1 Timotibai 3:2 - Yareba

^2-3 I dubu su yawoeta amara dawa kobererau ueta sineta uteda ibifiro uwarama dawa siosa amara da webitaita. Dawa aweta sadei me. Dawa aweta demurai amara. Dawa i nesia ititi kakara bobo kekerama ufisu. Dawa kobere imueta amara. Dawa sina kobererau webisu. Dawa moana uwaraba bana webisu. Dawa kobere we mawetu ueta amara. Dawa kimu ogo ie beforo arama ueta amara me. Dawa urane yarane da ufite kobererau ibifisu. Dawa oi muneta torowa amara me.

1 Timotibai 3:2 ပူးပေါင်းရင်းမြစ်များ

Rukanu 1:6

Awetaini awera Godinu dabaro rorowarau inareda Danu tarawatuini Danu sinaini nauteda imuegou utebisi. Eno utebisiro Godima emanu kobere ueta sineta erebi.

Rukanu 2:36

I kowaro mui we bou ueta aweta danu ifuna Ena, dawa dera dubu su fefenaro ibi. Dana Fanueronu aruma, i Asura Ju uwarana danu abua demurai uwara. I awetana burukawere. Aweraini oya seweni (7) ibebisiro awera uiro danu torowa oya faiyawere, eiti fo (84) ibebi. I awetama dera dubu su ekodawa, iro kowaini dumuini ibeda guriguri uteda moana kowaro ieta itawa utebi.

Romani 12:13

I naueta uwaraba nata nata uawete yanu suro aika uwara afitae bana wiawe.

1 Timotibai 3:12

I dikoni gaukara ueta uwarana aweta demurai uwara. Emanu adarabuna gifena me yaru ueta uwara.

1 Timotibai 3:8

Dikoni sinana edono, dikonini yawoeta uwaraini emanu ueta sineta arotorowa. Dikoni uwarana kobere ueta sineta uwaraba emema ereda emaba ititi kakara ufitaita. Waini ogo derawere da ifitaita. Ema unutawa oi muneta torowa. Ema sina meo wiawa baro torowa webitaita.

1 Timotibai 4:3

I uwaranu meo webitaita sinana edono, amara aweta da mua, aruma awera da mua, moana ieta da iawe, eno webitaita. Godima emeba ieta nesia maiba emema Godibai emanu ietaba we ma kobererau ufitaitana nesia ifitaita.

1 Timotibai 5:22

Mui amara dubu su dera yawoeta amara mune odifae ufasuna anu age danu kofiri deiro me sara da odiate danu ueta sineta ko botai eregou ua. I amaranu ba me ueta uruama uoisia, ba me da ua!

1 Timotibai 5:9

Mui wabu awetama i dubu su wabu awetabonu gaukara ufie webisuna eno imue ea. Dawa oya sikisiti (60) munite awera demurai torowa muni. Danu koiniboro kobererau yawotebite moana uwara bana weda ieta matebite Godinu naueta uwaranu buri urotebite ofe woureta uwara durua utebite ane ane kobererau utebina i dubu su wabu awetabonu ifubai danu ifu odia.

Taitasibai 2:2

I dera ofe kimu uwaraba eno we mawetu ua. I dera ofe kimu uwarama ane ane siosawere da ufitate nabirau ufitate imueta kobererau imuteda kobererau webitate Godinu sina nauteda imufitate neno arama uteda nesia rorowarau ufitaita eno webaro naufitaita.

Iburu 13:2

Aika uwarama yanu suro fafitaitana bana wiawe. Bodere moana uwarama eno utedana ema iwata me abo uwaraba webitana aneruba webita.

Iburu 3:14

Yana yanu naueta Yesu Kerisobai oitate Dawa imuegou uta enanari awona dawa imuegou utaitana yaini Dawaini uruama yaubeda Danu imuetaini ane ane nesia munaita.

1 Fitanu 4:7

Ewa orofa atatanu ibaiabai nesia me sibie utasuba yana guriguri ufoe uteda me sara siosa da ibiawete yanu torowa yawoegou uawete imuegou uawe.

1 Fitanu 4:9

I yadama fareta uwaraba ibo da uawete bana wegou uawe.

1 Fitanu 5:8

Toafurau yawoforo yaba wasai utasu amara, seitani, dawa dera awe orowa kua ari eme afie kekerama dobereda kaka ue inarasu.