1 Korinita 2:3 - Yareba

^3-4 Yabai ibedana na buna me, iya uyareda iwura mameda buna utawa, uwaranu kobere imueta wiawa uete buna sina wiawa ue. Nono Godinu Imumu Kotofuma na buna maiba iba wero nautate ina Godinu sina weita.

1 Korinita 2:3 ပူးပေါင်းရင်းမြစ်များ

Afosoro 17:1

Foroini Sairasima ane Amofiforisi suini Aforonia suro fare fare daido fare anisi. I su sadeiro fare fare daido fare ane Tesoronaika suro fasi. Iro Ju uwaranu dubu su inaibiba Foroma amuite Godinu sina wei. Danu eno ainewaure utebi iba sabate kowa rarogonu i dubu suro amutebite Godinu bukaroma sina bunawere webi.

Afosoro 18:1

Foroma Atena su ekodite Korinita suro ane fari.

Afosoro 18:12

I amara Garioma i Akeiya orofa yawotebina i Ju uwara faiyawerema Foroba ibo utate urafitae uteda yare Foro i koto ueta uwarabai woure ane oita.

Afosoro 18:6

I Ju uwarama Foronu sina munawa utate emanu imueta ma kimu uteda Yesuba siosa sina weita. Eno utaba Foroma uyarite i uwara ema ekodifie uteda iba danu wadia ure fufuteda wei, yana Godi unutawaba ina yanu kerere, nanu kerere me wei. Awonana ya Ju uwara ekodimate i aika uwarabai animate Godinu sina wemau wei.

2 Korinita 10:1

Na Foro nana mui sina wemaro nauawe. Na unutawa buna sina weta, Yesu Keriso Dawa jaja bobo utawa ure nudarau utebasu i ari na eno umane watane. Yabai moana uwarama waita, Foroma iro ibeda buna sina siaia utasuba nono eido fafisuna iya uyareda sina buna me gimumutaroma webisu waita.

2 Korinita 10:10

Yabai moana uwarama waita, Foro danu owawana bunawerero danu ofe buna me. Danu wetaini kikiratu, buna me waita.

2 Korinita 13:4

Dawa buna me ofe bobo korosiro ui. Uiro Godima Dawa ma uyarite Danu buna maiba Yesu Dawa Godinu bunaro me ibinu. Naini nanu uwaraini buna me ofe bobo me ibinisi. Nono awona Dawa ari buna me ofe bobo ibeda Godinu bunama yanu gaukara utaisi. Yabairo i gaukara ufeisi.

2 Korinita 13:9

Naini nanu uwarana buna mero yana buna utaitaba yaru utaisi. Yanu ueta sineta naueta nesia derawere ufie iba Godibai guriguri utaisi.

2 Korinita 4:1

Godi Dana yaba neno arama uteda durua uite Dawa ewa gaukara yaba mai. I gaukara ufene uteda neno siosa utawa utaisi.

2 Korinita 4:16

Enoba naini nanu uwaraini ya osi utawa Godinu gaukara ekodawa utebaisi. Yanu ofe ubu arama utebasurogo yanu neno ainewaure buna utebasu.

2 Korinita 6:4

Yana Godinu gaukara uwaraba imuegou uteda kobererau utaisi eawe. Emenu siosa uetaini kimu uetaini ma oferi uetaini iba jaja bobo utawa ure nudarau utaisi.

2 Korinita 7:15

Taitasima yanu nauetaini yanu bana wetaini yanu durua uetaini imutedana ya uwaraba neno arama derawere utasu.

2 Korinita 7:5

Yana Masadonia orofaro fare ibedana imoitawa utebisi. Awe uyaretama ya ode kara utaro moana uwara urane yarane utaro i naueta uwaraba nenoma iya uyareda imoitawa usi.

Efesa 6:5

Ya gaukara uwara, yana Yesu Kerisonu sina nautaita enanari yanu dera yawoeta uwaraba iya uyareda emanu sina nesia nauawe.