1 Korinita 5:3 - Yareba

^3-5 Na yabai ibawa nono i siosa uetaba derawere imune. Na eno imuneba yabai ibinono uteda iba i amaraba ane umane na iwata uteda Yesunu ifuro wemaro nauawe. Mitini uawero nanu imueta yabai ibifiro Yesu Kerisonu bunaro Godinu naueta uwarabairoma i amara mune kebiro seitanibai odiawero seitanima i amaranu ofe ma arama ufisu. Seitanima eno ufiro nono i amarama imuegou ufite danu siosa imueta ekodifite danu neno imueta ma owefisu. Yesu sau fafite i amaraini ma wirofisuba iba eno ufoe watane.

1 Korinita 5:3 ပူးပေါင်းရင်းမြစ်များ

1 Korinita 5:12

I Godinu sina nautawa uwara koto da umau, ina nanu gaukara me. Yanu gaukarana Godinu naueta uwara koto utaita iba watane.

2 Korinita 10:1

Na Foro nana mui sina wemaro nauawe. Na unutawa buna sina weta, Yesu Keriso Dawa jaja bobo utawa ure nudarau utebasu i ari na eno umane watane. Yabai moana uwarama waita, Foroma iro ibeda buna sina siaia utasuba nono eido fafisuna iya uyareda sina buna me gimumutaroma webisu waita.

2 Korinita 10:11

I uwaraba wemaro nauawe. Ewado ibeda anene yaba owawa ue odatane enanari iro famate enanari wemau.

2 Korinita 13:2

Bodere yabai nanu mui abana iro ane ibetaro ibedana i ba me ueta uwaraba we kakara ue. Awonana na ewado ibeda enanari watane. Nono iro famate emaba fanisi derawere mamau.

Korose 2:5

Nana yabai ibawaro nono nanu neno yabai ibinuro yana kobererau uteda Yesu Keriso imuegou utaitaba nenoma yaru utatane.

1 Tesoronaika 2:17

Naiyemuturaratu, ya ekoisina yanu neno yabai ibi. Enoba yanu ununa yabai nono owere anibete yanu ibo nawata efene uteda nono arawa usi. Na Foro yabai animane utebitarana seitanima naini nanu uwaranu aneta daba garari utebiba arawa usi.