1 Joninu 1:2 - Yareba

² Dawana i wiroetanu ubi. Dawana Godinu sina. I sinana Ba Eme Sini. Ba Eme Siniro yana esite iba yaba i sina waisi. I wiroetana Godibai ibebe nono Ba Eme Siniro esi.

1 Joninu 1:2 ပူးပေါင်းရင်းမြစ်များ

Joninu 1:18

Mui amarama Godi erawa uiro i Danu Amara Ubi, Godini uruama ibi Amara, Dana Godi erite yabai nesia wei.

Joninu 1:4

I me ibene ibene ibetana Yesu, Danu. I me ibetana ario ari. Emema i ariobai faraitate iwata utaita.

Joninu 10:28

Araitaro emaba me ibene ibene ibeta matataneba me sara da uifitate fanisi orofaro da anibitaro mui amarama ema Nanu age duroma da ma dare mubisu wei.

Joninu 14:6

Weiro Yesuma Tomasiba wei, Nana i urero aneta dabanu ubi, Nana i ba wetanu ubi nana i wiroetanu ubi iba mui amarama mui dabaroma Bababai da fafisu wei. Enoba Nana Bababai aneta daba demurai idoni wei.

Joninu 15:27

Yade, boderewereroma Nabai ibeda erebitaba yana Naba sina weta uwara wei.

Joninu 16:28

Na Godibairoma ewa orofaro fareba nono ewa orofa ekodimate owemate Godibai animau wei.

Joninu 17:3

I me ibene ibene ibetana i ari, ana anama A, i Ba Godini, Na, Yesu Keriso, Anu siaia ui Amaraini imufitaitana emana me ibene ibene ibifitae watane wei.

Joninu 17:5

Baba, boderewere, eme me, nasini me, ana oma me, i kowaro Abai ibebitararo Ana Na ma derawere uite Anu araeta mai. Awonana enanari Abai Na ma derawere uate Anu araeta Naba mai watane wei.

Joninu 19:35

I ueta sineta na nesia ereba iba owawa odatane. Nanu sinana ba iba owawa odataneba ya eforo yanu naueta derawere ufie watane.

Joninu 21:14

Yesuma uietaroma uyarite Danu iwata ueta uwarabai kowa sadei fariro eta. Etaro inarebe ewana nono ane fariro eta.

Joninu 3:13

Mui amarama urero manawa ui. Na, i Ba Eme Sire Amara iro ibebe nasiniro tarare wei.

Joninu 7:29

Nana Dawa iwataro Dana Na siaia uiro Dawabairoma ewaro fare wei.

Joninu 8:38

Nana Nanu Babanu ba sina naueba yaba webatanero yana yanu yamamanu wei sina nautebaitate iba eno utaita wei.

Afosoro 10:41

Uwara nesiabai farawa, Godinu muneta uwara torowabai fariro esi. Esite Dawaini ieta isi wei.

Afosoro 2:32

Fitama weite wei, Godima Yesu uietaroma ma uyariro ya nesia esi.

Afosoro 5:32

I uetana nesia eraisi. Godinu Imumu Kotofu Danu naueta uwarabai mai. Imumu Kotofuini yaini i ueta nesia eraisi weita.

Romani 8:3

Nono ya uwarana siosawerero buna meba Mosesinu tarawatuma yaba eno utawaro nono Godima yaba eno utebi. Godima Danu Amara siaia uiro ewaro tararite yanu siosawere ofe ari ofe muneda ba eme sini. Godi Danu ununa Yesu Kerisoma siosa ueta mu sabie iba siaia uiro tararite ba eme sini.

Gareisia 4:4

Nono Godinu we odi i kowa ido fariro Godima Danu Amara siaia uiro ewaro fari. Yesu Danu danuama Dawa muniro Ju amara sini. Ju uwarama i tarawatuba imutebita i ari Yesuma imutebi.

1 Timotibai 3:16

Yanu Yesu Keriso imuetanu ubina derawere. Iba eno webaisi, Dawa ba eme siniro Danu Imumu Kotofuma Danu kobererau ueta ma boroyari. Aneruma Dawa erebitaro emema Danu sina i orofa atata su su nesiaro webita. Orofa atata uwarama emanu naueta Dawabai oitaro Godima Dawa munite Danu araetawere orofaro woure amo odi.

Taitasibai 1:2

Godima na munite Godima mune we odi uwaranu naueta ma derawere umate ema i ba imuetabai woure odimane gaukara utatane. Yanu nauetanu ubina me ibene ibene ibeta iba yawofene utaisi. Godima ba sina torowa wasu. Dana meo sina wiawa utasu. Dawa boderewerero mui emeru ubu utawa uite eme me ibene ibene ibifitae we bou uiba iba uwarabai sina eno watane.

1 Fitanu 5:1

Ya dubu su yawoeta uwaraba wemaro nauawe. Naini nana dubu su yawoeta amara. Nana Yesu Kerisonu korosiro oferi woureta erete nono Dawa araetawerero fafiro Dawaini uruama ibifutu. Nanu iba sina ewado eawe.

1 Joninu 1:1

Yesu Kerisoba webene iba owawa ue odaisi. Yanu sina webero nauawe. Boderewere, Godima ane ane nesia ubu ui, i kowaro Dawa ibi. Dawa ibebe nono Ba Eme Sini. Ba Eme Siniro Danu sina naue, Dawa ere, Dawa agema burie, enoma enoma usiba iba Dawaba yabai waisi.

1 Joninu 2:25

Yesuma i me ibene ibene ibeta yaba mafisu eno we bou ui.

1 Joninu 3:5

Yesuma yanu ba me ueta mubie iba Ba Eme Sini. Dawa Ba Eme Sinite ba me utawa kobererau ibebi.

1 Joninu 3:8

Anama ba me utasuna danu damamana seitani. Seitanima i botai kowaroma daido ba me ue arasu. Godinu Amarama seitaninu ba me ueta mu sabie iba ewaro tarari.

1 Joninu 4:14

Godima Danu Amara ewa orofa atata uwara nesia ma wirofie iba siaia uiro tarari. Dawa tarariro esiba iba yaba waisi.

1 Joninu 4:2

Godinu Imumu Kotofu bobo uwara anene imutaita? Godinu Imumu Kotofu bobo uwarama waita, Godinu Amara Yesu Keriso, Dawa Ba Eme Sini waitaba emanu sina Godibairoma fari ya iwata utaita.

1 Joninu 5:11

Godinu sina ane ari? Danu sinana eno, Nanu Amara ubi yabai siaia umaro tarafite yaba uifiro me ibene ibene ibifoe watane, Danu sina eno wei.

1 Joninu 5:13

Godinu me ibene ibene yabai ibinu imuegou ufoe iba ya Godinu sina nautaita uwaraba ewa owawa ue odatane.

1 Joninu 5:20

Godinu Amarama ewaro tararite yaba iwata derawere mateda Dawa iwata ufene iba tarari. Yana i ba Amara, Godinu Amara Yesu Kerisobai ibinisi. Ewa Yesu Keriso Dawana Godi. Ewa wiroetana me ibene ibene ibeta. Ina nesia ya iwata utaisi.