1 Tesoronaika 2:11 - Yareba

¹¹ Mui amarama danu adarabu we kakara ue we mawetu utebasu i ari naini nanu uwaraini yabai enanari usiro ya iwata utaita.

1 Tesoronaika 2:11 ပူးပေါင်းရင်းမြစ်များ

Afosoro 20:2

Masadonia orofa aboro aboro ane Godinu sina naueta uwaranu imueta ma kobererau utebe ekodi.

Efesa 4:17

Nanu mui sina Yesu Kerisonu ifuro bunawere wemaro nauawe. I Godinu sina nautawa uwaranu ueta sineta ari enanari da uawe. Emanu imuetana siosawere. Emanu nenona igawere. I uwara ema unutawa Godinu weta. Emana Godiba gifena uteda Godibai ibawaba emanu aika ibinita.

1 Tesoronaika 2:7

Danuama danu aruma amara kekerama yawotasu, i ari yabai ibeda enanari usi. Sara siosa utawa, kekerama usi.

1 Tesoronaika 4:1

Naiyemutu, nanu mui sina ewado eawe. Yanu Dera Waria Amara Yesuma buna masinuba ya Tesaronaika uwaraba mui buna sina webete we kakara ufene watane. I sina edono, Godi Danu unu ueta yaba weisina enanari uteda kobererau ibebita. Awonana deiro deiro eno uegou utebeawe.

1 Tesoronaika 4:6

Yanu yaiyenu awetanu buribi da aniawe. Eno ufoitana Godima ya fanisi derawere mafisu. I sina yaba bodere we kakara usiba nauegou uforo!

1 Tesoronaika 5:11

Idoba sina kobererau we matawete yanu aika ma buna ue matawe. Awona utaita, i ari enanari utebeawe.

1 Tesoronaika 5:14

Naiyemuturaratu, i ofe ejiwa uwaraba buna sina wiawero gaukara ufita. I nenoma iyaraita uwaranu neno ma buna uawe. I buna me uwara durua uawe. I uwara nesiaba me kekerama uawe.

2 Tesaronaika 2:5

Yabai ibeda i sina nesia wero imutaita aba me? Ya iwata, Dawa i siosa ueta sineta amaranu fareta daba garari utasuba iba awona farawa. Danu kowa ido fafisuna i siosa ueta sineta amara dawa ido fafisu.

2 Tesaronaika 3:12

I uwaraba yanu Dera Waria Amaranu ifuro we kakara uteda buna sina eno waisi, me sina torowa weta kodiawete yanu gaukara uawete yanu ietaini ibaiabaini oiya uawe waisi.

1 Timotibai 5:21

Godini Yesu Kerisoini Godinu kobere aneruini emanu iboro inaibeda aba bunawere wemaro naua. Ewa sina nesia rorowarau wia. Ewa amarana nanu naiye aba etei amarana nanu komariba iba da wemau eno da we imuate i sina uwara nesiabai bunawere webaro naufitae watane.

1 Timotibai 5:7

I sina eno bunawere webaro wabu awetaboma enanari ufitaro uwarama efitate moana uwarabai emaba siosawere da webitae watane.

1 Timotibai 6:13

Godima wasuba nesia me ibinu. Dawa a durua ufisu. Yesu Kerisoma Fonitia Faeratibai inaibeda iyarawa Dana ba sina wei. Dawa a durua ufisu. Nana Godini Yesu Kerisonu iboro inaibeda Godinu iba sina awonaroma Yesu Kerisonu fafisu kowaro uegou ufaro uwarama efitate aba siosawere da webitae watane.

1 Timotibai 6:17

Ibaiabai derawere uwaraba sina eno webaro naufitae watane. Ibaiabai derawere uwara sasae da uawete i awona ibinu oi, waidumu me sibisuba iba i oi da imuawete Godi Dawa nesia matasuro munaisi, iba Godi imuawe.

1 Timotibai 6:2

Moana sabua ueta uwaranu yawoeta uwarana Godinu naueta uwara. Emaini Godinu naueta uwaraba emanu yawoeta uwaraba gifena da ufitate ititi kakara ufitae watane. I yawoeta uwarana Godinu naueta uwaraba Godima ema neno arama utasuba sabua ueta uwarama gaukara uegou ufitae watane. I sina i uwaraba wegou ufaro naufitae watane.

Taitasibai 2:15

Nanu awona wene i, emebai wegou ua. Durua ueta sinaini we kakara ueta sinaini Godinu bunaroma wia. Moana uwarama anu sina ekodifitae ufitaitana emaba bunawere wia. Eno webaro naufitae watane.

Taitasibai 2:6

I ayada uwarama dita yagera uetaini ane ane siosawere da ufitate kobererau ufitaita, webaro naufitae watane.

Taitasibai 2:9

I sabua ueta Godinu sina naueta uwarama emanu yawoeta uwaranu sina naufitate dua sina moko da webitate waira da ufitate emanu yawoeta uwaraba kobererau ititi kakara bobo ufitaro yawoeta uwarama ereda yanu ma wiroeta Amaraini Godini imufitae ufitaita. I sabua ueta uwaraba eno webaro naufitaita.

Iburu 13:22

Naiyemutu, nanu nui sina wemaro nauawe. Nanu owawa ewado yafawere meba nanu iba sinaini ma kimu ueta sina eregou uawe.

3 Joninu 1:4

Moana uwara nanu koiniboro ari Godinu ba dabaro inaraita waitaro nautedana yaru derawere utatane. Enanari anu nauetaba yaru utatane.