bouti ubu utebi. Dawa i bouti ubu ue me siniro uwara ba torowa, eita (8) ema bouti ubarero amutaba ogoma ema ma inutawa uite ma fekau ui.

2 Fitanu 1:4

Dana rorowarau uetaini bunama Danu kobere we bou uetararabo matasuro ima ya durua utasuba i orofa atata siosa neno uyarasu imueta kodaisite Godi Danu ueta sineta ari munaisi.

2 Fitanu 3:15

Yanu Dera Waria Amarama sau farawa iro ibeda uwara nesia wirofitae iba yawotasu. I sina imuegou uawe. Yanu naiye Foro Godima dawa durua uiro dawa yaba enanari owawa ue odite siaia uiro eta. Dawa danu owawa nesiaro eno odasu. Danu moana imuetana feare ibetawereba i beforo buna me uwarama iwawa iwawa uteda i sinanu ubi ma siosa utaitate Godinu buka mui sinanu ubi enanari ma siosa utaitaba emanu torowa emanu uieta daba wabue odaitaba i siosawere orofaro daido anibitaita.

Jonibai We Ma Boroyari Sina 2:21

Nanu ununa danu neno Nabai odifie iba ekodero dana moana kowaro ibebirogo danu neno Nabai odawa me, dawa unutawa danu naueta Nabai odifite danu dita yagera fareta dubena afu sanawa ui.