2 Fitanu 3:4 - Yareba

⁴ I uwarama eno yare webitaita, Yesunu fareta aboro? Abo kowaro fafisu? Yanu abuamutu uie me sitaro i kowaini sakaraini daido ibinu, i orofa atata ibaiabai demurai ibinu. Yanu orofa atatana sirorari ui kowaroma utebe enanari utasu eno webitaita.

2 Fitanu 3:4 ပူးပေါင်းရင်းမြစ်များ

Matiunu 16:27

I Ba Eme Sini Amaraini Danu aneruini ema Danu Damamanu bunaini araetaro fafisuna uwara nesia ane ane utaitaba emaba enanari moko mafisu wei.

Matiunu 16:28

Yaba ba wemaro nauawe. Moana ewado inaibinita uwarama da uifitaro i Ba Eme Sini Amara Danu yawoeta orofaroma ido fafiro efitate nono uifitaita Yesuma wei.

Matiunu 24:28

I uieta ofe aboro aboro ainibifitaro iro amuo gasirama ifitae anibitaita wei.

Matiunu 24:48

Nono mui siosawere gaukara amara eno we imufisu, nanu dera amara sau da fafisu we imufite danu uruama gaukara utaita uwara isuma ufite ietaini kimu ogoini i beforo arama uwarabai iteibisuna danu dera amara kiwuma ido fafisu.

Makanu 10:6

Godima ana ana ma taka ufiro mui amarama da ma dare mune aika maika odifisu wei. Boderewere Godima orofa atata nesia odeda awetaini awera ubu uiba ana amara danu danuaini damama ekodifite danu awetabai taka ufisuna ema sadei mero demurai ari sibisu.

Makanu 13:19

I kowa faiyawere fafitaro awe awe derawere uyafitaita. Boderewere Godima i orofa atata ubu ui kowaroma eno me, awona eno erawa utaisi, i kowa me sibiro nono duburo eno da efeisi wei.

1 Tesoronaika 2:19

Yanu Dera Amara Yesu fafiro Danu iboro inafeisi. I kowaro anema naini nanu uwara ma yaru ufisu? Aneba sina derawere webeisi? Yanu moko ane? Yanu mokona yaini Godinu naueta uwara iba yaru ufeisi.

2 Fitanu 3:12

Eno ufote yawoegou ufoitana yanu Dera Waria Amaranu kowa ido sau fafiro inama ureini i urero ibinita ememetu nesia daido yare me sibisu.

Jonibai We Ma Boroyari Sina 3:14

Dana nono naba eno wei, I Reodisia dubu suro ibinu aneruba moana sina owawa eno ue odia. I sinana eno, Nana Godinu ba sinanu ubiba iba Danu sina nesia enanari ufisu. Nana ainewaure Godinu ba sina torowa webatane. Nana Godima ubu ui ememetunu ubi iba ewa sina watane.