1 Tesoronaika 2:14 - Yareba

¹⁴ Bodere i Judia orofa Ju uwarama Godinu Judia orofa sisia uwara emana Yesu Kerisoini Danu uwaraba siosawere uta. Awonana yanu moana su uwarama ya Godinu naueta uwaraba enanari siosawere utaita.

1 Tesoronaika 2:14 ပူးပေါင်းရင်းမြစ်များ

1 Tesoronaika 3:4

Yabai ibeda emema ya siosawere ufitaita we kakara usi. Enanari eno utana ina ya iwata utaita.

2 Tesaronaika 1:4

Moana uwarama ya Tesoronaika uwaraba siosawere utaitaro yana i uetaba arama utawa Godi ekodawa, Godi imuegou utaitaba Godinu naueta uwara nesiabai ina ba webaisi.

Gareisia 1:22

I kowaro Judia orofaro ibebita Yesu Kerisonu naueta uwara ema iwata me, na. Moana uwarama weita, yaba siosawere utebi amarana awona Godinu sina we inarasu. Dawa bodere yanu naueta ma siosa ufie uite nono awonana Godinu sina we inarasu weitaro Judia orofa naueta uwarama nauta.

1 Tesoronaika 1:6

Enoba naini nanu uwaranu ueta sineta enanari utebita. Yanu Dera Waria Amaranu ueta sineta enanari utaita. Yana Godinu sina nautebitana moana uwarama yaba siosawere utebitaro Godinu Imumu Kotofuma ya durua utebiba Godinu sina nauegou utate yaru derawere uta.

2 Tesaronaika 1:1

Na Foro ewa sina ya Tesoronaika uwaraba owawa ue odatane. Sairasini Timotini nabai ibeda yana Baba Godini yanu Dera Waria Amara Yesu Kerisonu uwara yaba ario waisi.

1 Tesoronaika 1:1

Na Foro, nana ewa sina owawa ue odatane eawe. Sairasini Timotini nabai ibeda yaba ario waisi. Ya Tesoronaika su uwara, ya Baba Godinu naueta uwaraba yana Godini Yesu Kerisonu uwara. Godima ya kobererau durua ufite ya nesiaba wesarauini ure nudarau ueta mafiro merau ibifoe iba watane.

1 Korinita 7:17

Godinu naueta uwara nesiaba watane. Yana anene ibebitaro Godima Danu buna yaba maite we mune odia enanari utebeawe.

Afosoro 17:13

Foroma Godinu sina Beria suro webina Tesoronaika uwarama nautate Beria suro ane fatate ibo uteda ejiwa sina weitaba uwara faiyawere Foroba jaja uta.

Afosoro 11:19

Sitiwaninu ui kowaroma moana uwarama uyatate i naueta uwaraba ba mewere utebita. Utebitaba i naueta uwarama orofa aika maikaro wo bagaru ue anita. Moana Fonisia orofaro anita. Moana Saifurasi orofaro anita. Moana Anitiyoka suro anita. Anitate Ju uwara torowaba Godinu kobere sinaini Yesunu sina weita.

Afosoro 9:31

I kowaro Judiaini Garerini Samaria orofaro ibeta naueta uwarama merau ibeda wesarau ue ibebita. I kowaro eno ibebitaro emanu naueta derawere ui. I naueta uwarama Godiba we ma kobererau utebitaro Godinu Imumu Kotofuma ema durua utebiba eme faiyawere Godinu sina nautebitaba i naueta uwarabai ane taka utebita.

Afosoro 9:13

Weiro Ananaiasima wei, Dera Waria Amara Soro na iwata, etei amara anu Jerusaremu suro ibeta uwaraba ba mewere utebasu.

Afosoro 9:1

Soro ibo uteda Yesunu naueta uwaraba ba me utebi. Uite botai dera fuyo ode sina weta amarabai anite wei, owawa mairo Damasikosi Ju uwaranu su suro animate i naueta uwara emeini awetaboini nesia budari umate mune Jerusaremu suro famau wei. Eno weiro owawa eno ue mairo woure ani.

Afosoro 8:1

Soro danu unu Sitiwani ureta iba Sitiwani utana Foronu neno ido itari. Moana Isaraero Godi naueta uwara are fatate i weda Sitiwaninu ofe mune uri uta. Danu uieta kowaroma moana uwarama Jerusaremu dubu su naueta uwaraba ba me uta. Eno utaba wo bagaru ue aika maika anita. Judiaini Samaria orofaro anita. I afosoro uwara torowama Jerusaremu suro ibebita.

Afosoro 8:3

Soroma i naueta uwaranu su suro anite uwara budari uite emeini awetaboini budari uite ana ebaro mune ane odi.

Afosoro 13:50

I Ju uwara ema unutawaba ejiwa sina weitaro moana baeta awetaboini emeini nautate Foroini Banabasi natofo su uwarama yowetaro anisi.

Afosoro 14:2

Godinu sina nautawa Ju uwarama dua sina weitaro i aika uwarama nautate i Godinu sina naueta uwaraba ubusi uyata.

Afosoro 14:4

I Aikoniamu su uwara imueta daba demuraina me. Moana uwarama Ju uwaranu sina nauta. Moana uwarama afosoro uwaranu sina nauta.

Afosoro 14:5

I aika uwaraini Ju uwaraini emanu yawoeta uwaraini i afosoro uwara gebiroma ufitae utaro nausi.

Afosoro 14:19

Moana Ju uwarama Anitiyokaini Aikoniamu suroma i Risita su uwarabai are fatate Foroini Banabasiba wawei weita. Eno woroworo webitaba i uwara nautebe arama utate gebiro mutate Foro sane uta. Eno utaro sakairo urei. Ureiro agero mutate ma youre su baruna wawaro sane oita. Dana uisinua we imutate iba iro sane oita.

Afosoro 18:12

I amara Garioma i Akeiya orofa yawotebina i Ju uwara faiyawerema Foroba ibo utate urafitae uteda yare Foro i koto ueta uwarabai woure ane oita.

1 Korinita 10:32

I Ju uwaraini Guriki uwaraini Godinu sisia uwaraini ema nesiabai siosawere da uawe, ema neno siosa uotoa.