1 Joninu 4:8 - Yareba

⁸ Anama neno arama utasuna dawana Godinu amara. Dana Godi iwata utasu. Ana anama neno arama utawa utaitana ema Godi iwata me.

1 Joninu 4:8 ပူးပေါင်းရင်းမြစ်များ

2 Korinita 13:11

Nanu dubu sina eawe. Yanu ueta sineta ma wiroawete nanu sina nauawete urane yarane da uawete wesarau ibiawe. I neno arama uetaini wesa maeta Godi yabai ibifie watane.

Efesa 2:4

Godi Dawa unutawa ya uwaraba fanisi maeta. Danu ununa neno arama ueta. Siosa nenonu imueta unu uteda Godiba gifena usite uinono ari ue ibisiro Dana yaba ibo utawa neno arama derawere uteda uietaroma ari Yesuini yaini nesia ma uyariro kobererau ibinisi. Godi Danu torowa ya durua uteda ma wiroi.

Iburu 12:29

Yanu Godi Dana i ane ane yare me sibisu ina ari iba watane.

1 Joninu 1:5

Yesuma ewa sina weiro nausiba iba i sina yaba eno waisi, Godi Dana ario ari. Dawabai dumu me. Nono Godini yaini owiga utaisi waisina dumu ariro inaraisiro yana meo weda meo utaisi. Godina arioro ibinuba yana i arioro inareda Dawaini owiga ba uruama utaisi. Eno utaisiro Godinu Amara Yesu Kerisonu ononoma yanu ba me ueta nesia urotebasu.

1 Joninu 2:4

Anama Dawa na iwata utatane webite nono Danu sina da mubisuna dawana meo bobo amara, dawabai ba sina me.

1 Joninu 2:9

Anama nana i arioro inaratane weda nono danu domayamutuba neno ka utasuna dawana dumuro ibeta amara.

1 Joninu 3:10

Enoba Godinu uwara abodo iwata utaitate seitaninu uwara abodo iwata utaita. Anama ba me utasuna dawa Godinu amara me. Anama danu domayaba neno arama utawa utasuna dawa Godinu amara me.

1 Joninu 3:6

Anama Yesubai ibeda dawa ba me utawa utasu. Anama ba me utasuna Yesu erawa uteda dawa Yesu iwata meba iba daido ba me utasu.

1 Joninu 4:16

Enoba Godinu yaba neno arama uetana ya iwata uteda imuegou utaisi. Godima neno arama uegou utasu. Dana ba neno arama ueta. Anama uwaraba neno arama utasuna dawa Godibai ibasuro Godima danu neno ubarero ibasu.

1 Joninu 4:7

Nanu uwara yana neno arama ue matafene watane. I ba neno arama ueta Godibairoma fariba iba neno arama ufeisi.