1 Tesoronaika 1:1 - Yareba

¹ Na Foro, nana ewa sina owawa ue odatane eawe. Sairasini Timotini nabai ibeda yaba ario waisi. Ya Tesoronaika su uwara, ya Baba Godinu naueta uwaraba yana Godini Yesu Kerisonu uwara. Godima ya kobererau durua ufite ya nesiaba wesarauini ure nudarau ueta mafiro merau ibifoe iba watane.

1 Tesoronaika 1:1 ပူးပေါင်းရင်းမြစ်များ

Afosoro 15:22

Eno weiro i afosoro uwaraini yawoeta uwaraini Godinu sina naueta uwara nesia nautate idoni, weitate amara sadei, Judasi Basabasini Sairasi muta. I amara sadeina dubu su yawoeta amara sadei. I amara sadeima Foroini Banabasini arotorowa Anitiyoka suro siaia ufitae we mutate emanu imueta owawa ue oita. Emanu owawana eno, ya Godinu sina naueta uwara nesia, afosoro uwaraini yawoeta uwaraini yana ya Anitiyokaini Siriaini Sirisia su aika naueta uwaraba ario weisi. Yanu sina nauawe.

Afosoro 15:27

Judasini Sairasi siaia utaisiba fafisisina bebetuma i owawa sina nesia webisisi.

Afosoro 15:40

Foroini Sairasima iro anisi. I naueta uwarama Godibai Foroini Sairasiba guriguri utate siaia utaro anisi.

Afosoro 16:19

I arumanu yawoeta uwarama etate we imuta, yanu oi muneta daba ido me sininu we imuta. Foroini Sairasi budari utate i su tutububai yaubeta koto uwarabai woure ane oita.

Afosoro 16:25

Dumu abanaro Foroini Sairasima Godiba guriguri uteda soni webisiro i dibura su ubarero yaubita uwara nauta.

Afosoro 16:29

Weiro nauite iya derawere uyareda nanefa mai wei. Ekiwa munite dibura su ubarero sau itarite iya derawere uteda iwura mameda Foroini Sairasinu buri gigirariro arubi ui.

Afosoro 17:11

I Beria Ju uwarana kobere uwara. Tesoronaika su uwara ari me. I Beria uwarama Godinu sina nauegou utate Godinu buka ainewaure yawiegou utebita. Foroini Sairasinu sina ba aba me we imutaba iba Godinu buka yawiegou utebita.

Afosoro 18:5

Duburo Sairasini Timotima Masadoniaroma are ido fasi. Are fasiro Foroma Ju uwaraba wei, Yesuna ya Ju uwaranu ma wiroeta Amara wei.

Afosoro 19:22

Foroma danu dawa durua ueta amara sadei Timotini Erasitasini Masadonia orofaro siaia uiro anisina dawa Eisia orofaro moana kowaro iro ibebi.

Afosoro 20:4

Moana uwaraini anita. Safatu, Beria su amara, dawa Firusunu amara, dawaini ani. Aritikanisi Sekunada Tesoronaika su amara sadeini anisi. Geiasi Debi su amaraini ani. Timoti ani. Eisia orofa amara sadei, Tisikasini Torofimasini anisi. Foroini i uwaraini Gurisi orofa ekoitate Firifai suro ane fata. Na Ruka, Firifai suro ema yawotebitarana ido are fata.

Romani 1:7

Godima ya Romani uwaraba neno arama uteda iba ya Danu uwara we mune odi. Yaba ario watane, yanu Baba Godini yanu Dera Waria Amara Yesu Kerisoini emana yaba me durua ufisite emanu wesa ueta yaba mafisiro merau ibifoe watane.

1 Korinita 1:2

Ya Godinu naueta Korinita su uwaraba ewa sina owawa ue odatane. Godima Yesu Kerisoro yanu neno ma kobererau uite ya Danu uwara siboe iba mune eta aika odi. Yaini i aboro aboro ibinita uwaraini ema Yesu Keriso yanu Dera Waria Amaranu ifu we ma derawere utaitaba nanu unu ema ewa owawa yawifitae watane.

2 Korinita 1:1

Na Foroma yanu yaiye Timotini wana ewa owawa siaia utaitu. Godi Danu unu uite na Yesu Kerisonu afosoro amara mune odi. Ya Korinita su Godinu naueta guruguru ue ibebaita uwaraini Akeiya orofa aboro aboro guruguru ue ibebaita naueta uwara nesia, yaba waitu.

2 Korinita 1:19

Timotini Sairasini naini Godinu Amara Yesu Kerisonu sina yaba weisi. Yanu weisi sinana baini meo sina me. Yanu Yesu Kerisonu weisi sinana ba.

Gareisia 1:22

I kowaro Judia orofaro ibebita Yesu Kerisonu naueta uwara ema iwata me, na. Moana uwarama weita, yaba siosawere utebi amarana awona Godinu sina we inarasu. Dawa bodere yanu naueta ma siosa ufie uite nono awonana Godinu sina we inarasu weitaro Judia orofa naueta uwarama nauta.

Efesa 1:2

Yanu Baba Godini yanu Dera Waria Amara Yesu Kerisoini Emana ya durua ufisite Emanu wesa ueta yaba mafisiro wesarau uteda ibifoe iba eno watane.

Firifai 1:1

Na Foro, Timotini naini wana Yesu Kerisonu sabua ueta amara sadei. Wana ewa owawa ue odaitu. Yesu Kerisonu naueta uwaraini dubu su yawoeta dera uwaraini dikoni uwaraini ya Firifai su naueta uwara nesiaba ewa owawa siaia utaitua eawe.

Korose 1:1

Godima Danu unu uite na Foro Yesu Kerisonu afosoro amara we odi. Naini Timotini wana ewa owawa ue odaituba ya Godinu Korose su naueta uwara, ya Godi imuegou utaita uwaraba ewa owawa yabai siaia ufuro eawe. Godima ya durua ufite Danu wesa uetaini ure nudarau uetaini mafiro wesarau ibifoe watane.

2 Tesaronaika 1:1

Na Foro ewa sina ya Tesoronaika uwaraba owawa ue odatane. Sairasini Timotini nabai ibeda yana Baba Godini yanu Dera Waria Amara Yesu Kerisonu uwara yaba ario waisi.

1 Timotibai 1:2

Timoti ewa sina ea. Bodere nanu we sina nauiba Yesunu sina naueta amara siniro iba aba nanu amara ari watane. Yanu Baba Godini yanu Dera Waria Amara Yesu Kerisoini Emana a kobererau durua ufisite Emanu wesa ueta aba mafisiro merau ibifae watane.

2 Timotibai 1:2

Timoti, nanu amara, nanu neno abai ibinuba ewa sina aba watane. Yanu Baba Godini yanu Dera Waria Amara Yesu Kerisoini ema kobererau durua ufisite neno arama ufisite emanu wesa ueta aba mafisiro merau ibifae watane.

Iburu 13:23

I dibura yawoeta uwarama Timoti ma uregari utaro Timotima dibura ekodite ani. Nanu unu i sina naufoe iba watane. Timotima nabai sau fafisuna dawaini naini yabai anibute ya efutu.

1 Fitanu 5:12

Siwanasi dawa ewa owawa woure yabai ane mafisu. Dawana kobere naueta amara. Ewa owawa uteda ya uwaranu neno ma buna umane watane. Godinu kobere durua ueta sina ewado ba odine. I sina eregou uawete yanu naueta ma derawere uawe.

1 Joninu 1:3

Dawa esite Danu sina nausiba yaba waisi. Ya uwaraini yaini Godibai uruama owiga ufene iba waisi. Yana Godini Danu Amaraini owiga utaisi, i ari ya uwaraini yaini Godibai owiga ufeisi.

Judenu 1:1

Na Jude, Jeimisinu dabue. Nana Yesu Kerisonu gaukara amara. Ya, Godinu muneta uwara, yanu Baba Godima ya neno arama utasuro Yesu Kerisoma ya yawoegou utasu. Yaba ario watane.