1 Tesoronaika 5:6 - Yareba

⁶ Idoba toafurau yawoawe. Aika uwarama nauta kunawere ainebaitaba ya enanari da uawete inare kimu uteda yawoegou uawe.

1 Tesoronaika 5:6 ပူးပေါင်းရင်းမြစ်များ

Matiunu 13:25

Nono dumuro eme nauta ainibitaba mui wasai amarama farite uru tai i kobere uiti taibai waite ani.

Matiunu 24:42

Yanu Dera Amaranu fareta kowa wai ufiro aba yawiro ya iwata meba eregou uforo wei.

Matiunu 25:13

Enoba i fafisu kowaini waini wai ufiro aba yawiro ya iwata meba eregou uteda yawoegou uforo Yesuma wei.

Matiunu 25:5

I arumami nesia anitana aweta muneta amara farawa uiro nauta aita.

Rukanu 12:37

I dera amara ido fafite danu gaukara uwara nauta ainawa me yaubifitaro efisuna ema we ma kobererau ufisu wei. Yaba ba sina wemaro nauawe. Eno efisuna danu gaukara uwara ma yaufite gaukara wadia ma baruteda danu torowama emaba ieta nabero mafisu wei.

Rukanu 12:39

Imue eawe! I su ubi amarama i waira ueta amaranu dawabai fareta kowa iwata ufirona danu su yawofiro su ma siosa da ufie wei.

Rukanu 21:36

Eregou uforo! Buna muboe guriguri uforo i siosawere fafisu uetama ya ma siosa da ufiro i Ba Eme Sini Amaranu iboro me inafoita wei.

Rukanu 22:46

Ema erite wei, aneba nauta ainibinita? Uyawete guriguri uawe utebe siosawere ue ereta yabai faosoro siosawere uotoa wei.

1 Korinita 15:34

Gogore da uawete i siosawere ueta nesia kodiawe. Moana uwarama yabai ibeda Godi iwata me. Ema Godi iwata meba ina ya uwaranu kerere.

1 Korinita 16:13

Eregou uforo! Yanu naueta ma kimu uawete iya da uyawete buna uawe.

Efesa 2:3

I ari ya nesia i uwara emanu ueta sineta enanari utebisi. Yanu siosa nenonu imueta unu torowa utebisi. Yanu ofenu unuini yanu beforonu imueta unuini i nesia eno utebisi. Ya eno utebisiba Godima yaba ibo uteda fanisi mafie utebi.

Efesa 5:14

Enoba mui amarama i sina eno owawa ue odi, nauta ainibinu amara uya. I uieta uwarabairoma uyaro Yesu Kerisoma a ma ario ufi, eno owawa ue odi.

Efesa 6:18

Eno utedana Godibai guriguri utebeawe. Godibai guriguri ufoitana Godima ya durua ufie nui wiawe. Godinu Imumu Kotofuma Danu imueta yabai odifiro Godibai guriguri uawe. Guriguri da kodiawete uyawete i naueta uwara nesiaba Godibai guriguri uawe.

Firifai 4:5

Yanu Dera Waria Amara fafie usinua eme nesiabai ure nudarau uawe.

Korose 4:2

Ya uwara nesiaba wemaro nauawe. Guriguri me sara da uawete eregou uteda rorowarau uawete yanu imueta yawoteda Godibai we ma kobererau uawe.

1 Tesoronaika 4:13

Naiyemutu, i Godi imutebe uitebita uwaranu ueta sineta ya iwata ufote i Godi imutawa uteda urero da anibitaita uwaranu sorara ueta enanari da ufoe iba mui sina owawa ue odatane. I sina eregou uawe.

1 Tesoronaika 5:10

Yesu Kerisoma yaba tare uiba yaini naini uiteda me ibeda uteibero fafisuna Dawaini ibifeisi.

1 Tesoronaika 5:8

Yana i kowanu adarabuba kimu ogoma gogore da ufete yanu Godi imuetaini neno arama uetaini o dadau ueta aiyoni bira ari dadau ufete yanu Yesu Keriso ma wirotasu imueta kofi barueta ari barufeisi. Seitani ya ma serigari da ufiro Yesuma ya daido ma wirofisu.

1 Timotibai 2:15

Awetabonu gaukarana kuita muneta. Eno ufitate Godi imufitate sina derawere da webitate kobererau ibifitate eme neno arama ufitaitana Godima ema ma wirofisu.

1 Timotibai 2:9

I naueta awetaboini kobererau ibifitaita watane. Emanu wadiaba sasae da ufitate werei aika maika erawa nautawa da odifitate emanu fouma inita aika maika da yanafitae watane. Nono nanu ununa i awetaboma Godinu sina nauegou ufitate kobererau ufitaitana ina emanu werei ari.

1 Timotibai 3:11

I dikoninu awetabona kobererau ibifitaita. Ema kimu ogo da ifitate gogore da ufitaita. Moana uwarabai emeba siosawere weda emanu sina da woure tobo tufitaita. Eme da we irufitaita. Emaba kobererau ufitaita.

1 Timotibai 3:2

I dubu su yawoeta amara dawa kobererau ueta sineta uteda ibifiro uwarama dawa siosa amara da webitaita. Dawa aweta sadei me. Dawa aweta demurai amara. Dawa i nesia ititi kakara bobo kekerama ufisu. Dawa kobere imueta amara. Dawa sina kobererau webisu. Dawa moana uwaraba bana webisu. Dawa kobere we mawetu ueta amara. Dawa kimu ogo ie beforo arama ueta amara me. Dawa urane yarane da ufite kobererau ibifisu. Dawa oi muneta torowa amara me.

2 Timotibai 4:5

Ade! Anu torowa imuegou uate i awe uyaretaba iya da uyate i gaukara rorowarau uteda Godinu buna sina i uwarabai webia. Eno uteda i uwara me adadaratu yawoegou utebea.

Taitasibai 2:12

Enoba yanu Godi imutawa ue ueta sinetaini dita yagera faretaini ane ane siosa uetaini ekodifete ainewaure kobererau ufete Godi imuegou ufene farinu.

Taitasibai 2:6

I ayada uwarama dita yagera uetaini ane ane siosawere da ufitate kobererau ufitaita, webaro naufitae watane.

1 Fitanu 1:13

Yana gaukara utedana yanu imueta ma kimu uawete ue bou uawe. Yesu Keriso Dawa fafisuna Godima ya kobererau durua uteibisuba iba ereda yawoawe.

1 Fitanu 4:7

Ewa orofa atatanu ibaiabai nesia me sibie utasuba yana guriguri ufoe uteda me sara siosa da ibiawete yanu torowa yawoegou uawete imuegou uawe.

1 Fitanu 5:8

Toafurau yawoforo yaba wasai utasu amara, seitani, dawa dera awe orowa kua ari eme afie kekerama dobereda kaka ue inarasu.

Jonibai We Ma Boroyari Sina 16:15

Yesuma eme siosawere da ufitate Dawa yawofitae iba ewa kasei sinaroma eno wei, Nanu sina nauawe. Nanu faretana waira ueta amaranu fareta i ari famau. Anama nauta ainawa danu wadia kobererau yawotasuba emenu ditiro ofe torowa maru bobo da inafite dana i kowaro yaru derawere ue anibisu eno wei.

Jonibai We Ma Boroyari Sina 3:2

Uyawete yanu uitebasu naueta me siosaba ma buna uawe. Na iwata yanu ueta sineta Godinu iboro kobererau me.