1 Tesoronaika 4:10 - Yareba

¹⁰ Yana i Masadonia orofa Godinu naueta uwara nesia neno arama utaitaro ya iwata utaisi. Nono yanu ununa ya Tesaronaika uwara neno arama deiro deiro eno uegou utebeawe.

1 Tesoronaika 4:10 ပူးပေါင်းရင်းမြစ်များ

Romani 15:26

I Masadonia orofa uwaraini Akeiya orofa uwaraini emanu unu i ibaiabai me Jerusaremu su naueta uwaraba oi mafitae iba ofereni mata.

Efesa 1:15

Enoba ya uwarana yanu naueta Yesu Kerisobai oitate Godinu naueta uwaraba neno arama utaita weitaro nauete Godibai yaba guriguri uteda we ma kobererau utebatane.

Firifai 1:9

Ya uwarama Godinu imueta imuegou ufote ue iwata uforo yanu neno arama ueta derawere ufie iba Godibai guriguri utatane.

Korose 1:4

Yana Godi imuegou uteda Godi nautaita uwaraba neno arama utaita weitaro nausi. Yana Godinu ba sina auboko yabai fafiro nautaba i ure orofa kobere yaru ueta imuegou utebaita weitaro nausiba Godibai guriguri utedana yaba we ma kobererau utaisi.

1 Tesoronaika 1:7

Ya eno utaba i Masadoniaini Akeiya orofa Godinu naueta uwarama nautate ya enanari ufene weita.

1 Tesoronaika 3:12

Yanu Dera Waria Amarama ya Tesaronaika uwaranu neno ma kobererau ufiro uwara nesiaba neno arama ufoe watane. Naini nanu uwaraini ya neno arama utaisi, i ari neno arama ufoe watane.

1 Tesoronaika 4:1

Naiyemutu, nanu mui sina ewado eawe. Yanu Dera Waria Amara Yesuma buna masinuba ya Tesaronaika uwaraba mui buna sina webete we kakara ufene watane. I sina edono, Godi Danu unu ueta yaba weisina enanari uteda kobererau ibebita. Awonana deiro deiro eno uegou utebeawe.

2 Tesaronaika 1:3

Naiyemutu, yaba we ma kobererau utebaisina ina kobererau. Godi imueta faiya faiyawere imutaitate ya neno arama faiya faiyawere ue matanaitaba iba Godibai yaba we ma kobererau utebaisi.

2 Tesaronaika 3:4

Yanu bunawere waisi sina yana awona utaita enanari nono duburo ufoita. Yanu Dera Waria Amara imutaisiba ya eno utaita, ina ya iwata utaisi.

2 Fitanu 3:18

Yanu Dera Waria Amaranu sina nauegou uawete Danu ueta sineta ari uawete yanu naueta ma buna uawe. Danu ifu awonaroma Danu fafisu kowaro we ma derawere uteibene watane. Nanu sina ido me sininu.