1 Tesoronaika 3:3 - Yareba

³ Yana ane ane yabai faosoro iba Godi ekodiotoba Timoti siaia uturo yabai ani. Yana Godinu uwaraba Godinu wei sina enanari aika uwarama yabai siosawere utaita. Ina ya iwata utaita.

1 Tesoronaika 3:3 ပူးပေါင်းရင်းမြစ်များ

Rukanu 21:12

Yesuma eno weite wei, botai ko uwarama ya mune siosawere ufitaita. Ya Ju uwaranu dubu su yawoeta uwaranu age duro odifitate diburaro odifitate dera kini uwaraini gaemani yawoeta uwarabai Nanu ifuba woure odifitaita. Eno ufitaitana i kowaro Nanu sina weboita.

Joninu 16:2

Moana uwarama ya Ju uwaranu dubu suroma we ma yowefitaita wei. I kowa ido fafisuba i kowaro moana uwarama Godinu gaukara ufitae webitate ya ma uifitaita wei.

Joninu 16:33

Nana wene sinana yanu neno Nabai odifote kobererau ibifoe iba wene. Ewa nasiniro ibedana oferi woureiboita. Nono Nana ewa nasininu ueta sinetaini ibaiabai nesia arisiareba iba inare kimu uawe wei.

Afosoro 2:25

Deiwidima Yesunu sina eno wei, nana erebatanero Godima nabai me ibene ibebe ibeda nanu banibira age afu ibebasuba neno ubarero iya da uyamauba nanu nenoma yaru uete nanu bebetuma yaru ueta sina we. wete i duburo fafiro mumau daido ba yawotatane

Afosoro 21:11

Yabai farite Foronu yafa wadia kafa ari munite danu torowa buri age uwane tarite wei, Godinu Imumu Kotofuma wasu, i Jerusaremu Ju uwarama ewa wadia bobo amara mubitate, i aika uwaranu agero odifitaita wasu wei.

Afosoro 21:13

Weisiro Foroma wei, aneba i waita wei? Eno utaitaba neno arama derawere utatane wei. Nanu neno nesia iro animane imutatane wei. Dibura odifitaitana idorogo nono na Yesunu ifuba na ma uifitaitana ina ido. Idorogo nanu neno nesia iroba animau wei. Foro eno weiro nausi.

Afosoro 9:16

Dana Nanu amaraba emema dawaba siosawere ufitaita. Ina dawaba we mawetu umaro naufisu eno weiro Ananaiasi nauite ido ani.

Romani 5:3

Awona i ueta aika maikama yanu naueta ma siosa ufie utebasu ima yanu naueta ma kima uteibisuba iba jaja utawa ure nudarau uteda yaru derawere utaisi.

1 Korinita 15:58

Enoba naiyemutu, buna ue, imueta ure owere ma owere da ue, Godinu gaukara uegou ue, eno utebeawe. Godinu gaukara ufoitana ina kobererauba Godima ya moko mafisu.

1 Korinita 4:9

Yana eno utaitarogo nono Godima ya afosoro uwara ma derawere utawa, emenu dubenaro ibeta uwara ari odi. Uwarama mui amara ma uifitae woure anaitaro uwara nesia ero itaita. Ya afosoro uwarana i uifisu amara ari. Yana i orofa atata uwaranu ereta. Emeini aneruini ema nesia ya ero itaita.

Efesa 3:13

Nana yabai Godinu sina weba uwarama na diburaro oita. Na diburaro oita iba neno siosa da uawe. Yana Godinu sina nautate yanu naueta Dawabai oitaya iba neno siosa da uawe.

1 Tesoronaika 5:9

Godima ya fanisi mafie we odawa uite yanu Dera Amara Yesu Kerisoma ya ma wirofie iba ya we mune odi.

2 Tesaronaika 1:4

Moana uwarama ya Tesoronaika uwaraba siosawere utaitaro yana i uetaba arama utawa Godi ekodawa, Godi imuegou utaitaba Godinu naueta uwara nesiabai ina ba webaisi.

2 Timotibai 1:8

Moana uwarabai yanu Dera Waria Amaranu sina wiate maru da uate na yanu Dera Waria Amaranu dibura amaraba maru da ua. Naini Godinu gaukara ua. Godinu sina webaro uwarama ibo ufitate aba siosawere ufitaro Godima a durua ufiro na gaukara utatane i ari a Danu gaukara ufasu.

1 Fitanu 2:21

I oferi wouretana yanu gaukara. Godima yaba mai. Yesu Kerisoma yaba oferi wourebiba Dawa yanu ereta. Enoba Danu buribi ane enanari uawe.

Jonibai We Ma Boroyari Sina 2:10

I oferi woufoita ibaratu iya da uyawe. Nanu sina nauawe. Seitanima ya uwara faiyawere moana ue efie woure diburaro odifisu. Eno ufiro kowa teni torowa oferini neno arama derawere woufoita. Yanu naueta da ekodiawe. Buna uawete uifoitana duburo Nana yaba wiroeta me ibene ibene ibeta yaba mamaro ibifoita.

Jonibai We Ma Boroyari Sina 2:13

Na iwata yanu ibeta orofa. Yanu orofana seitaninu yawoeta orofa abanaro. Na iwata yana Na ekodawa uta. Bodere Nanu kobere sina weta amara, Etifasi, dana seitaninu orofaro ibebiro utaro ui. I kowaro yana Nanu ifu ma fearawa utebita.