1 Tesoronaika 3:6 - Yareba

⁶ Timoti yabai ane farite ibebe ibebe nono owere awona nabai fare eno wei, i Tesoronaika su uwara emanu naueta Godibai oitate uwara nesiaba neno arama uteda eno we imutaita, ya uwara kobererau eno we imutaita. Yana ema efene imutaisi enanari ya efitae imutaita eno wei.

1 Tesoronaika 3:6 ပူးပေါင်းရင်းမြစ်များ

Afosoro 16:1

Foroini Sairasima Debi suro ko anisite ekoisite Risita suro ane fasi. I suro mui amara danu ifu Timoti atasi. Timoti danu danuana Godinu sina naueta Ju aweta, danu damamana Guriki amara.

Afosoro 18:1

Foroma Atena su ekodite Korinita suro ane fari.

Afosoro 18:5

Duburo Sairasini Timotima Masadoniaroma are ido fasi. Are fasiro Foroma Ju uwaraba wei, Yesuna ya Ju uwaranu ma wiroeta Amara wei.

1 Korinita 11:2

Nanu we mawetu ueta nesia nauteda utaitaba ya kobererau utaita watane.

1 Korinita 13:13

Ido, i Godi naueta dabaini i Godi yawoeta dabaini i ba neno arama ueta dabaini i daba nesia ibeibitaita. Nono i dabanu botaina neno arama ueta ina ba daba ido.

Gareisia 5:6

Yana Yesu Kerisonu uwara, yabai i Ju uwaranu ofe turetana imueta derawere me, i ofe turawa uetana imueta derawere me. Yana neno arama uteda Yesu Keriso imufeisi, deina ido.

Firifai 1:8

Godi Dawa iwata, Yesu Kerisoma yaba neno arama utasu, i ari naini yaba neno arama uegou utatane.

Korose 1:4

Yana Godi imuegou uteda Godi nautaita uwaraba neno arama utaita weitaro nausi. Yana Godinu ba sina auboko yabai fafiro nautaba i ure orofa kobere yaru ueta imuegou utebaita weitaro nausiba Godibai guriguri utedana yaba we ma kobererau utaisi.

Korose 4:18

Na Foroma ewa ario sina nanu agema owawa ue odatane. Na diburaro ibineba na imutawa da uforo. Godima ya durua uteibie watane. Nanu sina ido me sininu.

1 Tesoronaika 1:3

Ya iwata, yana Godi imuegou uteda emeba neno arama utaitate kobererau uetaba ejiwa utawa uene uene utaitaro iba Godibai we ma kobererau utaisi.

1 Tesoronaika 2:17

Naiyemuturaratu, ya ekoisina yanu neno yabai ibi. Enoba yanu ununa yabai nono owere anibete yanu ibo nawata efene uteda nono arawa usi. Na Foro yabai animane utebitarana seitanima naini nanu uwaranu aneta daba garari utebiba arawa usi.

1 Tesoronaika 2:9

Naiyemutu, imue eawe! Yabai ibeda dumuini kowaini gaukara utebisi. I odo yabai Godinu sina weda ietaini ibaiabaini me sara munawa utebisi.

1 Tesoronaika 3:7

Naiyemutu, emema naini nanu uwara siosawere utaitaro neno siosa utaisina Timotima naini nanu uwarabai fare i sina weiba ya uwaranu imueta kobererauba yanu neno kobererau utaisi.

2 Tesaronaika 1:3

Naiyemutu, yaba we ma kobererau utebaisina ina kobererau. Godi imueta faiya faiyawere imutaitate ya neno arama faiya faiyawere ue matanaitaba iba Godibai yaba we ma kobererau utebaisi.

1 Timotibai 1:5

I Efesa su Godinu naueta uwarama neno arama uegou ufitate nenoma kobererau ufitate Godi imuegou ufitae iba watane. I tisa uwarama nanu sina ina iwawa utaitate urane yarane utaitate me sara waita.

2 Timotibai 1:3

Nanu abuamutuini babamutuini ema Godi imuegou uteda Godinu imueta imutebita enanari na Godi imuegou uteda Danu imueta imutatane. Nana Godibai dumuini kowaini guriguri uteda a imutatanete Godi we ma kobererau utatane.

Iburu 13:3

I naueta diburaro ibinita uwara imuawete yaini emabai ibeta ari iba imuteda durua uawe. Enanari yana ba ofero ibinitaba i oferi woureta uwara imuteda durua uawe.

Iburu 13:7

Yanu dera uwarama bodere Godinu sina yaba webita. Emanu ueta sinetaini uietaini imuawete enanari uawe.

1 Joninu 3:23

Godinu wasu sina eno, yanu neno Danu Amara Yesu Kerisobai ibifiro Dawa imufete ya neno arama ue matafe, Dawa eno yaba wasu.