1 Korinita 8:3 - Yareba

³ Anama Godiba neno arama ufisuna dawa Godinu domaya sibiro Godima dawa iwata ufisu.

1 Korinita 8:3 ပူးပေါင်းရင်းမြစ်များ

Joninu 10:14

Nana i mamoenu kobere yawoeta amara. Nanu Babama Na iwata utasuro Nana Nanu Baba iwata utatane, enanari Nanu mamoe Na iwata utatanero mamoema Na iwata utaitaba Nanu mamoeba uimau wei.

Joninu 21:17

Yesuma Saimoni Fitaba rarogonu nono wei, Joninu amara Saimoni, Naba neno arama utasu aba me wei? Eno rarogonu weiba Fitama neno siosa uteda wei, Dera Waria Amara, A nesia iwata utasute A iwataro Aba Neno arama utatane wei. Weiro Yesuma dawaba wei, mamoe yawoeta amarama mamoe ieta matasu enanari Nanu Na naue imue utaita uwaraba Nanu sina wia wei.

Romani 11:2

Godi Dawa Danu boderewere we muni uwara ekodawa ema imutasu. Yana Iraijanu wei sina imutaita aba me? Dana Godinu bukaro Godibai Isaraero uwaraba eno wawei wei, Baba Godi, emana Anu we bou ueta uwara ma uitate Anu fuyo oeta kabesi ma jujuwegari utaro nanu torowa ibinero na ma uifitae waita wei. Dana eno weiba Godinu wei moko sina imutaita aba me? Dana eno weiro Godima moko wei, Nana eme torowa faiyawere nesia seweni tausani (7000) mune aika odine. I uwarama i ba me godi Beirabai jejerigari utawa uteda dawabai guriguri utawa utebita wei.

1 Korinita 13:12

Awonana ya ato ario ariro ereda imumu torowaba eregou utawa utaisirogo nono duburona ba eregou ufeisi. Awonana na muduna afu torowa iwata utatane. Nono duburona nana nesia iwata uegou umau. Godima nanu ueta sineta nesia iwata utasu, i ari, iwata umau.

1 Korinita 2:9

Godinu bukaroma Godinu iwataba eno wasu, ana anama boderewere Godinu imueta bunawere emanu omema nautawa ue, ditima ba erawa ue, imutawa utebita. Enoba Godima i Danu imueta bunawere awona ana anama yanu neno Dawabai odaisite neno arama utaisi uwaraba we bou ue odi, eno wasu.

Gareisia 4:9

Nono awonana yana Godi iwata utaita. Ai enona me! Godima ya iwata utasu. Eno rairo aneba Godibairoma owefote i tarawatu dabaro anibote tarawatuini baetanu sabua ueta uwara nono siboe utaita?

2 Timotibai 2:19

Godi Danu uwaraba imuetana su tutubu ari. Kimu derawere imutasuba i tutubuna wawana wawana utawa utasu. Godi Danu ere iwata ueta sina eno ibinu, Godima Danu uwara nesia iwata utasu. Nono mui eno, anama Godinu ifu mubisuna siosawere ueta kodifi eno ibinu.

Jeimisinu 1:12

Anama i siosa ue ereta ekodifisuna Godima dawa we ma kobererau ufiro yaru ufisu. Godima Dawaba neno arama utaita uwara emaba enanari me maeta derawere emaba mafisu.

Jeimisinu 2:5

Naiyemutu nanu sina nauawe. Godima i me sara ibeta uwara emanu naueta Dawabai odifitae iba ema mune odasute Danu yawoeta orofa Dawaba neno arama utaita uwaraba matasu. Enoba Danu we bou ui yawoeta orofa emaba matasu.

1 Fitanu 1:8

Yana Dawa erawarogo me ibeda Dawaba neno arama utaita. Yana Dawa awona ba erawa uteda Dawa imutaitate ureroma tarari kobere yaruba yaru uteda emebai sina wetana arotorowa meba wiawa utaita.

1 Joninu 4:19

Dana yaba botai neno arama utasuba nono yana Dawaba neno arama utaisi. Ina imuegou uawe.

1 Joninu 4:7

Nanu uwara yana neno arama ue matafene watane. I ba neno arama ueta Godibairoma fariba iba neno arama ufeisi.

Jonibai We Ma Boroyari Sina 2:13

Na iwata yanu ibeta orofa. Yanu orofana seitaninu yawoeta orofa abanaro. Na iwata yana Na ekodawa uta. Bodere Nanu kobere sina weta amara, Etifasi, dana seitaninu orofaro ibebiro utaro ui. I kowaro yana Nanu ifu ma fearawa utebita.

Jonibai We Ma Boroyari Sina 2:19

Na iwata ana Naba neno arama uteda anu naueta Nabai odegou utasu. Ana kobererau uteda nesia ure nudarau utasu. Ana bodere kobererau utebe nono awona i bodere kobererau ueta serigari utasute kobererau uegou utasu.

Jonibai We Ma Boroyari Sina 2:9

Na iwata, abai awe derawere uyarasuba anu ibetana kimuwere. Na iwata abaina ibaiabai me. Nono anu ba ibaiabai faiyawere ibinu. I uwara eno webaita, yana Ju uwara webaita. Emana Ju uwarana me. Emana seitaninu uwara. Na iwata i uwarama aba siosawere webaita.