1 Tesoronaika 2:2 - Yareba

² Aubokona i Firifai su uwarabai ane Godinu sina weisina i uwarama yaba siosawere uta. Uwara faiyawere yaba siosawere ufitae weitaro iyarawa usiro Godima ya durua uiro yabai fasite Godinu sina yaba weisi.

1 Tesoronaika 2:2 ပူးပေါင်းရင်းမြစ်များ

Afosoro 14:3

Foroini Banabasi iro kowa faiyawere ibeda Yesunu kobere durua ueta sina weisi. Weisiro Yesu erite emabai buna uetaini ereta faiyawere mairo usi.

Afosoro 14:5

I aika uwaraini Ju uwaraini emanu yawoeta uwaraini i afosoro uwara gebiroma ufitae utaro nausi.

Afosoro 16:12

Iroma Firifai suro fasi. Firifaina i Masadonia orofanu botai su. I suna Romani uwaranu su. Iro fasite kowa faiyawere ibisi.

Afosoro 16:19

I arumanu yawoeta uwarama etate we imuta, yanu oi muneta daba ido me sininu we imuta. Foroini Sairasi budari utate i su tutububai yaubeta koto uwarabai woure ane oita.

Afosoro 16:37

Weina Foroma wei, emana wa emenu ditiro isuma urebita. Wana siosa ueta utawa utu. Wana Romani uwara. Emanu ununa wanu kiwuma aneta. Ina da ufutu. Fafitate wa woure ane odifitaita wei.

Afosoro 17:1

Foroini Sairasima ane Amofiforisi suini Aforonia suro fare fare daido fare anisi. I su sadeiro fare fare daido fare ane Tesoronaika suro fasi. Iro Ju uwaranu dubu su inaibiba Foroma amuite Godinu sina wei. Danu eno ainewaure utebi iba sabate kowa rarogonu i dubu suro amutebite Godinu bukaroma sina bunawere webi.

Afosoro 17:17

Eno utebiba Ju uwaranu dubu su ubareini natofo su guruguru ueta kabesiro i Ju uwaraini guruguru ueta uwaraba Godinu sina bunawere webi.

Afosoro 19:8

Foroma sabate ainewaure Ju uwaranu dubu su ubarero amutebite Godima ya kobererau yawotasu webi. Sakara rarogonuro eno utebiro moana uwarama emanu imueta ma kimu uteda imutawa utate i guruguru ubita uwara nesiaba weita, ewa Yesunu dabana siosawere weitana Foroma Godinu sina naueta uwara munite woure ani. Ane Tiranasinu sikuru su ubarero kowa woroworo guriguri uteda Godinu sina webi.

Afosoro 4:13

Fitaini Joni ema iyarawa usi. Nono bodere i amara sadei ema sikuru utawarogo sina bunawere weisi. Weisiro i kanisoro uwarama i weisi sina imutate neno kirifu uteda we imuta, i amara sadeina Yesunu buri ura imutate i buri aramaroma wiroeta amara Fitaini Jonibai inaibiro etate iba moko sina wiawa utate weita, wawaro aniawe weitaro anita.

Afosoro 4:31

Godibai i guriguri ue me sitaro emanu yaubita kabesi wawana wawana uiro Godinu Kotofu Imumu emanu neno ubarero itariba Godinu sina bunawere webita.

Afosoro 5:41

Eno utaro dera mitini ekoitate anita. I uwarana Yesu Kerisonu uwaraba moana uwarama emaba siosawere utebita. Utebitaro Godima bana wiawa afosoro uwaraba kobererau imuiba afosoro uwarama maru utawa yaru uta.

Romani 1:1

Na Foro Yesu Kerisonu sabua ueta amara. Godima na afosoro amara mune odi. Danu kobere sina wemane iba na mune odi. Godima na eno mune odiba awona yaba ewa owawa ue odeda watane.

2 Korinita 3:12

Yana i imueta nesia eno imutaisiba Godiba iya uyarawa Danu sina wegou utaisi.

Korose 2:1

Nanu sina nauawe. Uwarama uranebaita i ari nana yaini i Reodisia su naueta uwaraini nanu ibo nawata erawa uwara nesiaba derawere imuteda Godibai guriguri utebatane.

1 Tesoronaika 1:5

Naini nanu uwaraini ya ewa kobere sina me sara sina torowa webene yabai wo farawa utaisi. Ema, enona me! Ina Godinu Imumu Kotofunu bunaro fareda yanu naueta ma derawere utasu. Iba yanu ueta yabai kobererau utaisi.

Judenu 1:3

Naiyemutu, nanu ununa Godinu yabai mai ma wiroeta sina wemane imutatane. Nono na mui sina naueba iba aika sina owawa ue odatane. Nanu sina odimaro eawe. Yanu nauetaro me sara da ufete yanu buna nesia i nauetaro odegou ufete Godima uwaraba mai nauetaro inare kimu ufene iba watane.