1 Tesoronaika 3:1 - Yareba

^1-2 Yana ya uwaranu ibeta iwata meba imutebe imutebe erawa utute ido wanu torowa Atani suro ibifune weda yanu naiye, Godinu naueta amara Timoti, siaia uturo yabai ani. Yanu naiye Timoti, Dawa Godinu gaukara amara. Dawa Kerisonu sina weta amara. Dawa yanu Godi imueta ma kimu ufite yaba buna sina webie iba yabai siaia uturo ani.

1 Tesoronaika 3:1 ပူးပေါင်းရင်းမြစ်များ

Afosoro 17:15

Foroini danu uwarama Atena suro fataro Foroma emaba wei, aniawete Sairasini Timoti nabai siaia uawero nabai sau fafisisi wei.

Afosoro 17:16

Foroma Atena suro i amara sadei yawotebina i Atena su uwaranu agema ubu ueta godi fefera deina ereda neno siosa utebi.

2 Korinita 2:13

Eno uteda nanu naiye Taitasi imutebe imutebe dawa Toroasi suro atanawa ueba i uwara ekodete Masadonia orofaro ane.

1 Tesoronaika 2:17

Naiyemuturaratu, ya ekoisina yanu neno yabai ibi. Enoba yanu ununa yabai nono owere anibete yanu ibo nawata efene uteda nono arawa usi. Na Foro yabai animane utebitarana seitanima naini nanu uwaranu aneta daba garari utebiba arawa usi.

1 Tesoronaika 3:5

Idoba yaba imutebe imutebe na arama uete yanu imuetana ido aba me na iwata umane iba Timoti siaia uero yabai ani. Seitanima yaba siosawere ui aba na iwata me. Nanu gaukara yabai me sini o me, na iwata meba iba Timoti siaia uero yabai ani.