1 Tesoronaika 1:6 - Yareba

⁶ Enoba naini nanu uwaranu ueta sineta enanari utebita. Yanu Dera Waria Amaranu ueta sineta enanari utaita. Yana Godinu sina nautebitana moana uwarama yaba siosawere utebitaro Godinu Imumu Kotofuma ya durua utebiba Godinu sina nauegou utate yaru derawere uta.

1 Tesoronaika 1:6 ပူးပေါင်းရင်းမြစ်များ

Matiunu 16:24

Yesuma Danu iwata ueta uwaraba wei, anama Nanu buribi afie ufisuna danu unu nesia ekodifite kobere ueta danu korosi ari mubite dawa uifie Nanu buribi afisu.

Joninu 8:12

Mui kowaro Yesuma i dera dubu suro yaubita uwaraba wei, Nana ewa orofa atatanu dera nanefa ario ari. I orofa atata uwara nesia we mawetu utataneba iba Nana emanu dera ario ari. Nanu buribi afitaita uwarana dumuro da inareibitaita. Enoba Nanu wiroeta arioro anedibeibitaita wei.

Afosoro 13:52

Godinu Imumu Kotofuma Danu iwata ueta uwarabai ibegou uiro yaru derawere uta.

Afosoro 5:41

Eno utaro dera mitini ekoitate anita. I uwarana Yesu Kerisonu uwaraba moana uwarama emaba siosawere utebita. Utebitaro Godima bana wiawa afosoro uwaraba kobererau imuiba afosoro uwarama maru utawa yaru uta.

Afosoro 9:31

I kowaro Judiaini Garerini Samaria orofaro ibeta naueta uwarama merau ibeda wesarau ue ibebita. I kowaro eno ibebitaro emanu naueta derawere ui. I naueta uwarama Godiba we ma kobererau utebitaro Godinu Imumu Kotofuma ema durua utebiba eme faiyawere Godinu sina nautebitaba i naueta uwarabai ane taka utebita.

Romani 15:13

Godi Dawana yanu nauetanu ubi. Dana yaba durua ufiro Dawaba imuegou ufote yaru uteda wesarau ibifoe iba watane. Yana eno uforo Godinu Imumu Kotofuma yaba buna derawere mafiro Godi imuteda Dawa yawoegou ufoe watane.

1 Korinita 11:1

Nana Yesu Kerisonu ueta sineta ereda enanari utataneba ya nanu ueta sineta ereda enanari uawe.

1 Korinita 11:2

Nanu we mawetu ueta nesia nauteda utaitaba ya kobererau utaita watane.

1 Korinita 4:16

Enoba nanu sina nauawe. Na ane utatane ya enanari uawe.

2 Korinita 6:10

Ya neno siosa uteda nono Godinu imuetaba yaru utebaisi. Yana gugua gubari merogo uwara nono uwarabai Godinu imueta faiyawere mataisiba gugua gubari bobo uwara ari sinaita. Yana gugua gubari uwara merogo nono yana kobererau ibaisiba yana derawere gugua gubari bobo uwara ari sinaisi.

2 Korinita 8:5

Aubokona i uwarama emanu neno Godibai odeibitate nanu sina naue ufitae weitate oi mata.

Gareisia 5:22

Nono Godinu Imumu Kotofuma yanu neno ubarero ibinuna yanu uetana edono, neno arama uetaini nenoma yaru uetaini wesarau ibetaini ibo utawa uetaini kobererau uetaini nata nata uetaini ba uetaini ure nudarau uetaini yanu unu yawoegou uetaini i nesia eno mui tarwatuma i nesia garari da ufisu.

Efesa 5:1

Godima yaba neno arama utasu. Yana Godinu koiniboroba Danu ueta sineta enanari uawe.

Firifai 3:17

Naiyemutu, ewa sina ewado eawe. Nanu ueta sineta ari enanari uawe. Nanu ueta sineta ari utaita uwara eregou uawe.

2 Tesaronaika 1:4

Moana uwarama ya Tesoronaika uwaraba siosawere utaitaro yana i uetaba arama utawa Godi ekodawa, Godi imuegou utaitaba Godinu naueta uwara nesiabai ina ba webaisi.

2 Tesaronaika 3:7

Yabai ibedana yana me ibawa gaukara utebisi. Yanu bunawere gaukara ueta enanari ufoita ya iwata utaisi.

2 Tesaronaika 3:9

Yana Godinu gaukara uwaraba yanu ieta me ifeisina ifeisi. Nono ina ya unutawa. Yanu ueta enanari ufoe iba gaukara utebisi.

2 Timotibai 4:2

Emema Godinu sina naufitaita aba da naufitaitana daido bunawere webiaro eme nesia nauteibita. Yanu siosawere ueta kodiawe wiate kobererau utebeawe wia. We mawetu uteda ibo da utebeate kekerama we mawetu utebea.

Iburu 10:34

Yana i dibura uwaraba imuteda durua utebita. Moana uwarama yanu ibaiabai munebitana yanu me ibene ibene ibeta ibaiabai ibinuba yana ibo utawa yaru utebita enanari utebeawe.

1 Fitanu 1:6

Yabai yaru derawere fafisuba awona yaru uawe. Awonana awe aika maika yabai uyaraitana Godima yanu naueta ue efie yanu naueta kobererau aba aramawere iba eno utasu. Emema goru inama yarebaita. I goruna me ibene ibene ibeta ibaiabai me. Emema goru mubitae inama yarebaitaro fefetasute ba goru farebasuro i gebiro ido me sinebaitaro kobere goru ibebasu. Enanari Godinu awe uyareta yabai farasuna yanu naueta ue erasuba Godima yanu kobere me ibene ibene ibeta nauetaba Yesunu fareta dubu kowaro yaba we ma kobererau ufite ya we ma arateda yanu ifu we ma derawere ufisu.

1 Fitanu 1:8

Yana Dawa erawarogo me ibeda Dawaba neno arama utaita. Yana Dawa awona ba erawa uteda Dawa imutaitate ureroma tarari kobere yaruba yaru uteda emebai sina wetana arotorowa meba wiawa utaita.

1 Fitanu 3:13

Yana kobererau ufoitana mui amarama yaba siosawere da ufisu.

3 Joninu 1:11

Naiye warai, i siosawere amaranu ueta enanari da uate i kobererau uwaranu ueta enanari ua. Anama kobererau utasuna dawa Godinu amara. Anama siosawere utasuna dawa Godibai ibawa.